ଧର୍ମଶାଳାରେ ଧୋନୀବାହିନୀର ଧମାକା : ପ୍ରଥମ ଦିନିକିଆରେ ୬ ୱିକେଟରେ ନ୍ୟୁଜିଲାଣ୍ଡକୁ ଦେଲା ମାତ୍
କନକ ବ୍ୟୁରୋ : ପ୍ରଥମ ଦିନିକିଆରେ ନ୍ୟୁଜିଲାଣ୍ଡକୁ ହରାଇଲା ଭାରତ । ଧର୍ମଶାଳାରେ ଖେଳା ଯାଇଥିବା ଏହି ମ୍ୟାଚକୁ ୬ ୱିକେଟରେ ଜିତି ନେଇଛି ଟିମ୍ ଇଣ୍ଡିଆ । ଟସ୍ ଜିତି ପ୍ରଥମେ ଫିଲ୍ଡିଂ ନିଷ୍ପତି ନେଇଥିବା ଭାରତ ଭ୍ରମଣକାରୀ କିୱି ଦଳକୁ ମାତ୍ର ୧୯୦ ରନରେ ସୀମିତ ରଖିଥିଲା । ପ୍ରଥମରୁ ହିଁ ନ୍ୟୁଜିଲାଣ୍ଡ ଉପରେ ଚାପ ପକାଇବାରେ ସଫଳ ହୋଇଥିଲା ଦଳ ।
Kanak News is now on WhatsApp
Join and get latest news updates delivered to you via WhatsApp
ଓପନର ଲାଥାମ୍ ଗୋଟିଏ ପଟେ ଧୈର୍ଯ୍ୟର ସହ ବ୍ୟାଟିଂ କରୁଥିବା ବେଳେ ଅନ୍ୟ ପଟେ ନ୍ୟୁଜିଲାଣ୍ଡର ନିୟମିତ ଭାବେ ୱିକେଟ୍ ପତନ ଘଟି ଚାଲିଥିଲା । ଲାଥାମ୍ ଅପରାଜିତ ୭୯ ରନ୍ କରିଥିବା ବେଳେ ଶେଷ ଭାଗରେ ଟିମ୍ ସାଉଥି ୩୬ ବଲରୁ ଆକ୍ରମଣାତ୍ମକ ୫୫ ରନ୍ ସଂଗ୍ରହ କରିଥିଲେ । ଭାରତ ପକ୍ଷରୁ ହାର୍ଦ୍ଦିକ ପାଣ୍ଡ୍ୟା ଓ ଅମିତ ମିଶ୍ରା ଉଭୟେ ୨ ୱିକେଟ୍ ଲେଖାଏଁ ହାସଲ କରିଥିବା ବେଳେ ଉମେଶ ଯାଦବ ଓ କେଦାର ଯାଦବଙ୍କୁ ମିଳିଥିଲା ଦୁଇଟି ଲେଖାଏଁ ୱିକେଟ୍ ।
ଜବାବରେ ମାତ୍ର ୩୩ ଓଭର ଗୋଟିଏ ବଲ୍ ଖେଳି ୧୯୪ ରନ୍ ସଂଗ୍ରହ କରି ନେଇଥିଲା ଭାରତ । ବିରାଟ କୋହଲି ଅପରାଜିତ ୮୫ ରନ୍ କରି ଭାରତକୁ ସହଜ ବିଜୟ ଦେଇଥିଲେ । ତେବେ ଗୁରୁତ୍ୱପୂର୍ଣ ୩ ୱିକେଟ୍ ହାସଲ କରିଥିବା ହାର୍ଦ୍ଦିକ ପାଣ୍ଡ୍ୟାଙ୍କୁ ପ୍ଲେୟାର ଅଫ୍ ଦ ମ୍ୟାଚ୍ ଘୋଷଣା କରାଯାଇଛି । ଏହି ବିଜୟ ସହ ୫ ଟିକିଆ ଦିନିକିଆ ସିରିଜରେ ୧-୦ ରେ ଆଗୁଆ ରହିଛି ଟିମ୍ ଇଣ୍ଡିଆ ।