ଡ୍ରୋନରୁ ହେବ ଆକ୍ରମଣ, ତ୍ରାହି ତ୍ରାହି ଡାକିବେ ଆତଙ୍କବାଦୀ । କିନ୍ତୁ କେହି ବିରୋଧ ନ କରିବା ଦରକାର । ଜାଣନ୍ତୁ କଣ କହିଲେ ସେନାଧ୍ୟକ୍ଷ
ତ୍ରାହି ତ୍ରାହି ଡାକିବେ ଭାରତର ଶତ୍ରୁ । କେହି ଜଣେ ବି ରକ୍ଷା ପାଇବେନି । କିଛି ଭାବିବା ପୂର୍ବରୁ ଆକାଶରୁ ହେବ ଗୁଳିବର୍ଷା । ଆତଙ୍କବାଦୀଙ୍କୁ ପାନେ ଦେବାକୁ ନୂଆ ରଣନୀତି ପ୍ରସ୍ତୁତ କରୁଛି ଭାରତୀୟ ସେନା । ଜମ୍ମୁ କାଶ୍ମୀର ଓ ଏଲଓସି ପାର ଅଞ୍ଚଳରେ ଡେରା ପକାଇଥିବା ଆତଙ୍କବାଦୀ ଓ ଅନୁପ୍ରବେଶକାରୀଙ୍କୁ ନିପାତ କରିବାକୁ ଡ୍ରୋନରେ ଆକ୍ରମଣ କରିବାର ଆବଶ୍ୟକତା ରହିଛି ବୋଲି କହିଛନ୍ତି ସେନାଧ୍ୟକ୍ଷ ଜେନେରାଲ ବିପିନ ରାୱତ । ଏପରିକି ଏଭଳି ଅପରେସନ ପାଇଁ ଭାରତ ମଧ୍ୟ ସକ୍ଷମ ବୋଲି କହିଛନ୍ତି ସେନାଧ୍ୟକ୍ଷ । କିନ୍ତୁ କେହି ବିରୋଧ ନକଲେ ଏଭଳି ଆକ୍ରମଣ ସମ୍ଭବ ।
Kanak News is now on WhatsApp
Join and get latest news updates delivered to you via WhatsApp
ଶତ୍ରୁଙ୍କୁ ନିପାତ କରିବାକୁ ଆମେରିକା ଭଳି ଭାରତ ଡ୍ରୋନ ଆକ୍ରମଣ କରିବ କି ପ୍ରଶ୍ନର ଉତ୍ତରରେ ଜେନେରାଲ ବିପିନ ରାୱତ କହିଛନ୍ତି, ଏଭଳି ଆକ୍ରମଣ କରିବାରେ କୌଣସି ସମସ୍ୟା ନାହିଁ । କିନ୍ତୁ ଏହି ଆକ୍ରମଣକୁ ନେଇ ସ୍ଥାନୀୟ ବାସିନ୍ଦା ଓ ଅନ୍ତରାଷ୍ଟୀୟ ସମୁଦାୟ ବିରୋଧ ନ କରିବା ଆବଶ୍ୟକ ।
ଡ୍ରୋନରୁ ଆକ୍ରମଣ କରିବା ପୂର୍ବରୁ ଇତ୍ସାଏଲ କିଭଳି ଏଭଳି ଅପରେସନ କରୁଛି ତାହା ଦେଖିବା ଆବଶ୍ୟକ ବୋଲି କହିଛନ୍ତି ସେନାଧ୍ୟକ୍ଷ । ଇସ୍ରାଏଲ ଡ୍ରୋନରେ ଆକ୍ରମଣ କରିବା ପୂର୍ବରୁ ସ୍ଥଳଭାଗରେ କିଛି ସେନା ଅଧିକାରୀ ରହିଥାନ୍ତି । ଯେଉଁମାନେ ଇଲେକଟ୍ରୋନିକ ଜ୍ଞାନକୌଶଳ ସହାୟତାରେ ଶତ୍ରୁପକ୍ଷର ପ୍ରତିଟି ଗତିବିଧି ଉପରେ ନଜର ରଖିବା ସହ ପ୍ରତିଟି ସୂଚନା ଦେଇଥାନ୍ତି । ସୂଚନା ଆଧାରରେ ପ୍ରଥମେ ଟାର୍ଗେଟକୁ ଚିହ୍ନଟ କରାଯାଇଥାଏ । ଆଉ ଏହାପରେ ଉଡାଣ ଆରମ୍ଭ କରିଥାଏ ଡ୍ରୋନ ଓ ଶତ୍ରୁପକ୍ଷ ଉପରେ ଟାର୍ଗେଟ କରିଥାଏ ।
ଏଭଳି ଜ୍ଞାନକୌଶଳ ସାହାର୍ଯ୍ୟରେ ଶତ୍ରୁପକ୍ଷଙ୍କ ଉପରେ ଆକ୍ରମଣ ଭାରତୀୟ ସେନା ପକ୍ଷେ ସମ୍ଭବ । କିନ୍ତୁ ଆମ ଦେଶରେ ଖାସକରି ଜମ୍ମୁ-କାଶ୍ମୀରରେ ଯେତେବେଳେ ଫଥର ଫିଙ୍ଗାଳୀଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି ସେତେବେଳେ ଏହାର ବିରୋଧ କରୁଛନ୍ତି ସ୍ଥ୍ାନୀୟ ବାସିନ୍ଦା । ତେଣୁ ଏଭଳି ସ୍ଥିତିରେ ଡ୍ରୋନ ଆକ୍ରମଣ କିଭଳି କରାଯିବ ବୋଲି ସେ କହିଛନ୍ତି ।