ଭାରତ-ଶ୍ରୀଲଙ୍କା ତୃତୀୟ ଦିନିକିଆ ! ଲଙ୍କାକୁ ମାତ୍ ଦେଇ ସିରିଜ ହାତେଇବା ଲକ୍ଷ୍ୟରେ ବିରାଟ ବାହିନୀ
କନକ ବ୍ୟୁରୋ : ଆଜି ପାଲିକଲରେ ଭାରତ-ଶ୍ରୀଲଙ୍କା ତୃତୀୟ ଦିନିକିଆ ! ଲଙ୍କାକୁ ମାତ୍ ଦେଇ ସିରିଜ ହାତେଇବା ଲକ୍ଷ୍ୟରେ ବିରାଟ ବାହିନୀ ଖେଳାଯିବ ଭାରତ- ଶ୍ରୀଲଙ୍କା ତୃତୀୟ ଦିନିକିଆ ମ୍ୟାଚ୍ । ଏହି ମ୍ୟାଚ୍ ଜିତି ସିରିଜ କବଜା କରିବା ଲକ୍ଷ୍ୟରେ ରହିଛି ଟିମ୍ ଇଣ୍ଡିଆ । ୫ ମ୍ୟାଚ୍ ବିଶିଷ୍ଟ ଏହି ସିରିଜରେ ପ୍ରଥମ ଦୁଇଟି ମ୍ୟାଚରେ ଭାରତ ବିଜୟୀ ହୋଇଛି । ପ୍ରଥମ ମ୍ୟାଚରେ ଶିଖର ଧୱନଙ୍କ ଧୂଆଁଧାର ବ୍ୟାଟିଂ ବଳରେ ୯ ୱିକେଟରେ ଶ୍ରୀଲଙ୍କାକୁ ମାତ୍ ଦେଇଥିଲା ଭାରତ । ସେହିପରି ଦ୍ୱିତୀୟ ଦିନିକିଆରେ ଭୁବନେଶ୍ୱର କୁମାରଙ୍କ ଲଢୁଆ ଅର୍ଦ୍ଧଶତକ ଓ ଧୋନିଙ୍କ ବ୍ୟାଟିଂ ବଳରେ ବିଜୟ ଆଡକୁ ଅଗ୍ରସର ହେଉଥିବା ଶ୍ରୀଲଙ୍କା ହାତରୁ ମ୍ୟାଚ ଛଡାଇ ଆଣିଥିଲା ଭାରତ । ବର୍ଷା ବାଧାପ୍ରାପ୍ତ ଏହି ମ୍ୟାଚକୁ ୩ ୱିକେଟରେ ଜିତିଥିଲା ଟିମ ଇଣ୍ଡିଆ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଦୁଇଟି ମ୍ୟାଚରେ ପରାଜୟ ପରେ ଟିମ୍ ଶ୍ରୀଲଙ୍କା ପାଇଁ କର ବା ମର ପରିସ୍ଥିତି ସୃଷ୍ଟି କରିଛି । ତା ସହିତ ସ୍ଲୋ ଓଭର ପାଇଁ ଶ୍ରୀଲଙ୍କା ଅଧିନାୟକ ଉପୁଲ ତରଙ୍ଗା ଦୁଇଟି ମ୍ୟାଚରୁ ବହିଷ୍କୃତ ହୋଇଛନ୍ତି । ତେଣୁ ଆଜିର ମ୍ୟାଚରେ ଯେମିତି ହେଲେ ବିଜୟୀ ହୋଇ ଶୃଙ୍ଖଳା ବଞ୍ଚାଇବାକୁ ପ୍ରୟାସ କରିବ ଶ୍ରୀଲଙ୍କା ଦଳ ।