କନକ ବ୍ୟୁରୋ : ପାକିସ୍ତାନୀ ଡ୍ରୋନ୍ ଖସାଇଲା ଭାରତୀୟ ବାୟୁସେନା । ଭାରତ-ପାକ୍ ସୀମାରେ ଥିବା ରାଜସ୍ତାନ ବିକାନିରରେ ପାକିସ୍ତାନୀ ସେନାର ଡ୍ରୋନକୁ ନଷ୍ଟ କରିଛି ବାୟୁସେନା । ଏୟାର-ଟୁ-ଏୟାର ମିସାଇଲ ବ୍ୟବହାର କରି ଏହି ଡ୍ରୋନକୁ ନଷ୍ଟ କରିଛି ଭାରତୀୟ ବାୟୁସେନା । ଭାରତୀୟ ଆକାଶ ସୀମାରେ ରାଡାର ଷ୍ଟେସନ ଚିହ୍ନଟ କରିବାର ମାତ୍ର କିଛି ସମୟ ପରେ ସୁଖୋଇ-୩୦ ଜେଟ୍ ବିମାନକୁ ସେଠାରେ ମୂତୟନ କରାଯାଇଥିଲା । ଓ ତାପରେ ଡ୍ରୋନଟିକୁ ନଷ୍ଟ କରିଥିବା ଜଣାପଡିଛି । ସୂଚନା ଅନୁଯାୟୀ ରାତି ପ୍ରାୟ ୧୧ଟା ୩୦ରେ ପାକିସ୍ତାନୀ ଡ୍ରୋନକୁ ଟାର୍ଗେଟ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଶେଷ ଛଅ ଦିନ ଭିତରେ ଭାରତୀୟ ସୀମା ଭିତରେ ପାକିସ୍ତାନ ଦ୍ୱିତୀୟ ଥର ପାଇଁ ଏହି ସ୍ପାଏ ଡ୍ରୋନ ଉଡାଇଛି । ଗତ ୨୭ ତାରିଖରେ ଗୁଜୁରାଟର କଛ ସୀମାରେ ଏକ ପାକିସ୍ଥାନୀ ଡ୍ରୋନକୁ ନଷ୍ଟ କରିଦେଇଥିଲା ଭାରତୀୟ ବାୟୁ ସେନା । ୨୬ତାରିଖରେ ବାୟୁସେନା ପାକିସ୍ତାନର ବାଲାକୋଟରେ ଆକ୍ରମଣ କରିବା ପରେ ଭାରତର ପଶ୍ଚିମ ସୀମାବର୍ତି ଅଂଚଳରେ ସୁରକ୍ଷାକୁ ବଢ଼ାଇ ଦିଆଯାଇଛି । ପାକିସ୍ତାନର ସୀମାକୁ ଲାଗି ରହୁଥିବାରୁ ଏହି ଅଂଚଳକୁ ପାକ୍ ସେନା ଟାର୍ଗେଟ କରିବାର ଆଶଙ୍କା ରହିଛି ।