ବିରୋଧ ଆଗରେ ନରମିଲା ବିସିସିଆଇ : ଚେନ୍ନାଇରେ ଆଉ ଖେଳାଯିବନି ଆଇପିଏଲ୍ ମ୍ୟାଚ୍, ବାକି ମ୍ୟାଚ୍ ପୁଣେରେ କରାଇବାକୁ ନିଷ୍ପତ୍ତି
କନକ ବ୍ୟୁରୋ : ବିରୋଧ ଆଗରେ ନରମିଲା ବିସିସିଆଇ । ଚେନ୍ନାଇରେ ଆଉ ଖେଳାଯିବନି ଆଇପିଏଲ୍ ମ୍ୟାଚ୍ । ଚେନ୍ନାଇରେ ଖେଳାଯିବାକୁ ଥିବା ଆଇପିଏଲ ମ୍ୟାଚକୁ ପୁଣେରେ କରାଇବାକୁ ନିଷ୍ପତ୍ତି ନେଇଛି ବିସିସିଆଇ । ଚେନ୍ନାଇରେ ଆଇପିଏଲ ମ୍ୟାଚ୍ କରାଇ ନଦେବା ଦାବିରେ ବିଭିନ୍ନ ସଂଗଠନ ଆନ୍ଦୋଳନ କରି ଆସୁଥିଲେ । ପୁଲିସ୍ ମଧ୍ୟ ଚେନ୍ନାଇରେ ଆଇପିଏଲ୍ ମ୍ୟାଚକୁ ସୁରକ୍ଷା ଦେଇପାରିବନି ବୋଲି କହିଥିଲା । ମଂଗଳବାର ଚେନ୍ନାଇରେ ଖେଳାଯାଇଥିବା ମ୍ୟାଚ୍ ବେଳେ ମଧ୍ୟ ଖେଳାଳୀଙ୍କୁ ବିରୋଧର ସାମନା କରିବାକୁ ପଡ଼ିଥିଲା । କିଛି ପ୍ରତିବାଦକାରୀ ପଡ଼ିଆର ସୀମାରେଖା ନିକଟରେ ଥିବା ଖେଳାଳିଙ୍କ ଉପରକୁ ଜୋତା ମଧ୍ୟ ଫିଙ୍ଗିଥିଲେ । ଫଳରେ ମ୍ୟାଚ୍ ବେଳେ ଅପ୍ରୀତିକର ପରିସ୍ଥିତି ସୃଷ୍ଟି ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
କାବେରୀ ଜଳ ବିବାଦକୁ ନେଇ ତାମିଲନାଡୁରେ ଲୋକଙ୍କ ମଧ୍ୟରେ ବିରୋଧ ଦେଖିବାକୁ ମିଳିଥିଲା। ଯାହା ଫଳରେ ଚେନ୍ନାଇରେ ଖେଳା ଯିବାକୁ ଥିବା ବାକି ସବୁ ଆଇପିଏଲ ମ୍ୟାଚକୁ ବାତିଲ କରାଯାଇଛି । ଏହି ମ୍ୟାଚ ସବୁ ଅନ୍ୟ ସ୍ଥାନରେ ଖେଳାଯିବା ପାଇଁ ନିଷ୍ପତ୍ତି ନିଆ ଯାଇଛି । ବିସିସିଆଇ ଓ ଚେନ୍ନାଇ ସୁପର କିଙ୍ଗସ୍ ନିଷ୍ପତ୍ତି ନେଇଛନ୍ତି, ଚେନ୍ନାଇର ଏମ୍ ଚିଦାମ୍ବରମ୍ ଷ୍ଟାଡିୟମରେ ଖେଳାଯିବାକୁ ଥିବା ସବୁ ଘରୋଇ ମ୍ୟାଚ ପୁଣେରେ ଖେଳାଯିବ।
ସୂଚନା ମୁତାବକ, ଚେନ୍ନାଇ ସୁପର କିଙ୍ଗସର ମାଲିକ, ଆଇପିଏଲର ଗଭର୍ଣ୍ଣିଂ କାଉନସିଲ ଓ ବିସିସିଆଇ ମିଳିତ ଭାବେ ନିଷ୍ପତ୍ତି ନେଇଛନ୍ତି, ଚେନ୍ନାଇର ସବୁ ମ୍ୟାଚକୁ ପୁଣେରେ ଆୟୋଜନ କରାଯିବ । ପୂର୍ବରୁ ପୁଣେରେ ଆଇପିଏଲର ଦୁଇଟି ମ୍ୟାଚ ମେ’ ୨୩ ଓ ମେ’ ୨୫ ତାରିଖରେ ଖେଳାଯିବାର ଥିଲା । ଏଥି ପାଇଁ ପୁଣେ ପ୍ରସ୍ତୁତି କରୁଥିବା ବେଳେଏବେ ପୁଣେରେ ଚେନ୍ନାଇର ଘରୋଇ ମ୍ୟାଚ ଖେଳାଯିବ ।
କାବେରୀ ନଦୀ ବିବାଦକୁ ନେଇ ତାମିଳନାଡୁରେ ରାଜନୈତିକ ଦଳ ମାନଙ୍କ ମଧ୍ୟରେ ବିରୋଧ ଦେଖିବାକୁ ମିଳିଛି । ଏହି କାରଣରୁ ଚେନ୍ନାଇ ପୁଲିସ ଆଇପିଏଲ ମ୍ୟାଚକୁ ସୁରକ୍ଷା ଦେଇପାରିବେନି ବୋଲି ମନା କରିଦେଇଛି । ବିଭିନ୍ନ ସଂଗଠନ ଆଇପିଏଲ ମ୍ୟାଚ ନକରିବା ବିରୋଧ ଜାରି ରଖିଛନ୍ତି । ଚେନ୍ନାଇରେ ମଙ୍ଗଳବାର ଖେଳାଯାଇଥିବା ଚେନ୍ନାଇ ଓ କୋଲକତା ନାଇଟ ରାଇଡର୍ସ ମଧ୍ୟରେ ହୋଇଥିବା ଏହି ମ୍ୟାଚ ଚାଲିଥିବା ବେଳେ ପ୍ରଥମ ଇନିଂସର ୮ ଓଭରରେ କିଛି ପ୍ରଦର୍ଶନକାରୀ ରବୀନ୍ଦ୍ର ଜାଡେଜାଙ୍କ ନିକଟକୁ ଜୋତା ଫିଙ୍ଗିଥିଲେ।