ଭାରତୀୟ ଯବାନ ଔରଙ୍ଗଜେବଙ୍କୁ ଅପହରଣ କରିନେଲେ ଆତଙ୍କବାଦୀ ! ମୋଷ୍ଟ ୱାଣ୍ଟେଡ଼ ଆତଙ୍କବାଦୀ ଟାଇଗରକୁ ଦେଖାଇଥିଲେ ମୃତ୍ୟୁର ରାସ୍ତା
ଟାଇଗରକୁ ମାରିଥିବା ଭାରତୀୟ ଯବାନ ଔରଙ୍ଗଜେବଙ୍କୁ ଅପହରଣ କରି ନେଇଛନ୍ତି ଆତଙ୍କବାଦୀ । ଜମ୍ମୁ-କାଶ୍ମୀରରେ ପୁଣିଥରେ ଆତଙ୍କବାଦୀ ମାନେ କାପୁରୁଷତାର ପରିଚୟ ଦେଇଛନ୍ତି । ଗୁରବାର ଆତଙ୍କବାଦୀ ମାନେ ପୁଞ୍ଝ ଜିଲ୍ଲାର ଭାରତୀୟ ଯବାନଙ୍କୁ କିଡ଼ନାପ କରି ନେଇଛନ୍ତି । ଇଦ୍ ଛୁଟି କାଟିବାକୁ ଘରକୁ ଯାଉଥିବା ବେଳେ ଔରଙ୍ଗଜେବଙ୍କୁ କିଡ଼ନାପ କରି ନେଇଛନ୍ତି ଆତଙ୍କବାଦୀ । ତେବେ କେଉଁ କାରଣରୁ ତାଙ୍କୁ ଅପହରଣ କରି ନିଆଯାଇଛି ସେ ନେଇ କୌଣସି ସୂଚନା ମିଳିନାହିଁ ।
Kanak News is now on WhatsApp
Join and get latest news updates delivered to you via WhatsApp
କୁହାଯାଉଛି, ମୋଷ୍ଟ ୱାଣ୍ଟେଡ଼ ଆତଙ୍କବାଦୀ ସମୀର ଟାଇଗରକୁ ମାରିବାକୁ ସେନା ଯେଉଁ ଅପରେସନ ଚଳାଇଥିଲା ସେଥିରେ ଔରଙ୍ଗଜେବ ସାମିଲ ଥିଲା । ଗତ ଏପ୍ରିଲ ମାସରେ ଜମ୍ମୁ-କଶ୍ମୀରୀର ପୁଲୱାମାରେ ଭାରତୀୟ ସେନା ଗୁଳିରେ ଦୁଇ ଆତଙ୍କବାଦୀ ନିହତ ହୋଇଥିଲେ । ଯେଉଁଥିରେ ହଜିବୁଲ ମୁଜାହିଦ୍ଦିନର ଟପ୍ କମାଣ୍ଡର ସମୀର ଟାଇଗର ନିହତ ହୋଇଥିଲା । ତେଣୁ ଔରଙ୍ଗଜେବଙ୍କ ଅପହରଣ ପଛରେ ଏହା ମୁଖ୍ୟ କାରଣ ହୋଇଥାଇପାରେ ବୋଲି ଅନୁମାନ କରାଯାଉଛି । ପୁଞ୍ଝରେ ରହୁଥିବା ଔରଙ୍ଗଜେବଙ୍କ ୪୪ଆରଆର ଶାଦିମାର୍ଗରେ ପୋଷ୍ଟିଂ ହୋଇଥିଲା । ଇଦ ପାଇଁ ଘରକୁ ଫେରୁଥିବା ବେଳେ ମୋଗଲ ରୋଡ଼ରେ ତାଙ୍କୁ ଅପହରଣ କରାଯାଇଥିଲା । ସକାଳ ପ୍ରାୟ ୯ଟା ସମୟରେ ଏହି ଅପହରଣ ହୋଇଥିଲା । ଘଟଣା ଅନୁଯାୟୀ, ଔରଙ୍ଗଜେବ ସକାଳ ୯ଟା ସମୟରେ ନିଜର ବ୍ୟକ୍ତିଗତ ଗାଡ଼ିରେ ଶୋପିଆନ ଆଡ଼କୁ ଯାଉଥିଲେ । କିନ୍ତୁ କଲମପୋରା ନିକଟରେ ଆତଙ୍କବାଦୀ ମାନେ ଗାଡି ଅଟକାଇବା ପରେ ତାଙ୍କୁ ଅପହରଣ କରି ନେଇଥିଲେ ।