ଭାରତୀୟ ରେଳବାଇର ମହିଳାଙ୍କୁ ଉପହାର : ସମସ୍ତ ଏକ୍ସପ୍ରେସ ଟ୍ରେନରେ ମହିଳାଙ୍କୁ ମିିଳିବ ଏହି ସ୍ୱତନ୍ତ୍ର ସୁବିଧା ।
ଭାରତୀୟ ରେଳବାଇ ଲଗାତାର ପ୍ଲାଟଫର୍ମର ଆଧୁନିକୀକରଣ କରିବା ସହ ଜନସାଧାରଣଙ୍କ ପାଇଁ ଟ୍ରେନରେ ଯାତ୍ରା କରିବା ସୁବିଧାଜନକ କରୁଛି । ଏହି ଦିଗରେ ଭାରତୀୟ ରେଳ ବିଭାଗ ମହିଳାମାନଙ୍କ ପାଇଁ ଖାସ ଉପହାର ନେଇ ଆସିଛିି । ଏସି,ଏକ୍ସପ୍ରେସ ଓ ମେଲ ଟ୍ରେନରେ ଯାତ୍ରା କରୁଥିବା ମହିଳାଙ୍କ ପାଇଁ ସିଟ ହାସଲ କରିବା ପାଇଁ ଆଉ ଖୋଜିବାକୁ ପଡିବ ନାହିଁ । ବାସ୍ତବରେ ଭାରତୀୟ ରେଳବାଇ ବସ ଭଳି ଟ୍ରେନରେ ମଧ୍ୟ ମହିଳାଙ୍କ ପାଇଁ ସ୍ୱତନ୍ତ୍ର ସିଟ ବ୍ୟବସ୍ଥା କରିଛି । ଭାରତୀୟ ମହିଳା ଖୁବ ଶୀଘ୍ର ଏହି ସୁବିଧା ପାଇପାରିବେ ।
Kanak News is now on WhatsApp
Join and get latest news updates delivered to you via WhatsApp
ରେଳବାଇ ପକ୍ଷରୁ ଜାରି କରାଯାଇଥିବା ସର୍କୁଲାର ମୁତାବକ ଟ୍ରେନରେ ଏକା ଯାତ୍ରା କରୁଥିବା ମହିଳାଙ୍କ ପାଇଁ ସ୍ୱତନ୍ତ୍ର ଏସି, ଏକ୍ସପ୍ରେସ ଓ ମେଲ ଟ୍ରେନରେ ୬ଟି ସିଟ ସରଂକ୍ଷିତ ରହିବ । ସର୍କୁଲାରରେ କୁହାଯାଇଛି କି, ଏହି ସୁବିଧା ମହିଳାଙ୍କ ସେହି ସମୂହକୁ ମଧ୍ୟ ମିଳିବ, ଯାହାର ପିଏନଆର ସମାନ ଥିବ ଓ ତାଙ୍କ ସହିତ କୌଣସି ପୁରୁଷ ନଥିବେ ।
ଭାରତୀୟ ରେଳବାଇ ଏହା ବ୍ୟତୀତ ସ୍ଲିପର କ୍ଲାସରେ ୬ଟି ଲୋୟର ବର୍ଥ ସିଟ ୪୫ ବର୍ଷରୁ ଅଧିକ ବୟସ୍କ ମହିଳା ଓ ଗର୍ଭବତୀ ମହିଳାଙ୍କ ପାଇଁ ସରଂକ୍ଷିତ ରଖିବାର ନିଷ୍ପତ୍ତି ନେଇଛନ୍ତି । ଏହା ହିଁ ନୁହେଁ, ଯଦି ଏହି ସିଟ ପ୍ରଥମ ଚ୍ୟାଟ ସିଟ ତିଆରି ହେବା ପୂର୍ବରୁ ବୁକ ହୋଇ ନଥିବ, ତେବେ ଏଭଳି ସ୍ଥିତିରେ ଉକ୍ତ ସିଟ ସେହି ମହିଳାଙ୍କୁ ମିଳିବ, ଯେଉଁମାନେ ୱେଟିଂ ଲିଷ୍ଟରେ ଥିବେ । ଯଦି ୱେଟିଂ ତାଲିକାରେ କୈାଣସି ମହିଳା ଏକୁଟିଆ ନଥିବେ, ତେବେ ଏହି ସିଟ ବରିଷ୍ଠ ନାଗରିକଙ୍କୁ ଦିଆଯିବ ।
ଏସି କୋଚରେ ତିନୋଟି ଲୋୟର ବର୍ଥ ସିଟ ୪୫ ବର୍ଷରୁ ଉଦ୍ଧ୍ୱର୍ ବୟସ ଓ ଗର୍ଭବତୀ ମହିଳାଙ୍କ ପାଇଁ ରହିବ । ଏଠାରେ ଆପଣଙ୍କୁ କହି ରଖୁଛୁ କି, ସ୍ଲିପର କୋଚ ଓ ଏସି କୋଚର ଏହି ସିଟ ଏହି ମହିଳାଙ୍କ ସହିତ ବରିଷ୍ଠ ନାଗରିକଙ୍କ ପାଇଁ ମଧ୍ୟ ସରଂକ୍ଷିତ ରଖାଯିବ । କିନ୍ତୁ ଏଥିପାଇଁ ଆପଣଙ୍କ ପାଖରେ ସ୍ଲିପର କ୍ଲାସର ଟିକେଟ ଥିବା ଦରକାର ।