ଭାରତୀୟ ସେନାରେ ଦେଖାଗଲା ଅର୍ଥର ଅଭାବ ! ଟଙ୍କା ଅଭାବରୁ ଯବାନଙ୍କ ଭତ୍ତାକୁ ରୋକିଲେ ଅଧିକାରୀ ।
ଦେଶର ସୁରକ୍ଷା ପାଇଁ ସୀମାରେ ଦିନରାତି କାର୍ଯ୍ୟରତ ଯବାନଙ୍କ ସକାଶେ ସରକାର କେତେ ଧ୍ୟାନ ଦେଉଛନ୍ତି ତାହା ଏହି ଲେଖରୁ ଆପଣ ଜାଣିପାରିବେ । ସେନା ପାଖରେ ଯବାନଙ୍କୁ ଦରମା ଦେବା ପାଇଁ ବି ପାଖରେ ଟଙ୍କା ନାହିଁ । ଏକ ଗଣମାଧ୍ୟମ ଅନୁସାରେ, ଭାରତୀୟ ସେନା ପାଖରେ ଫଣ୍ଡ କମ୍ ରହିଛି । ଯେଉଁଥିରେ ନିଜ ଅଫିସରଙ୍କୁ ଟୁର ଏବଂ ଟ୍ରେନିଙ୍ଗ୍ ରେ ଦିଆଯାଉଥିବା ଟଙ୍କା ଉପରେ ରୋକ ଲଗାଇ ଦିଆଯାଇଛି । ଭତ୍ତା ଉପରେ ରୋକ୍ ଲଗାଇ ଦିଆଯିବା ଖବର ଆକାଉଣ୍ଟ୍ ଡିଭିଜନ୍ ଦ୍ୱାରା ୱେବସାଇଟ୍ ରେ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେନାର ଜଣେ ଅଧିକାରୀ କହିଛନ୍ତି ଯେ ୱେବସାଇଟ୍ ରେ ଜାରୀ କରାଯାଇଥିବା ଏଭଳି ପୋଷ୍ଟ୍ ସେନାର ଛବିକୁ ଖରାପ କରୁଛି । ପ୍ରିନ୍ସିପଲ୍ କଣ୍ଟ୍ରୋଲର୍ ଅଫ୍ ଆକାଉଣ୍ଟସ୍ (ପିସିଡିଏ) ର ପୋଷ୍ଟରେ କୁହାଯାଇଥିଲା ଯେ ଫଣ୍ଡ କମ୍ ଥିବା ଯୋଗୁଁ ଟିଏ (ଟ୍ରାଭେଲିଙ୍ଗ୍ ଆଲାଉନ୍ସ) ଦିଆଯିବନାହିଁ । ଯେତେବେଳେ ଫଣ୍ଡ ଆସିବ ଭତ୍ତା ମଧ୍ୟ ଦିଆଯିବ । କିନ୍ତୁ ଲିଭ୍ ଟ୍ରାଭେଲ୍ କନେକ୍ସନ୍ ର ସୁବିଧା ଜାରୀ ରହିବ । ତେବେ ଏହି ଭତ୍ତାର ପ୍ରଭାବ ଅଧିକାରୀଙ୍କ ଉପରେ ସିଧାସଳଖ ପଡିବ । ଭାରତୀୟ ସେନାରେ ପ୍ରାୟ ୪୦,୦୦୦ ଅଫିସର ରହିଛନ୍ତି । ଯେଉଁଥିରେ ଏକହଜାର ଅଫିସର ସବୁବେଳେ ଟ୍ରାଭେଲ୍ କରିଥାନ୍ତି କିମ୍ବା କୌଣସି ଫୋର୍ସ ,ପ୍ଲାନିଙ୍ଗ୍ କନଫ୍ରେନ୍ସ, କୋର୍ଟ ଅଫ୍ ଇନକ୍ୱ୍ୟାରୀ କିମ୍ବା ଅନ୍ୟ ଦ୍ରବ୍ୟରେ ସାମିଲ ହେବାକୁ ନେଇ ଅସ୍ଥାୟୀ ଡ୍ୟୁଟିରେ ଥା’ନ୍ତି । ଆପଣଙ୍କୁ ଏଠାରେ କହିରଖୁଛୁ କି ନିକଟରେ ପ୍ରସ୍ତୁତ ହୋଇଥିବା ଅନ୍ତିମ ବଜେଟ୍ ପରେ ରକ୍ଷା ମନ୍ତ୍ରାଳୟ ତରଫରୁ କୁହାଯାଇଥିଲା ଯେ ଏହାକୁ ଏବେକାର ସବୁଠାରୁ ଅଧିକ ଫଣ୍ଡ ଆବଣ୍ଟିତ କରାଯାଇଛି ।