ଆଇପିଏଲରେ ଧୋନିଙ୍କ ଘରବାହୁଡ଼ା ! ଗମ୍ଭୀରଙ୍କୁ ଛାଡିଲା କେକେଆର, କ୍ୟାପଟେନ କୋହଲି ସବୁଠାରୁ ମହଙ୍ଗା ଖେଳାଳି, ଜାଣନ୍ତୁ କେଉଁ ଦଳରେ କିଏ ରହିଲେ
ଆଇପିଏଲ ୨୦୧୮ ପାଇଁ ଖେଳାଳି ରିଟେନ ପ୍ରକିୟା ଶେଷ ହୋଇଛି । ସବୁ ଦଳ ପାଇଁ ଗୁରବାର ସନ୍ଧ୍ୟା ୫ଟା ପର୍ଯ୍ୟନ୍ତ ଡେଡଲାଇନ ରହିଥିଲା । ଏହି ସମୟସୀମା ମଧ୍ୟରେ କେଉଁ ଫ୍ରାଞ୍ଚାଇଜ କେଉଁ ଖେଳାଳିଙ୍କୁ ନିଲାମ ପାଇଁ ଛାଡିବ ଓ କାହାକୁ ଦଳରେ ରଖିବ ସେ ବିଷୟରେ ସମ୍ପୂର୍ଣ୍ଣ ତଥ୍ୟ ଦେବାକୁ କୁହାଯାଇଥିଲା । ରିଟେନ ପ୍ରକିୟା ପାଇଁ ଡେଡଲାଇନ ଶେଷ ହେବା ପରେ କେଉଁ ଖେଳାଳି କେଉଁ ଦଳରେ ରହିଛନ୍ତି ତାହା ସାମ୍ନାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ରିଟେନ ଡେଡଲାଇନ ସରିବା ପରେ ପୁରୁଣା ଦଳ ଚେନ୍ନାଇ ସୁପର କିଙ୍ଗସ ଦଳକୁ ଫେରିଛନ୍ତି ମହେନ୍ଦ୍ର ସିଂହ ଧୋନି । ଧୋନିଙ୍କୁ ୧୫ କୋଟି ଟଙ୍କା ଦେଇ ଦଳରେ ରଖିଛି ଚେନ୍ନାଇ । ସେହିଭଳି ଭାରତର ଅଧିନାୟକ ବିରାଟ କୋହଲିଙ୍କୁ ମଧ୍ୟ ଆରସିବି ନିଲାମ ପ୍ରକିୟାକୁ ନ ଛାଡି ୧୭ କୋଟି ଟଙ୍କା ଦେଇ ଦଳରେ ରଖିଛି । ଯାହାଫଳରେ ବିରାଟ ଆଇପିଏଲ ଇତିହାସର ସବୁଠାରୁ ଦାମୀ ଖେଳାଳି ହୋଇଛନ୍ତି । ରୋହିତ ଶର୍ମା ପୂର୍ବଭଳି ଚଳିତବର୍ଷ ମଧ୍ୟ ମୁମ୍ବାଇ ପକ୍ଷରୁ ଖେଳିବେ । ତେବେ ସବୁଠାରୁ ଆଶ୍ଚର୍ଯ୍ୟଜନକ ଭାବେ ଗୌତମ ଗମ୍ଭୀରଙ୍କୁ ରିଟେନ କରିନାହିଁ କେକେଆର । ସେହିଭଳି ଦୁର୍ଦ୍ଦଷ ବ୍ୟାଟସମ୍ୟାନ କ୍ରିସ ଗେଲଙ୍କୁ ନିଲାମ ପାଇଁ ଛାଡିଛି ଆରସିବି । ସୁରେଶ ରୈନା ଓ ରବୀନ୍ଦ୍ର ଜାଡେଜା ଚେନ୍ନାଇ ଦଳକୁ ଫେରିଥିବା ବେଳେ ହାଦ୍ଦିକ ପାଣ୍ଡ୍ୟାକୁ ମୁମ୍ବାଇ ଓ ଡେଭିଡ ୱାନରଙ୍କୁ ରିଟେନ କରିଛି ସନରାଇର୍ଜସ ହାଇଦ୍ରାବାଦ । ଏସବୁ ବାଦ ଦୁଇବର୍ଷ ପରେ ଆଇପିଏଲକୁ ଫେରିଥିବା ରାଜସ୍ଥାନ ରୟାଲ୍ସ ସ୍ଟିଭ ସ୍ମିଥଙ୍କୁ ରିଟେନ କରିଛି । ଆଇପିଏଲର ୧୧ ତମ ସଂସ୍କରଣ ପାଇଁ ଆଗାମୀ ଜାନୁଆରୀ ୨୭ ଓ ୨୮ରେ ଖେଳାଳିଙ୍କ ନିଲାମ ହେବ ।
କେଉଁ ଖେଳାଳି ଦଳକୁ ଫେରିଲେ କେଉଁ ଖେଳାଳି ବାଦ ପଡିଲେ :
ଚେନ୍ନାଇ ସୁପର କିଙ୍ଗସ:
ଏମ.ଏସ ଧୋନି (୧୫ କୋଟି), ସୁରେଶ ରୈନା (୧୧ କୋଟି), ରବୀନ୍ଦ୍ର ଜାଡେଜା (୭ କୋଟି)
ଦିଲ୍ଲୀ ଡେୟାରଡେଭିଲସ :
ଋିଷଭ ପନ୍ତ (୧୫ କୋଟି), କ୍ରିସ ମୋରିସ (୧୧ କୋଟି), ଶ୍ରେୟାସ ଆୟାର (୭ କୋଟି)
କିଙ୍ଗସ ଇଲେଭେନ ପଞ୍ଜାବ :
ଅକ୍ଷର ପଟେଲ (୧୨.୫ କୋଟି)
କୋଲକାତା ନାଇଟ ରାଇର୍ଡସ :
ସୁନିଲ ନାରାୟଣ (୧୨.୫ କୋଟି), ଆନ୍ଦ୍ରେ ରସେଲ ( ୮,୫ କୋଟି )
ମୁମ୍ବାଇ ଇଣ୍ଡିଆନ୍ସ :
ରୋହିତ ଶର୍ମା (୧୫ କୋଟି), ହାର୍ଦ୍ଦିକ ପାଣ୍ଡ୍ୟା (୧୧ କୋଟି), ଯଶପ୍ରୀତ ବୁମରାହ ( ୭ କୋଟି)
ରାଜସ୍ଥାନ ରୟାଲ୍ସ :
ଷ୍ଟିଭ ସ୍ମିଥ ( ୧୨.୫ କୋଟି)
ଋୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର :
ବିରାଟ କୋହଲି (୧୭ କୋଟି ), ଏବି ଡି ଭିଲିୟର୍ସ ( ୧୧ କୋଟି), ସର୍ଫରାଜ ଖାନ (୩ କୋଟି)
ସନରାଇର୍ଜସ ହାଇଦ୍ରାବାଦ :
ଡେଭିଡ ୱାନର (୧୨.୫ କୋଟି), ଭୁବନେଶ୍ୱର କୁମାର (୮.୫ କୋଟି )