ଚାରୋଟି କେମୋଥେରାପି ଦେବା ପରେ ପ୍ରଥମଥର ପାଇଁ ନିଜ ଅନୁଭୂତି ବଖାଣିଲେ ଇରଫାନ୍ ! କହିଲେ , ଯେକୌଣସି ମୁହୂର୍ତ୍ତରେ ବି ଚାଲିଯାଇପାରେ ଜୀବନ ।
ବଲିଉଡ୍ ଅଭିନେତା ଇରଫାନ୍ ଖାନଙ୍କର ଆଗାମୀ ଚଳଚ୍ଚିତ୍ର “କାରୱାଂ” ଅଗଷ୍ଟ ୩ ତାରିଖରେ ରିଲିଜ୍ ହେବାକୁ ଯାଉଛି । ଯେଉଁଠି ଗୋଟିଏ ପଟେ ତାଙ୍କ ପ୍ରଶଂସକ ଆଗାମୀ ଚଳଚ୍ଚିତ୍ରକୁ ଦେଖିବା ପାଇଁ ଉତ୍ସୁକ ଥିବାବେଳେ ଅନ୍ୟ ଗୋଟିଏ ପଟେ ତାଙ୍କ ସ୍ୱାସ୍ଥ୍ୟ ପାଇଁ ଭଗବାନଙ୍କ ନିକଟରେ ପ୍ରାର୍ଥନା କରୁଛନ୍ତି । ଇରଫାନ୍ ବର୍ତ୍ତମାନ ଲଣ୍ଡନରେ ରହି ନିଜର ନ୍ୟୁରୋ ଏଣ୍ଡୋକ୍ରାଇନ୍ କର୍କଟ ରୋଗର ଚିକିତ୍ସା କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ଇତ୍ୟ ଅବସରରେ ସେ ଏକ ନ୍ୟୁଜ୍ ଏଜେନ୍ସିକୁ ନିଜର ସାକ୍ଷାତକାର ଦେବାକୁ ଯାଇ କହିଥିଲେ ଯେ,ସେ ନିଜର ୪ ଗୋଟି କେମୋ ସାଇକେଲ୍ ଚିକିତ୍ସା ଶେଷ କରିସାରିଛନ୍ତି । ଆଉ ୬ ଟି କେମୋ ସାଇକେଲ୍ ଚିକିତ୍ସା କରିବା ପାଇଁ ସେ ପ୍ରସ୍ତୁତ ହେଉଛନ୍ତି । ଏହାପରେ ସ୍କାନ୍ ମଧ୍ୟ କରିବା ପାଇଁ ଡାକ୍ତର ପରାମର୍ଶ କରିଛନ୍ତି । ତେବେ ଏଥିନେଇ ଇରଫାନ୍ ଖୁବ୍ ଚିନ୍ତିତ ଅଛନ୍ତି । ସେ କୁହନ୍ତି, “ମୋତେ ଏଭଳି ପ୍ରତୀତ ହେଉଛି ଯେ ମୁଁ ମୋ ବେକରେ ଗୋଟିଏ ଚିପ୍ ଲଗାଇଦେବି ଯାହା ମୋତେ ଥରକୁ ଥର ମନେ ପକାଇଦେଉଥିବ ଯେ ପୃଥିବୀରେ ମୋ ସମୟ ସରି ସରି ଆସୁଛି । ଜୀବନ ମୋତେ ବହୁତ କିଛି ଦେଇଛି ଯେତେ କହିଲେ ବି ଏହାର ମୂଲ୍ୟ ମୁଁ ଶବ୍ଦରେ ତୁଳନା କରିପାରିବି ନାହିଁ ।
ସାକ୍ଷାତକାରରେ ଇରଫାନଙ୍କୁ ପଚରାଗଲା ଆପଣ କୌଣସି ସିନେମା ପାଇଁ ପ୍ଲାନିଙ୍ଗ୍ କରିଛନ୍ତି କି? ଉତ୍ତରରେ ସେ କହିଲେ, “ମୁଁ ଏବେ କିଛି ବି ପ୍ଲାନିଙ୍ଗ୍ କରିବା ଛାଡି ଦେଇଛି । ଜୀବନ ଉପରେ ମୋର ଆଉ ଭରଷା ନାହିଁ କେତେବେଳେ ଯେ ସେ ମୋତେ ମୃତ୍ୟୁର ଦ୍ୱାରକୁ ନେଇ ଚାଲିଯିବ ତାହା ମୁଁ ବି ଜାଣିନାହିଁ । ତେଣୁ ପ୍ରତିକ୍ଷଣ ବିନା ପ୍ଲାନିଙ୍ଗରେ ବଞ୍ଚିବାକୁ ଚାହୁଁଛି । ଆପଣଭ୍କୁ ଏଠାରେ କହିରଖୁଛୁ କି କିଛିଦିନ ପୂର୍ବେ ଇରଫାନ୍ ନିଜ ଟ୍ୱିଟର ଆକାଉଣ୍ଟରେ ତାଙ୍କୁ ନ୍ୟୁରୋ ଇଣ୍ଡୋକ୍ରାଇନ୍ ଟ୍ୟୁମର ନାମକ ରୋଗ ହୋଇଥିବା ନେଇ ନିଜ ଫ୍ୟାନ୍ସମାନଙ୍କୁ ଜଣାଇଥିଲେ ।