ଇଣ୍ଡୋନେସିଆ ଆକାଶରେ ବଡ଼ ଦୁର୍ଘଟଣା ! ୫ ଜଣ କ୍ରିଉ ମେମ୍ବରଙ୍କ ସମେତ ୧୮୯ ଜଣଙ୍କ ମୃତ୍ୟୁ ଆଶଙ୍କା ଦେଶ ବିଦେଶନ୍ୟୁଜ୍ By Pranjna Parimita Behera On Oct 29, 2018 - 9:04 PM Last updated Oct 29, 2018 - 9:11 PM 251 Share କନକ ବ୍ୟୁରୋ : ଇଣ୍ଡୋନେସିଆ ଆକାଶରେ ବଡ ଧରଣର ଦୁର୍ଘଟଣା । ଲାୟନ ଏୟାରର ବିମାନ, ଉଡାଣର କିଛି ସମୟ ପରେ ଦୁର୍ଘଟଣାଗ୍ରସ୍ତ ହେବାରୁ ବିମାନରେ ଥିବା ୧୮୯ଜଣଙ୍କର କୌଣସି ପତ୍ତା ମିଳୁନାହିଁ । ଉଦ୍ଧାର କାର୍ଯ୍ୟ ଜାରି ରହିଛି । ଏହି ବିମାନରେ ଜଣେ ଭାରତୀୟ ପାଇଲଟ ଥିବା ଜଣାପଡିଛି । Kanak News is now on WhatsApp Join and get latest news updates delivered to you via WhatsApp Join Now ଲାୟନ ଏୟାରର ଏହି ବିମାନ ଉଡିବାର ଅଳ୍ପ ସମୟ ପରେ ଦୁର୍ଘଟଣାଗ୍ରସ୍ତ ହୋଇ ଜାଭା ସମୁଦ୍ରକୁ ଖସିପଡିଥିଲା । ବିମାନରେ ଥିଲେ ୧୮୯ ଜଣ ବ୍ୟକ୍ତି । ୧୭୮ ଯାତ୍ରୀଙ୍କ ସମେତ ୩ ଜଣ ଶିଶୁ, ୨ ପାଇଲଟ ଓ ୬ ଜଣ କ୍ରିଉ ମେମ୍ବର ଥିଲେ । ବିମାନଟି ସକାଳ ୬ଟା ୨୦ରେ ଉଡାଣ ଆରମ୍ଭ କରିଥିଲା ଏବଂ ୭ଟା ୨୦ରେ ଲ୍ୟାଣ୍ଡ କରିବାର ଥିଲା । ବିମାନଟି ଉଡ଼ାଣ ଭରିବାର ୧୩ମିନିଟ ପରେ ଏଟିଏସ୍ ସହ ଯୋଗାଯୋଗ ବିଛିନ୍ନ ହୋଇଥିଲା । ଆଉ ତା’ପରେ ଘଟିଲା ଦୁର୍ଘଟଣା । ଏହା ସ୍ପଷ୍ଟ କରିଛନ୍ତି ଇଣ୍ଡୋନେସିଆର ସର୍ଚ୍ଚ ଓ ରେସକ୍ୟୁ ଏଜେନ୍ସିର ମୁଖପାତ୍ର । ଘଟଣା ପରେ ଆରମ୍ଭ ହୋଇଯାଇଛି ରେସକ୍ୟୁ ଅପରେସନ । ସମସ୍ତ ଯାତ୍ରୀ ଓ କ୍ରିଉ ମେମ୍ବରଙ୍କ ମଧ୍ୟରୁ ଜଣେ ବି ଯାତ୍ରୀ ଜୀବିତ ଥିବାର କୌଣସି ସୂଚନା ମିଳୁନଥିବା ଉଦ୍ଧାରକାରୀ ଦଳ ସୂଚନା ଦେଇଛି । ତେବେ ଯାତ୍ରୀ ସୁରକ୍ଷିତ ରହିବା ନେଇ କେବଳ ପ୍ରାର୍ଥନା କରାଯାଇପାରିବ । ଏନେଇ କୌଣସି ସ୍ପଷ୍ଟୀକରଣ ଦିଆଯାଇ ପାରୁନାହିଁ ବୋଲି ଲାୟନ ଏୟାର ଗ୍ରୁପର ମୁଖ୍ୟ କହିଛନ୍ତି । ଉଦ୍ଧାରକାରୀ ଦଳକୁ ଯାତ୍ରୀଙ୍କ ଲଗେଜ୍ ଓ ବିମାନର ଭଙ୍ଗା ସିଟ୍ ପଡିଥିବା ଦେଖିବାକୁ ମିଳିଛି । ଏହି ବିମାନରେ ୨ଜଣ ପାଇଲଟଙ୍କ ମଧ୍ୟରେ ଥିଲେ ଜଣେ ଭାରତୀୟ ପାଇଲଟ । ଦିଲ୍ଲୀ ମୟୁର ବିହାରର ୩୧ ବର୍ଷୀୟ କ୍ୟାପଟେନ ଭବ୍ୟ ସୁନେଜା ବିମାନ ଉଡାଉଥିଲେ । ଜାକର୍ତାରୁ ପ୍ରାୟ ୧ଘଂଟା ୧୦ମିନିଟର ଯାତ୍ରା ପରେ ବିମାନଟି ସୁମାତ୍ରା ଦ୍ୱୀପରେ ଥିବା ପଙ୍ଗକଲ୍ ପିନାଙ୍ଗରେ ପହଂଚିବାର ଥିଲା । ଏଟିଏସ୍ ସହ ଯୋଗାଯୋଗ ବିଛିନ୍ନ ହେବା ସମୟରେ ବିମାନଟି୩ହଜାର ୬୫୯ଫୁଟ ଉ୍ଚ୍ଚ ଏବଂ ଇଣ୍ଡୋନେସିଆ ସମୁଦ୍ର ତଟଠାରୁ ପ୍ରାୟ ୧୫କଲୋମିଟର ଦୂରରେ ଉଡାଣ ଭରୁଥିଲା । 251 Share FacebookTwitterGoogle+WhatsAppTelegramEmailPrint