କେନ୍ଦ୍ର କାନରେ ‘ଆବାସ’ କଳି: ରାଜ୍ୟରେ ପ୍ରଧାନମନ୍ତ୍ରୀ ଆବାସ ଯୋଜନାରେ ଅନିୟମିତତା ହେଉଥିବା ନେଇ କେନ୍ଦ୍ର ପଞ୍ଚାୟତିରାଜ ମନ୍ତ୍ରୀଙ୍କ ପାଖରେ ଫେରାଦ ହେଲେ ବିଜେପିର ସାଂସଦ ।
କନକ ବ୍ୟୁରୋ: ଦିଲ୍ଲୀରେ ପହଞ୍ଚିଲା ପିଏମଏୟାଇ ଅନିୟମିତତା କନ୍ଦଳ । ରାଜ୍ୟରେ ପ୍ରଧାନମନ୍ତ୍ରୀ ଆବାସ ଯୋଜନା ବାଟବଣା ହେଉଥିବା ଅଭିଯୋଗ ଦିଲ୍ଲୀ ଦରବାର ପହଞ୍ଚିଲା । କେନ୍ଦ୍ରମନ୍ତ୍ରୀଙ୍କ କାନରେ ପଡିଲା ରାଜ୍ୟରେ ପିଏମ ଆବାସ ଯୋଜନାରେ ଘର ବଣ୍ଟନରେ ଅନିୟମିତତା ହେଉଥିବା କଥା । ଘର ଆବଣ୍ଟନରେ ଘୋଟାଲା ନେଇ କେନ୍ଦ୍ର ପଞ୍ଚାୟତିରାଜ ମନ୍ତ୍ରୀଙ୍କ ପାଖରେ ଅଭିଯୋଗ କରିଛନ୍ତି ବିଜେପିର କିଛି ସାଂସଦ ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସମେତ ବିଜେପିର ସାଂସଦ ପ୍ରଧାନମନ୍ତ୍ରୀ ଆବାସ ଯୋଜନାରେ ଘୋଟାଲା ହେଉଥିବା ନେଇ କେନ୍ଦ୍ର ଗ୍ରାମୀଣ ବିକାଶ ଓ ପଞ୍ଚାୟତିରାଜ ମନ୍ତ୍ରୀ ନରେନ୍ଦ୍ର ସିଂହ ତୋମାରଙ୍କ ପାଖରେ ଅଭିଯୋଗ କରିଛନ୍ତି । ତୋମାରଙ୍କୁ ଭେଟି ବିଜେପି ସାଂସଦ ଟିମ ଘଟଣାର ଯାଞ୍ଚ ପାଇଁ ଦାବି କରିଛନ୍ତି ।
ତେବେ କେନ୍ଦ୍ର ସରକାରଙ୍କ ଗାଇଡଲାଇନ ଅନୁସାରେ ରାଜ୍ୟ ସରକାର ହିତାଧିକାରୀ ତାଲିକା ପ୍ରସ୍ତୁତ କରିବା ସହ ରାଜ୍ୟ ସରକାର ଯେଉଁ ପ୍ରଧାନମନ୍ତ୍ରୀ ଆବାସ ଯୋଜାନରେ ଘର ବଣ୍ଟନ କରୁଛନ୍ତି ତାହାକୁ କେନ୍ଦ୍ର ନାଁରେ କରନ୍ତୁ ବୋଲି ଦାବି ଜଣାଇଛନ୍ତି । ଏଥିସହ ଅଯୋଗ୍ୟ ହିତାଧିକାରୀଙ୍କୁ ଘର ବଣ୍ଟନ କରିଥିବା ଘଟଣାର ବି ତଦନ୍ତ ହେଉ ବୋଲି ଦାବି କରିଛି ଟିମ୍ । ସେପଟେ ଆବାସ ଯୋଜନାକୁ ନେଇ କେନ୍ଦ୍ର-ରାଜ୍ୟ ମଧ୍ୟରେ ତୁତୁ ମେମେ ଲାଗି ରହିଥିବା ବେଳେ ଆଜି କେନ୍ଦ୍ର ଯାଏଁ ଯାଇଛି ଏହି ଆବାସ କଳି ।