୪ ଦିନ ହେଲା ବୋରୱେଲ ଭିତରୁ ବାହାରି ପାରିନି ଶିଶୁ : ତାମିଲନାଡ଼ୁ ତିରୁଚିରାପଲ୍ଲୀରେ ଶୁକ୍ରବାର ଠାରୁ ୩୦ ଫୁଟ ଗଭୀର ବୋରୱେଲ ଭିତରେ ଖସିପଡ଼ିଛି ଶିଶୁ
କନକ ବ୍ୟୁରୋ : ୪ ଦିନ ହେଲା ବୋରୱେଲ ଭିତରୁ ବାହାରି ପାରିନି ଶିଶୁ । ଶିଶୁକୁ ସୁରକ୍ଷିତ ଉଦ୍ଧାର କରିବା ପାଇଁ ଲାଗିପଡ଼ିଛନ୍ତି ଉଦ୍ଧାରକାରୀ ଦଳ । ତାମିଲନାଡ଼ୁ ତିରୁଚିରାପଲ୍ଲୀ ଜିଲ୍ଲାର ନାଦୁକଟୁପଟି ଠାରେ ଶୁକ୍ରବାର ସଂଧ୍ୟାରେ ଶିଶୁଟି ଖେଳୁଥିବା ସମୟରେ ପ୍ରାୟ ୩୦ ଫୁଟ ଗଭୀର ବୋରୱେଲ ଭିତରକୁ ଖସିପଡ଼ିଥିଲା । ଶିଶୁକୁ ସୁରକ୍ଷିତ ଭାବେ ବାହାରକୁ କାଢ଼ିବା ପାଇଁ ଅତ୍ୟାଧୁନିକ ମେସିନ ଦ୍ୱାରା ବୋରୱେଲ ଚାରିପାଖ ଖନନ କରାଯାଉଛି । ଶିଶୁକୁ ୩୦ ଫୁଟ ଗଭୀର ଭିତରୁ ଉଦ୍ଧାର କରିବା ପାଇଁ ସ୍ଥାନୀୟ ପ୍ରଶାସନ ଓ ରାଜ୍ୟ ସରକାର ଜୋରଦାର ଉଦ୍ୟମ କରୁଛନ୍ତି । ଉପମୁଖ୍ୟମନ୍ତ୍ରୀ ପନୀରସେଲଭମ ଗତକାଲି ଘଟଣା ସ୍ଥଳରେ ପହଂଚି ସ୍ଥିତି ଅନୁଧ୍ୟାନ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ତେବେ ସୂଚନା ଅନୁସାରେ ପଥୁରିଆ ଜାଗା ହୋଇଥିବାରୁ ସମାନ୍ତରଳ ଗର୍ତ୍ତ ଖନନ ପାଇଁ ମୁତୟନ ହୋଇଥିବା ରିଗ୍ଟି ମାତ୍ର ୪୦ ଫୁଟ୍ ଗଭୀର ଯାଏଁ ଗାତ କରିଛି । ୧୦୦ ଫୁଟ୍ ଗାତ ଖୋଳିବାକୁ ପ୍ରାୟ ୧୨ ଘଣ୍ଟା ଲାଗିପାରେ । ଏହାପରେ ସୁଡ଼ଙ୍ଗ ଖୋଳାଯାଇ ବୋରେଓ୍ଵଲରେ ଥିବା ପିଲା ନିକଟକୁ ଯିବାକୁ ପଡ଼ିବ । ପଥର କାଟି ଶୀଘ୍ର ଗାତ ଖୋଳିବା ପାଇଁ ଚେନ୍ନାଇରୁ ଅଧିକ ଟାଣୁଆ ବ୍ଲେଡ୍ ମଗାଯାଇଛି । ଶୁକ୍ରବାର ସନ୍ଧ୍ୟା ସାଢ଼େ ପାଞ୍ଚଟା ବେଳେ ପିଲାଟି ଗହ୍ଵର ମଧ୍ୟକୁ ଖସି ପଡ଼ିଥିଲା। ସୋମବାର ଦିନକୁ ମିଶାଇ ତାକୁ ଉଦ୍ଧାର କରିବା କାର୍ୟ୍ୟ ଚତୁର୍ଥ ଦିନରେ ପ୍ରବେଶ କରିଛି । ପ୍ରଥମେ ସେ ୩୦ ଫୁଟ୍ ଗଭୀରରେ ଲାଖି ରହିଥିଲା ପରେ ଆହୁରି ତଳକୁ ଖସି ୯୦ ଫୁଟ୍ ଗଭୀରରେ ଲାଖିଛି ।