କନକ ବ୍ୟୁରୋ: କେନ୍ଦ୍ରପଡା ପାଟକୁରା ଥାନା ମଧୁସୂଦନ ପୁର ଗାଁରେ ଟ୍ରିପଲ ମର୍ଡର । ମଦ୍ୟପ ସମ୍ପର୍କୀୟ ନାତିର ଠେଙ୍ଗା ଆକ୍ରମଣରେ ଜେଜେ, ଆଈ ଓ ପିଉସୀ ମୃତ । ଗତକାଲି ରାତିରେ ଏଭଳି ଅଭାବନୀୟ ଘଟଣା ଘଟିଛି । ଏହି ଘଟଣା ପରେ ଆକ୍ରମଣକାରୀ ଯୁବକ ବିକ୍ରମ କେଉଁଆଡେ ଫେରାର ହୋଇଯାଇଛି ।
Kanak News is now on WhatsApp
Join and get latest news updates delivered to you via WhatsApp
ବିକ୍ରମ ଦାସଙ୍କ ବାପା ଅକ୍ଷୟ ଦାସଙ୍କ ସୂଚନା ଅନୁସାରେ, ଗତକାଲି ବିଳମ୍ବିତ ରାତିରେ ବିକ୍ରମ ଅତ୍ୟଧିକ ମଦପିଇ ଘରକୁ ଆସିଥିଲେ । ଏହା ପରେ ସ୍ତ୍ରୀଙ୍କ ସହ ତାଙ୍କ ପାଟିତୁଣ୍ଡ ହୋଇଥିଲା । ବିକ୍ରମ ଏକ କୋଦାଳରେ ତାଙ୍କ ସ୍ତ୍ରୀଙ୍କୁ ଆକ୍ରମଣ କରିଥିଲା । ବାପା ଅକ୍ଷୟ ଓ କେତକୀ ଏହାର ପ୍ରତିବାଦ କରିବାରୁ ବିକ୍ରମ ତାଙ୍କୁ ମଧ୍ୟ ମାଡ ମାରିଥିଲା । ପରିବାର ଲୋକେ ଜୀବନ ବଂଚାଇବା ପାଇଁ ଏଣେତେଣେ ଧାଇଁ ପଳାଇଥଇଲେ ଓ ହାବୁଡରେ ପଡିଥିଲେ ପଡିଶା ଘରର ଜେଜେ ଧୃବ ଦାସ ଓ ତାଙ୍କ ସ୍ତ୍ରୀ ସରସ୍ୱତୀ ଓ ଝିଅ ପ୍ରତିମା ।
ଏହି ୩ ଜଣଙ୍କୁ ବିକ୍ରମ କୋଦାଳରେ ଆକ୍ରମଣ କରିବାରୁ ଘଟଣାସ୍ଥଳରେ ଟଳିପଡିଥିଲେ ଧ୍ରୁବ ଓ ତାଙ୍କ ପତ୍ନୀ ସରସ୍ୱତୀ । ପ୍ରତିମାଙ୍କୁ କଟକ ନିଆଯାଉଥିବା ବେଳେ ଘଟଣାସ୍ଥଳରେ ତାଙ୍କ ମୃତ୍ୟୁ ହୋଇଛି । ଜମିଜମା ବିବାଦକୁ କେନ୍ଦ୍ରକରି ଏଭଳି ଘଟଣା ଘଟିଥିବା ସନ୍ଦେହ କରାଯାଉଛି ।