ଅନ୍ଧବିଶ୍ୱାସରେ ଦିଲ୍ଲୀ ସହର : କେଉଁଠି ଚାଲିଛି ମନ୍ତ୍ରତନ୍ତ୍ର ତ କେଉଁଠି ମୋକ୍ଷ ପ୍ରାପ୍ତି ପାଇଁ ଆତ୍ମହତ୍ୟା କରୁଛନ୍ତି ଲୋକ । ପଢ଼ନ୍ତୁ ମେଟ୍ରୋ ସହରର କଳା କାହାଣୀ
ଦିଲ୍ଲୀର ବୁରାଡି ଅଞ୍ଚଳରେ ଗୋଟେ ପରିବାରର ୧୧ ଜଣଙ୍କ ମୃତ୍ୟୁ ପରେ ସମସ୍ତେ ହତବାକ୍ ହୋଇଥିଲେ । ଏହି ଘଟଣା ଜଣା ପଡିବା ପରେ ସାରା ଅଞ୍ଚଳରେ ମୃତ୍ୟୁର କାରଣ କଣ ହୋଇ ଥାଇପାରେ ବୋଲି ଚର୍ଚ୍ଚା ହୁଏ । ପରେ ପୋଲି୍ସ ଖବର ପାଇ ଘଟଣା ସ୍ଥଳରେ ପହଞ୍ଚି ସମସ୍ତ ଦିଗକୁ ଦୃଷ୍ଟିରେ ରଖି ତଦନ୍ତ ଆରମ୍ଭ କରେ । ଏହି ପରିବାର କୈାଣସି ତନ୍ତ୍ରମନ୍ତ୍ରରେ ବିଶ୍ୱାସ କରି ଏପରି କରିଥିବା କେହି କେହି କହିବା ପରେ ପୋଲିସ ମଧ୍ୟ ଏହା ଉପରେ ତଦନ୍ତ ଆରମ୍ଭ କରିିଛି । ସତରେ କଣ ସେମାନେ କୈାଣସି କଳାଯାଦୁର ସାହାରା ନେଇ ଏପରି କରିଛନ୍ତି । ଯଦି କରିଛନ୍ତି ତେବେ କିଏ କହିବା ପରେ ଏହା କରିଥିଲେ ତାହା ଉପରେ ମଧ୍ୟ ତଦନ୍ତର ଆବଶ୍ୟକତା ରହିଛି ।
Kanak News is now on WhatsApp
Join and get latest news updates delivered to you via WhatsApp
ଏକ ରିର୍ପୋଟରୁ ଜଣାପଡିଛି ଯେ, ଦିଲ୍ଲୀର ଜନସାଧାରଣ ଏବେ ନିଜର ମନସ୍କାମନା ପୂରଣ କରିବା ଲାଗି ଅନେକ ଗୁଣିଗାରେଡିରେ ବିଶ୍ୱାସ କରୁଛନ୍ତି । ଦିଲ୍ଲୀର ଏନସିଆର ଠାରେ ଲୋକମାନଙ୍କର ବେରୋଜଗାର, ବୈବାହିକ ଜୀବନରେ ଅଶାନ୍ତି, ପ୍ରେମରେ ଅସଫଳତା, ସନ୍ତାନ ହେଉନଥିବା ଆଦି ଅନେକ ସମସ୍ୟାର ସମାଧାନ ଲାଗି ତାନ୍ତ୍ରିକ ଓ ବାବା ମାନେ ସେଠାରେ ଉପାୟ ଦେଉଥିବା ଜଣାପଡିଛି । ଏପରି କି ଗ୍ରାହକଙ୍କ ପାଖରେ ପହଞ୍ଚିବା ଲାଗି ବାବାମାନେ ସୋସିଆଲ ମିଡିଆରେ ମଧ୍ୟ ସକ୍ରିୟ ଥିବା ଦେଖାଯାଉଛି । ବର୍ତ୍ତମାନ ସମୟରେ ତାନ୍ତ୍ରିକ ମାନେ ନିଜର ପ୍ରସାର ଲାଗି ଇଣ୍ଟରନେଟରେ ଅନେକ ସାଇଟ ଗୁଡିକ ମଧ୍ୟ ଖୋଲିଲେଣି ଓ ଅନଲାଇନ ରେଜିଷ୍ଟର ମଧ୍ୟ କରୁଛନ୍ତି । ଘରେ ବସି ଗ୍ରାହକଙ୍କ ସମସ୍ୟା ସମାଧାନ କରି ନେଟବ୍ୟାଙ୍କିଂ କରିବା ସହ ଲୋକମାନଙ୍କଠାରୁ ଅନଲାଇନରେ ଟଙ୍କା ମଧ୍ୟ ଠକି ନେଉଛନ୍ତି । ଏପରିକି ତାନ୍ତ୍ରିକମାନେ ନିଜକୁ ଏକ ସ୍ୱତନ୍ତ୍ର ବିଭାଗର ବିଶେଷଜ୍ଞ କହିବାକୁ ମଧ୍ୟ ପଛାଉନାହାନ୍ତି ।
ସେଠାକାର ଜଣେ ସ୍ଥାନୀୟ ବ୍ୟକ୍ତି ନିଜର ସମସ୍ୟା ବିଷୟରେ ତାନ୍ତ୍ରିକଙ୍କ ସହ ଯୋଗାଯୋଗ କରିବାରୁ ପ୍ରଥମେ ଟଙ୍କା ଅନଲାଇନରେ ପେମେଣ୍ଟ କରିବାକୁ ପଡିବ ପରେ ସେମାନଙ୍କର ସମସ୍ୟାର ସମାଧାନ କରାଯିବ ବୋଲି ବାବା କହିଥିବାର ସେହି ବ୍ୟକ୍ତି ଜଣକ କହିଛନ୍ତି । ଏହା ସହ କେବଳ ନିଜର ଜନ୍ମତିଥି ମେସେଜ କରିବାକୁ କହିଥିଲେ ଓ ପରେ ସେ ଇଣ୍ଟରନେଟ ସାହାଯ୍ୟରେ ସବୁ ସମାଧାନ କରି ଦେବେ ବୋଲି କହିଥିଲେ ।
ଦିଲ୍ଲୀର ଏନସିଆରରେ ରହୁଥିବା ବାବା ଓ ତାନ୍ତ୍ରିକମାନେ କହୁଛନ୍ତି ଯେ, ସେମାନେ ଅଘୋରୀ ସମ୍ପ୍ରଦାୟର । ସେଠାରେ ଅନେକ ତାନ୍ତ୍ରିକ ମାନେ ଲମ୍ବା ଲମ୍ବା ବାଳ ସହ ଲମ୍ବା ଧାଡି ରଖିଛନ୍ତି । କେହି କେହି ସମ୍ପୂର୍ଣ୍ଣ ଭାବରେ କପଡା ପିନ୍ଧୁନଥିବା ଦେଖାଯାଉଛି । ଏପରିକି ସେଠାରେ କେତେକ ଆଧୁନିତକ ବାବା ରହିଛନ୍ତି ଯେଉଁମାନେ କି ଆଜିର ଯୁବ ବର୍ଗ ପରିଧାନ କରୁଥିବା କପଡା ମଧ୍ୟ ପରିଧାନ କରିବା ସହ ମୋବାଇଲ ଫୋନକୁ ବେଶ ଭଲ ଭାବରେ ଚଳାଉଥିବା ଦେଖାଯାଉଛି । ରାଜଧାନୀରେ ଦିନକୁ ଦିନ ବାବାଙ୍କ ସଂଖ୍ୟା ବଢିବାରେ ଲାଗୁଛି ।