ନୌସେନାରେ ଚାକିରି ପାଇଁ ସୁବର୍ଣ୍ଣ ସୁଯୋଗ ! ୩୪୦୦ ପଦ ପାଇଁ ବାହାରିଲା ବିଜ୍ଞପ୍ତି, ଜାଣନ୍ତୁ କିପରି କରିବେ ଆବେଦନ ।
ଭାରତୀୟ ନୌସେନା ଅନେକ ପଦରେ ନିଯୁକ୍ତି ପାଇଁ ବିଜ୍ଞପ୍ତି ପ୍ରକାଶ କରିଛି । ଏଥିରେ ସେଲର (ଏଏ, ଏସଏସଆର କିମ୍ବା ଏମଆର ) ପଦ ପାଇଁ ଆବେଦନ କରିବା ନିମନ୍ତେ ଆମନ୍ତ୍ରିତ କରାଯାଇଛି । ଏହି ଆବେଦନ ପାଇଁ ନୌସେନାର ଟ୍ୱିଟର ପେଜରେ ସୂଚନା ଦିଆଯାଇଛି । ଯେଉଁଥିରେ ପଦ ଗୁଡିକର ସମ୍ପୂର୍ଣ୍ଣ ବିବରଣୀ ରହିଛି । ଯଦି ଆପଣ ଏଥିରେ ଆବେଦନ କରିବା ପାଇଁ ଚାହୁଁଛନ୍ତି ଏବଂ ଏଥିପାଇଁ ଆପଣ ଯୋଗ୍ୟ ଅଟନ୍ତି, ତେବେ ଆବେଦନ କରିବାର ଅନ୍ତିମ ତାରିଖ ପୂର୍ବରୁ ଆପଣ ଆବେଦନ କରିପାରିବେ । ତେବେ ଜାଣନ୍ତୁ ଏହି ପଦ ପାଇଁ କଣ ରହିଛି ଜରୁରୀ ସୂଚନା ।
Kanak News is now on WhatsApp
Join and get latest news updates delivered to you via WhatsApp
ନୌସେନା ପକ୍ଷରୁ କରାଯାଇଥିବା ଟ୍ୱିଟ୍ ଅନୁଯାୟୀ, ଇଚ୍ଛୁକ ଆଶାୟୀ, ୨୦୧୮ ଡିସେମ୍ବର ମାସ ୩୦ ତାରିଖ ମଧ୍ୟରେ ଆବେଦନ କରିପାରିବେ । ଆବେଦନ କରିବା ପାଇଁ ଆଶାୟୀ ପ୍ରାର୍ଥୀଙ୍କୁ ନୌସେନାର ଅଫିସିଆଲ୍ ୱେବସାଇଟ୍ joinindiannavy.gov.inରେ ଲଗ୍ ଇନ୍ କରିବାକୁ ହେବ । ଏଥିରେ ହିଁ ସେମାନେ ଆବେଦନ କରିପାରିବେ ।
ପଦର ବିବରଣୀ – ଏହି ପଦରେ ଏସଏସଆଇର ୨୫୦୦, ଏଏର ୫୦୦ଏବଂ ଏମଆରର ୪୦୦ ପଦ ପାଇଁ ଆଶାୟୀ ମାନଙ୍କର ଚୟନ କରାଯିବ । ଏହି ପ୍ରକ୍ରିୟାରେ ମୋଟ୍ ୩୪୦୦ ପଦରେ ନିଯୁକ୍ତି ଦିଆଯିବ । ଆବେଦନ କରିବା ପାଇଁ ଆଶାୟୀ ପ୍ରାର୍ଥୀ ଯୁକ୍ତ ୨ ବିଜ୍ଞାନରେ ଉତ୍ତୀର୍ଣ୍ଣ ହୋଇଥିବା ଆବଶ୍ୟକ । ସେହିଭଳି ଏମଆର ପଦ ପାଇଁ ଆଶାୟୀ ମାନେ ଦଶମ ଶ୍ରେଣୀ ଉତ୍ତୀର୍ଣ୍ଣ ହୋଇଥିବା ଆବଶ୍ୟକ ।