ୱେଷ୍ଟଇଣ୍ଡିଜ ବିପକ୍ଷ ଶେଷ ୩ଟି ମ୍ୟାଚ ପାଇଁ ଭାରତୀୟ ଟିମ୍ ଘୋଷଣା । ଜାଣନ୍ତୁ କିଏ ଫେରିଲେ ଦଳକୁ , କିଏ ପଡିଲେ ବାଦ୍

ଦେଶ ବିଦେଶନ୍ୟୁଜ୍
By Sunil Bhuyan
33

ୱେଷ୍ଟଇଣ୍ଡିଜ ବିପକ୍ଷ ଦିନିକିଆ ସିରିଜର ଶେଷ ୩ଟି ମ୍ୟାଚ୍ ପାଇଁ ଭାରତୀୟ ଟିମ୍ ଘୋଷଣା କରାଯାଇଛି । ଘୋଷଣା କରାଯାଇଥିବା ୧୫ ଜଣିଆ ଟିମରେ ଦୁଇ ଫାଷ୍ଟ ବୋଲର ଭୁବନେଶ୍ୱର କୁମାର ଓ ଯଶପ୍ରୀତ ବୁମରାହଙ୍କୁ ସ୍ଥାନ ଦିଆଯାଇଛି । ତେବେ ମହମ୍ମଦ ସାମିଙ୍କୁ ଅବଶିଷ୍ଟ ମ୍ୟାଚରୁ ବାଦ୍ ଦିଆଯାଇଛି । ସେହିଭଳି ଖଲିଲ ଅହମ୍ମଦ ଟିମରେ ନିଜ ସ୍ଥାନ ବଜାୟ ରଖିବାରେ ସକ୍ଷମ ହୋଇଛନ୍ତି ।


ଦିନିିକଆ ସିରିଜର ୩ୟ ମ୍ୟାଚ ୨୭ ଅକ୍ଟୋବରରେ ଖେଳାଯିବ । ପାଞ୍ଚ ମ୍ୟାଚ ବିଶିଷ୍ଟ ଦିନିକିଆ ସିରିଜରେ ଭାରତ ପ୍ରଥମ ମ୍ୟାଚ ଜିତିଥିବା ବେଳେ ଦ୍ୱିତୀୟ ମ୍ୟାଚଟି ଟାଇ ହୋଇଥିଲା । ଆଉ ଏହାସହ ଭାରତ ଏବେ ଏହି ସିରିଜରେ ୧-୦ରେ ଆଗୁଆ ରହିଛି । ଗତକାଲି ଖେଳାଯାଇଥିବା ରୋମାଞ୍ଚକର ମୁକାବିଲା ବିନା ଫଳାଫଳରେ ଶେଷ ହେବା ପରେ ଆଜି ୧୫ ସଦସ୍ୟ ବିଶିଷ୍ଟ ଟିମର ଘୋଷଣା କରାଯାଇଛି । ଏନେଇ ଟ୍ୱିଟ୍ କରି ସୂଚନା ଦେଇଛି ବିସିସିଆଇ । ଚତୁର୍ଥ ଦିନିକିଆ ୨୯ ଅକ୍ଟୋବରରେ ମୁମ୍ବାଇରେ ଖେଳାଯିବାକୁ ଥିବା ବେଳେ ପଞ୍ଚମ ତଥା ଶେଷ ଦିନିକିଆ ୧ ନଭେମ୍ବରରେ ଖେଳାଯିବ ।

ଭାରତୀୟ ଟିମ୍ : ବିରାଟ କୋହଲି, ରୋହିତ ଶର୍ମା, ଶିଖର ଧୱନ, ଅମ୍ବାତି ରାୟଡୁ, ରିଷଭ ପନ୍ଥ, ଏମଏସ ଧୋନି, ରବୀନ୍ଦ୍ର ଜାଡେଜା, କୁଳଦୀପ ଯାଦ. ୟୁଜବେନ୍ଦ୍ର ଚହଲ, ଭୁବନେଶ୍ୱର କୁମାର, ଯଶପ୍ରୀତ ବୁମରାହ, ଖଲିଳ ଅହମ୍ମଦ, ଉମେଶ ଯାଦବ, ମନୀଷ ପାଣ୍ଡେ, କେଏଲ ରାହୁଲ

ସମ୍ବନ୍ଧିତ ଖବର More from author