ଆତଙ୍କବାଦୀଙ୍କ ମୁକାବିଲା କରିବ ରୋବୋଟ
କନକ ବ୍ୟୁରୋ: ଜମ୍ମୁ-କଶ୍ମୀରରେ ଆତଙ୍କବାଦୀ ଏବଂ ପଥର ଆକ୍ରମଣକାରୀଙ୍କ ମୁକାବିଲା ପାଇଁ ୫୪୪ଟି ସ୍ୱଦେଶୀ ରୋବୋଟ ମୁତୟନ କରାଯିବ । ରୋବୋଟିକ୍ ଅସ୍ତ୍ର ମଇଦାନରେ ଅବତୀର୍ଣ୍ଣ କରାଇବାକୁ ପ୍ରତିରକ୍ଷା ମନ୍ତ୍ରାଳୟର ନିଷ୍ପତ୍ତିକୁ ଯଥାଶୀଘ୍ର କାର୍ଯ୍ୟକାରୀ କରିବାକୁ ପ୍ରସ୍ତୁତି ଆରମ୍ଭ ହୋଇଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଯୁଦ୍ଧ ଏବଂ ଆକ୍ରମଣ ସ୍ଥିତିରେ ସମ୍ବେଦନଶୀଳ ସ୍ଥାନକୁ ଯୁଦ୍ଧାସ୍ତ୍ର ଏବଂ ଗୋଳାବାରୁଦ ପଠାଇବା ଦିଗରେ ଏହି ରୋବୋଟ୍ ସହାୟକ ହେବ । ଫାୟାରିଂ ରେଂଜ ଭିତରେ ରହୁଥିବା ପୋଷ୍ଟରେ ନିୟୋଜିତ ଯବାନଙ୍କ ଜୀବନ ପ୍ରତି ସର୍ବଦା ବିପଦ ରହୁଥିବାରୁ ସେଠାରେ ଯବାନଙ୍କ ବଦଳରେ ଏହି ରିମୋଟ୍ ଚାଳିତ ରୋବୋଟ୍ ମୁତୟନ ହେବ । ସେନାର ଏହି ପ୍ରସ୍ତାବକୁ ପ୍ରତିରକ୍ଷା ମନ୍ତ୍ରାଳୟ ମଂଜୁରି ଦେଇସାରିଛି ।
ଆତଙ୍କବାଦୀଙ୍କ ମୁକାବିଲା ପାଇଁ ସେନା ତା’ର ରଣନୀତି ବଦଳାଉଥିବାରୁ ଏହି ରୋବାଟକୁ ସେନାରେ ସାମିଲ କରାଯିବା ଜରୁରୀ ହୋଇପଡ଼ିଛି । ଯେଉଁ ସ୍ଥାନକୁ ଅସ୍ତ୍ର ଓ ଗ୍ରେନେଡ ପଠାଇବା ଅତ୍ୟନ୍ତ କଷ୍ଟକର, ସେଠାକୁ ଏହି ରୋବୋଟ ସହଜରେ ତାହା ନେଇଯାଇ ପାରିବ । ଏଥିରେ ଲାଗିଥିବା ସର୍ଭେଲାନ୍ସ କ୍ୟାମେରା ଅନେକ ତଥ୍ୟ ରେକର୍ଡ କରିବ ଯାହା ଆଧାରରେ ପରବର୍ତ୍ତୀ ପଦକ୍ଷେପ ନେବା ସେନାପାଇଁ ସହଜ ହେବ ।