କନକ ବ୍ୟୁରୋ : ଦେଶକୁ ଲାଗି ରହିଥିବା ବିଶାଳ ସମୁଦ୍ର ଉପକୁଳ ଓ ପ୍ରଶାନ୍ତ ମହାସାଗରୀୟ କ୍ଷେତ୍ରର ଉପସ୍ଥିତି ଯୋଗୁଁ ନୌବାହିନୀ ସବୁବେଳେ ସତର୍କ ହୋଇ ରହିଛି । ବିଭିନ୍ନ କାରଣରୁ ସରକାର ମଧ୍ୟ ନୌବାହିନୀର ଶକ୍ତି ବୃଦ୍ଧି ଦିଗରେ ସବୁବେଳେ ଗୁରୁତ୍ୱ ଆରୋପ କରି ଆସିଛନ୍ତି । ଆଜି ନୌସେନା ପାଳନ କରିଛି ପ୍ରତିଷ୍ଠା ଦିବସ । ଏଥିସହ ୧୯୭୧ ପାକ୍ ବିରୋଧୀ ଅପରେସନରେ ନୌସେନାର ପୁରୁଣା ପରାକ୍ରମର ସ୍ମୃତି ତାଜା ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ବିଶ୍ୱ ଦେଖିଲା ସମୁଦ୍ର ଯୋଦ୍ଧାର ତାକତ୍ । ଭାରତୀୟ ନୌସେନାର ବୀରତ୍ୱ ଓ ସାମର୍ଥ୍ୟ । ରାମେଶ୍ୱରମ୍ ସମୁଦ୍ରତଟରେ ଭାରତୀୟ ନୌସେନାର ବୀରତ୍ୱ ଓ ପରାକ୍ରମର କିଛି ନମୁନା ଦେଖିଲା ବିଶ୍ୱ । ମଝି ଆକାଶରେ ନୌସେନାର ଯବାନ ଦେଖାଇଥିଲେ ଡେୟାର୍ ଡେଭିଲ୍ ଷ୍ଟଂଟ୍ । ବୀର ଯବାନ ଆକାଶରେ ମଧ୍ୟ ଅପରାଜେୟ, ଦେଖାଇଛନ୍ତି ଏହାର ନମୁନା । ୧୯୭୧ ମସିହାରେ ଭାରତ-ପାକିସ୍ତାନ ଯୁଦ୍ଧ ସମୟରେ ଅଭୂତପୂର୍ବ ପରାକ୍ରମ ଦେଖାଇଥିବାରୁ ପ୍ରତିବର୍ଷ ପରି ଆଜି ବି ଡିସେମ୍ବର ୪କୁ ନୌସେନା ଦିବସ ଭାବେ ପାଳନ କରାଯାଇଛି ଆଉ ଏଥିପାଇଁ ଯବାନ ଦେଖାଇଥିଲେ ଦୁଃସାହସିକ କୌଶଳ ।
– ୧୬୧୩ ମସିହାରେ ଇଷ୍ଟ ଇଣ୍ଡିଆ କମ୍ପାନୀ ତିଆରି କରେ ଇଣ୍ଡିଆନ୍ ମେରାଇନ୍ ।
– ୧୮୩୦ ମସିହା ପର୍ଯ୍ୟନ୍ତ ବମ୍ବେ ମେରାଇନ୍ ନାଁରେ ଏହା ଚାଲେ ।
– ୧୯୩୪ ସେପଟେମ୍ବର ୮ରେ ଏହାକୁ ଭାରତୀୟ ନୌସେନାର ନାଁ ଦିଆଯାଏ ।
– ବିଭାଜନ ପରେ ନୌସେନା ସଂପ୍ରସାରିତ ହୋଇ ୫ମ ସର୍ବବୃହତ୍ ନୌବାହିନୀର ରୂପ ପାଏ ।
– ଆକାଶରୁ ଭୂମିକୁ ଓ ଭୂମିରୁ ଆକାଶକୁ ଲକ୍ଷ୍ୟ ଭେଦ କରି ପାରୁଥିବା ଅନେକ ଶକ୍ତିଶାଳୀ କ୍ଷେପଣାସ୍ତ୍ର ଭାରତୀୟ ନୌସେନା ନିକଟରେ ରହିଛି ।
– ଦଶକ ଦଶକ ଧରି ସାମୁଦ୍ରିକ ଓ ପ୍ରଶାନ୍ତ ମହାସାଗରୀୟ କ୍ଷେତ୍ରରେ ନୌସେନା ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିଆସୁଛି ।
୧୯୭୧ ଡିସେମ୍ବର ୪ ତାରିଖରେ ପାକିସ୍ତାନ ବିରୁଦ୍ଧରେ ଭାରତୀୟ ନୌସେନା କରିଥିଲା ଟ୍ରାଇଡେଂଟ୍ ଅପରେସନ୍ । ଯେଉଁଥିରେ ଯବାନଙ୍କ ବୀରତ୍ୱକୁ ଆଧାର କରି ଭାରତ ଧୁଳି ଚଟାଇଥିଲା ପାକିସ୍ତାନକୁ । ଆଜି ସେହି ପରାକ୍ରମର ସ୍ମୃତିରେ ପ୍ରତିବର୍ଷ ପରି ନୌବାହିନୀ ପାଳନ କରିଛି ନୌସେନା ଦିବସ ।