ଇଣ୍ଟରନ୍ୟାସନାଲ କୋର୍ଟର ବଡ଼ ନିଷ୍ପତ୍ତି : କୁଳଭୂଷଣ ଯାଦବ ମାମଲାର ଶୁଣାଣିକୁ ଲାଇଭ୍ ଦେଖିପାରିବ ଦୁନିଆ
ପାକିସ୍ତାନ ଜେଲ୍ ରେ ବନ୍ଦୀ ଥିବା ଭାରତୀୟ ନାଗରିକ କୁଳଭୂଷଣ ଯାଦବଙ୍କ ମାମଲାରେ ଅନ୍ତର୍ଜାତୀୟ ନ୍ୟାୟାଳୟ(ଆଇସିଜେ) ଗତ ବର୍ଷ ୧୮ରୁ ୨୧ ଫେବୃୟାରୀକୁ ସାର୍ବଜନିକ ଶୁଣାଣି କରିବ । ସଂଯୁକ୍ତ ରାଷ୍ଟ୍ରର ପ୍ରଧାନ ନ୍ୟାୟ ଏକକ ଏହି ବିଷୟରେ ଏକ ବୟାନ ଜାରି କରିଛନ୍ତି । ବୟାନ ମୁତାବକ, କୁଳଭୂଷଣ ଯାଦବ ମାମଲାର ଶୁଣାଣିର ଲାଇଭ୍ ଷ୍ଟ୍ରିମିଙ୍ଗ କରାଯିବ । ପାକିସ୍ତାନୀ ସୈନ୍ୟ ଅଦାଲତ ଗୁଇନ୍ଦାଗିରୀ ଓ ଆତଙ୍କବାଦ ଅଭିଯୋଗରେ ୪୮ ବର୍ଷୀୟ ଯାଦବଙ୍କୁ ଏପ୍ରିଲ ୨୦୧୭ରେ ମୃତ୍ୟୁ ଦଣ୍ଡ ଶୁଣାଇଥିଲା । ଭାରତ ସେହି ବର୍ଷ ମେ’ ରେ ଏହି ଫଇସଲା ବିରୁଦ୍ଧରେ ଅନ୍ତର୍ଜାତୀୟ ନ୍ୟାୟାଳୟରେ ଅପିଲ ଦାଏର କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ନ୍ୟାୟାଳୟର ୧୦ ସଦସ୍ୟ ବିଶିଷ୍ଟ ପୀଠ ୧୮ ମେ’ ୨୦୧୭ରେ ପାକିସ୍ତାନ ମାମଲାରେ ଶୁଣାଣି ପୁରା ହେବା ପର୍ଯ୍ୟନ୍ତ ଦଣ୍ଡବିଧାନ ଉପରେ ରୋକ୍ ଲଗାଇଥିଲା । ଅନ୍ତର୍ଜାତୀୟ ନ୍ୟାୟାଳୟ ଦ୍ୱାରା ଜାରି ହୋଇଥିବା ଏକ ପ୍ରେସ୍ ବିଜ୍ଞପ୍ତିରେ କୁହାଯାଇଥିଲା କି, ଶୁଣାଣି କରୁଥିବା ଅଦାଲତର ୱେବସାଇଟ୍ ସହିତ ଅନଲାଇନ୍ ୱେବ୍ ଟିଭି, ସଂଯୁକ୍ତ ରାଷ୍ଟ୍ର ଅନଲାଇନ୍ ଟିଭି ଚ୍ୟାନେଲରେ ଇଂରାଜୀ ଓ ଫ୍ରେଂଚରେ ଅନ୍ ଡିମାଣ୍ଡ ଲାଇଭ୍ ଷ୍ଟ୍ରିମିଙ୍ଗ କରାଯିବ । ଯାଦବ ଉପରେ ପାକିସ୍ତାନ ଲଗାଇଥିଲା ଗମ୍ଭୀର ଅଭିଯୋଗ । କହିଥିଲା ତାଙ୍କ ସୁରକ୍ଷାବଳ ମାର୍ଚ୍ଚ ୨୦୧୬ରେ ବଲୁଚିସ୍ତାନ ପ୍ରାନ୍ତରୁ ଗିରଫ କରିଥିଲା, ଯେଉଁଠି ସେ କଥିତ ଭାବେ ଇରାନ ରାସ୍ତା ଦେଇ ପ୍ରବେଶ କରିଥିଲେ ।