କ୍ରିକେଟ ପ୍ରେମୀଙ୍କ ପାଇଁ ଖୁସିଖବର । ବିଶ୍ୱର ହାଇ ବଜେଟ କ୍ରିକେଟ ଲିଗ ଆଇପିଏଲର ୧୨ ତମ ସଂସ୍କରଣକୁ ନେଇ ଯେଉଁ ଆଶଙ୍କାର କଳାବାଦଲ ଘୋଟି ରହିଥିଲା ତାହା ମଙ୍ଗଳବାର ଦିନ ହଟିଯାଇଛି । ଅଥାର୍ତ ଆଇପିଏଲ ଆଗାମୀ ସଂସ୍କରଣ ଭାରତ ହିଁ ଖେଳାଯିବ ଏକଥା ସ୍ପଷ୍ଟ ହୋଇଯାଇଛି । ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ମଙ୍ଗଳବାର ଏକ ବୟାନ ଜାରି କରି ଏନେଇ ସ୍ପଷ୍ଟ କରିଛି ଓ ଆସନ୍ତା ମାର୍ଚ୍ଚ ୨୩ରୁ ଆଇପିଏଲର ୧୨ ତମ ସଂସ୍କରଣ ଆରମ୍ଭ ହେବାକୁ ଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଚଳିତ ବର୍ଷ ସାଧାରଣ ନିର୍ବାଚନ ଥିବାରୁ ଆଇପିଏଲ ମ୍ୟାଚ୍ ଭାରତରେ ଖେଳାଯିବ କି ନାହିଁ ତାହା ଉପରେ ସନ୍ଦେହ ସୃଷ୍ଟି ହୋଇଥିଲା । କାରଣ ଏହା ପୂର୍ବରୁ ମଧ୍ୟ ସାଧାରଣ ନିର୍ବାଚନ ପାଇଁ ଆଇପିଏଲ ବିଦେଶ ହୋଇଥିଲା । ବସିସିଆଇ ଏକ ବୟାନ ଜାରି କହିଛି ଯେ, ସର୍ବୋଚ୍ଚ ଅଦାଲତ ଦ୍ୱାରା ନିଯୁକ୍ତ କରାଯାଇଥିବା ପ୍ରଶାସକ ସମିତି (ସିଓଏ) ମଙ୍ଗଳବାର ଦିଲ୍ଲୀ ବୈଠକରେ ଆଇପିଏଲ-୨୦୧୯ ପାଇଁ ସ୍ଥାନ ଚୟନ ଉପରେ ଚର୍ଚ୍ଚା କରାଯାଇଛି ।
କେନ୍ଦ୍ର ଓ ରାଜ୍ୟର ବିଭିନ୍ନ ଏଜେନ୍ସି ସହ ଆଲୋଚନା ପରେ ଭାରତରେ ଆଇପିଏଲର ୧୨ତମ ସଂସ୍କରଣ ଆୟୋଜିତ କରାଯିବ ବୋଲି ନିଷ୍ପତି ନିଆଯାଇଛି । ମାର୍ଚ୍ଚ ୨୩ରେ ଆଇପିଏଲର ଉଦଘାଟନ ହେବ । ତେବେ ଆଇପିଏଲର ଆଗାମୀ କାର୍ଯ୍ୟକ୍ରମ ବିଷୟରେ ପରବର୍ତ୍ତୀ ସମୟରେ ଜଣାଇଦିଆଯିବ ବୋଲି ସିଓଏ ପକ୍ଷରୁ କୁହାଯାଇଛି । ଏହାପୂର୍ବରୁ ୨୦୦୯ ସାଧାରଣ ନିର୍ବାଚନ ପାଇଁ ଦକ୍ଷିଣ ଆଫ୍ରିକାରେ ଆଇପିଏଲର ଆୟୋଜନ କରାଯାଇଥିବା ବେଳେ ୨୦୧୪ ସାଧାରଣ ନିର୍ବାଚନ ପାଇଁ ୟୁଏଇରେ ଖେଳାଯାଇଥିଲା ଆଇପିଏଲ ।