ପୁଣି ଥରେ ଦ୍ୱି-ପାକ୍ଷିକ କଥାବାର୍ତ୍ତା ସପକ୍ଷରେ ଇମ୍ରାନ ଖାନ : ପାକ୍ ପ୍ରଧାନମନ୍ତ୍ରୀଙ୍କୁ ଭେଟିଲେ ଭାରତୀୟ ହାଇକମିଶନର
କନକ ବ୍ୟୁରୋ : ଭାରତ ପାକିସ୍ତାନ ଦ୍ୱି-ପାକ୍ଷିକ କଥାବାର୍ତ୍ତା ସପକ୍ଷରେ ଇମ୍ରାନ ଖାନ । ଭାରତୀୟ ହାଇକମିସନଙ୍କ ସହ ଆଲୋଚନା ସମୟରେ ଏହି ସଙ୍କେତ ଦେଇଛନ୍ତି ପାକିସ୍ତାନର ଭାବି ପ୍ରଧାନମନ୍ତ୍ରୀ ଇମ୍ରାନ ଖାନ । ଗତକାଲି ଇସଲାମାବାଦରେ ଭାରତୀୟ ହାଇକମିସନର ଅଜୟ ବିସାରିଆ ଇମ୍ରାନଖାନଙ୍କୁ ଭେଟି ନିର୍ବାଚନ ବିଜୟର ଶୁଭେଚ୍ଛା ଜଣାଇଛନ୍ତି । ତେବେ ଖାନଙ୍କ ସହ ଆଲୋଚନା ସମୟରେ ବିସାରିଆ ଆତଙ୍କବାଦ, ଅନୁପ୍ରବେଶ ପ୍ରସଙ୍ଗ ଉଠାଇଥିଲେ । ସେପଟେ କଶ୍ମୀର ଭ୍ୟାଲିରେ ଭାରତୀୟ ସେନାର ମାନବାଧିକାର କରୁଥିବା ନେଇ ଅଭିଯୋଗ କରିଥିଲେ ଇମ୍ରାନ ଖାନ ।
Kanak News is now on WhatsApp
Join and get latest news updates delivered to you via WhatsApp
ଏଥିସହ ଭାରତ ସହ ଦ୍ୱିପାକ୍ଷିକ ସଂପର୍କରେ ସୁଧାର ଆଣିବା ପାଇଁ କଥାବାର୍ତ୍ତା ଉପରେ ଇମ୍ରାନ ଖାନ ଗୁରୁତ୍ୱ ଦେଇଥିବା ଟ୍ୱିଟ୍ କରିଛନ୍ତି ଭାରତୀୟ ହାଇକମିସନ । ଏଥିସହ ଟିମ ଇଣ୍ଡିଆର ସବୁ ଖେଳାଳିଙ୍କ ସ୍ୱାକ୍ଷର ଥିବା ଏକ ବ୍ୟାଟ ଉପହାର ଦେଇଛନ୍ତି ଅଜୟ ବିସାରିଆ । ଏହାସହ ମୋଦିଙ୍କ ତରଫରୁ ଇମ୍ରାନ୍ ଖାନଙ୍କୁ ଅଭିନନ୍ଦନ ଜଣାଇଛନ୍ତି ଅଜୟ । ଉଲ୍ଲେଖଯୋଗ୍ୟ ଯେ ଇମ୍ରାନଙ୍କ ପାକିସ୍ତାନ ତେହରିକ ପାର୍ଟି (ପିଟିଆଇ) ୨୫ ଜୁଲାଇରେ ହୋଇଥିବା ସାଧାରଣ ନିର୍ବାଚନରେ ସର୍ବାଧିକ ଆସନ ହାସଲ କରିଛି। ଅନ୍ୟ ଦଳର ସମର୍ଥନ ନେଇ ଏହା ସରକାର ଗଠନ କରିବାକୁ ଯାଉଛି ।