ବିଶାଖାପାଟଣାରେ ଭାରତ-ୱେଷ୍ଟଇଣ୍ଡିଜ୍ ରୋମାଞ୍ଚକର ଦ୍ୱିତୀୟ ଦିନିକିଆ ! ସଂଘର୍ଷ କରି ମ୍ୟାଚକୁ ଟାଇ ରଖିଲା ୱେଷ୍ଟଇଣ୍ଡିଜ୍ ।
କନକ ବ୍ୟୁରୋ : ଟାଇ ହେଲା ମ୍ୟାଚ୍ । ବିଶାଖାପାଟଣାରେ ଖେଳାଯାଇଥିବା ଦ୍ୱିତୀୟ ଦିନିକିଆ ଅତି ରୋମାଞ୍ଚର ସହ ଟାଇରେ ଶେଷ ହୋଇଛି । ସଂଘର୍ଷ କରି ଶେଷରେ ମ୍ୟାଚକୁ ଟାଇ କରିଛି ୱେଷ୍ଟଇଣ୍ଡିଜ୍ । ୱେଷ୍ଟଇଣ୍ଡିଜକୁ ଶେଷ ବଲରେ ୫ ରନ୍ ଦରକାର ଥିବା ବେଳେ ୪ ରନ୍ ହୋଇପାରିଛି। ୱେଷ୍ଟଇଣ୍ଡିଜ୍ ୩୨୨ ରନ୍ ଲକ୍ଷ୍ୟ ନେଇ ୨ୟ ଇନିଂସ ଖେଳି ମ୍ୟାଚକୁ ଟାଇ କରିଛି। ସାଇ ହୋପ (ଅପରାଜିତ ୧୨୩ ରନ୍) ଓ ସିମରନ୍ ହେଟମେୟର (୯୪ ରନ୍) ବିସ୍ଫୋରକ ବ୍ୟାଟିଂ ବଳରେ ୱେଷ୍ଟଇଣ୍ଡିଜ୍ ୭ ଓ୍ଵିକେଟ ହରାଇ ୩୨୨ ରନ୍ ସଂଗ୍ରହ କରିଛି।
Kanak News is now on WhatsApp
Join and get latest news updates delivered to you via WhatsApp
ଶେଷ ଓଭରରେ ୧୪ ରନ୍ ଦରକାର ଥିବା ବେଳେ ୧୩ ରନ୍ ସଂଗ୍ରହ ହୋଇ ପାରିଥିଲା। ଭାରତର କୁଲଦୀପ ଯାଦବଙ୍କୁ ୩ଟି ଓ୍ଵିକେଟ୍ ମିଳିଥିବା ବେଳେ, ଉମେଶ ଯାଦବ, ମହମ୍ମଦ ସାମି ଓ ୟୁଜବେନ୍ଦ୍ର ଚହଲ ୧-୧ ଓ୍ଵିକେଟ୍ ନେଇଛନ୍ତି । ୫ ଦିନିକିଆ ଶୃଙ୍ଖଳାରେ ଭାରତ ଗୋଟିଏ ମ୍ୟାଚ ଜିତିଥିବା ବେଳେ ୨ୟ ଦିନିକିଆ ଟାଇ ହୋଇଛି । ଦମଦାର୍ ବ୍ୟାଟିଂ କରିଥିବା ଭାରତର ଅଧିନାୟକ ବିରାଟ କୋହଲିଙ୍କୁ ମ୍ୟାଚର ଶ୍ରେଷ୍ଠ ଖେଳାଳୀ ବିବେଚିତ କରାଯାଇଛି ।
ପ୍ରଥମ ଇନିଂସରେ ଭାରତ ଅଧିନାୟକ ବିରାଟ କୋହଲିଙ୍କ ଦ୍ରୁତତମ ଅପରାଜିତ ଶତକ (୧୫୭ ରନ୍, ୧୨୯ ବଲ୍, ୧୩ ଚୌକା, ୪ ଛକା) ବଳରେ ୩୨୧ ରନ୍ ସଂଗ୍ରହ କରିବା ପରେ ୱେଷ୍ଟଇଣ୍ଡିଜ୍କୁ ୩୨୨ ରନ୍ ବିଜୟ ଲକ୍ଷ୍ୟ ମିଳିଥିଲା। ଭାରତ ନିର୍ଦ୍ଧାରିତ ୫୦ ଓଭରରେ ୬ ଓ୍ଵିକେଟ୍ ହରାଇ ଏହି ରନ୍ ସଂଗ୍ରହ କରିଥିଲା। ଆନ୍ଧ୍ରପ୍ରଦେଶର ବିଶାଖାପାଟଣାସ୍ଥିତ ଓ୍ଵାଇଏସ୍ ରାଜଶେଖର ଷ୍ଟାଡିୟମରେ ବୁଧବାର ଭାରତ ଟସ୍ ଜିଣି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା।