କମନୱେଲଥ ଗେମରେ ଦମ ଦେଖାଇଲେ ଭାରତୀୟ ଯୋଦ୍ଧା ! ଲଗାତାର ତୃତୀୟ ଥର ପାଇଁ ସୁଶୀଲ କୁମାର ଜିତିଲେ ସ୍ୱର୍ଣ୍ଣ ପଦକ, ୧୪ଟି ସ୍ୱର୍ଣ୍ଣ ସହ ତୃତୀୟ ସ୍ଥାନରେ ଭାରତ
ରାଜ୍ୟଗୋଷ୍ଠୀ କ୍ରୀଡାରେ ସ୍ୱର୍ଣ୍ଣ ପଦକ ଜିତିଲେ ସୁଶୀଲ କୁମାର । ଲଗାତର ତିନି ତିନିଟି କମନୱେଲଥ ଗୋଲ୍ଡ ମେଡାଲ୍ ଜିତି ଇତିହାସ ରଚିଛନ୍ତି ଏହି ଭାରତୀୟ କୁସ୍ତିଯୋଦ୍ଧା । ସେହିପରି ୫୭ କେଜି କାଟାଗୋରୀରେ ସ୍ୱର୍ଣ୍ଣ ପଦକ ହାସଲ କରିଛନ୍ତି ରାହୁଲ ଆୱାରେ । ମହିଳା କୁସ୍ତି ଯୋଦ୍ଧା ବବିତା କୁମାରୀ ରୌପ୍ୟ ଏବଂ କିରନ୍, ବ୍ରୋଞ୍ଜ ପଦକ ହାସଲ କରିଛନ୍ତି । ଇତିହାସ ରଚିଲେ ଭାରତୀୟ ଯୋଦ୍ଧା ସୁଶୀଲ କୁମାର । କମନ୍ ୱେଲଥ ଗେମରେ ୭୪ କେଜି କୁସ୍ତି ବର୍ଗରେ ସ୍ୱର୍ଣ୍ଣ ପଦକ ହାସଲ କରିଛନ୍ତି ସୁଶୀଲ କୁମାର । ଏହାକୁ ମିଶାଇ ଲଗାତାର ତିନିଟି ସିଡବ୍ଲୁଜି ଗେମରେ ସ୍ୱର୍ଣ୍ଣ ଜିତି ଦେଶ ପାଇଁ ସୁନାମ ଆଣିଛନ୍ତି ଏହି ୩୫ ବର୍ଷୀୟ କୁସ୍ତି ଯୋଦ୍ଧା । ୨୦୧୦ରେ ୬୬ କେଜି ବର୍ଗରେ ଏବଂ ୨୦୧୪ରେ ୭୪ କେଜି ବର୍ଗରେ କମନୱେଲ୍ଥ ଗେମରେ ସ୍ୱର୍ଣ୍ଣ ଜିତିଥିଲେ ସୁଶୀଲ ।
Kanak News is now on WhatsApp
Join and get latest news updates delivered to you via WhatsApp
ଆଜି ଦକ୍ଷିଣ ଆଫ୍ରିକା ପ୍ରତିପକ୍ଷ ଜୋହାନସ ବୋଥାଙ୍କୁ ସହଜରେ ପରାସ୍ତ କରି ନିଜ ନାଁକୁ ତିନିଟି ସିଡବ୍ଲୁଜି ଗେମସ ଇତିହାସରେ ଲେଖିଦେଇଛନ୍ତି ସୁଶୀଲ କୁମାର । ପ୍ରଥମରୁ ପ୍ରଭାବଶାଳୀ ପ୍ରଦର୍ଶନ କରି ଦକ୍ଷିଣ ଆଫ୍ରିକୀୟ ପ୍ରତିପକ୍ଷକୁ ମାତ୍ର ୮୦ ସେକେଣ୍ଡରେ ଚିତ୍ପଟାଙ୍ଗ୍ କରିଦେଇଥିଲେ ସୁଶୀଲ । ଗତ ୧୭ ବର୍ଷ ଧରି କମନ ୱେଲ୍ଥ ଗେମରେ ପ୍ରଭାବୀ ପ୍ରଦର୍ଶନ କରିଆସିଛନ୍ତି ଭାରତର ଏହି ଅଲିମ୍ପିକ୍ ପଦକ ବିଜେତା ।
ଆଜି ଥିଲା ଭାରତୀୟ କୁସ୍ତି ଯୋଦ୍ଧମାନଙ୍କ ଦିନ । ସୁଶୀଲ କୁମାରଙ୍କ ସହ ଅନ୍ୟ କୁସ୍ତି ଯୋଦ୍ଧାମାନେ ମଧ୍ୟ ପ୍ରତିପକ୍ଷକୁ ଚିତ୍ କରି ଭାରତ ପାଇଁ ପଦକ ଜିତିଛନ୍ତି । ୫୭ କେଜି କାଟାଗୋରୀରେ ସ୍ୱର୍ଣ୍ଣ ପଦକ ହାସଲ କରିଛନ୍ତି ରାହୁଲ ଆୱାରେ । ସେହିପରି ମହିଳା କୁସ୍ତି ଯୋଦ୍ଧା ବବିତା କୁମାରୀ ୫୩ କେଜି ଫ୍ରି ଷ୍ଟାଇଲ୍ କାଟାଗୋରୀରେ ରୌପ୍ୟ ପଦକ ପାଇଛନ୍ତି । ସେହିପରି ମହିଳା ୭୬ ବର୍ଗରେ ଭାରତୀୟ୍ର ଯୋଦ୍ଧା କିରନ୍ ବ୍ରୋଞ୍ଜ ପଦକ ହାସଲ କରିଛନ୍ତି । ଏହାସହ ମୋଟ ୧୪ଟି ସ୍ୱର୍ଣ୍ଣ ସହ ମୋଟ ୩୧ଟି ପଦକ ହାତେଇଛି ଭାରତ । ଏହାସହ ପଦକ ତାଲିକାରେ ତୃତୀୟ ସ୍ଥାନରେ ରହିଛି ଭାରତ ।