ଭାରତ ପାକିସ୍ତାନ ସୀମାରେ ସମରସଜ୍ଜା ! କୌଣସି ମୁହୂର୍ତ୍ତରେ ହୋଇପାରେ ଯୁଦ୍ଧ
କନକ ବ୍ୟୁରୋ : ଯେକୌଣସି ମୁହୂର୍ତରେ ଭାରତ ଓ ପାକିସ୍ତାନ ମଧ୍ୟରେ ହୋଇପାରେ ଯୁଦ୍ଧ । ଉରି ସେନା ମୁଖ୍ୟାଳୟରେ ଆତଙ୍କବାଦୀ ଆକ୍ରମଣ ପରେ ଏଭଳି ଆଶଙ୍କା ବଢିବାରେ ଲାଗିଛି । ଦୁଇ ଦେଶ ମଧ୍ୟରେ ସମ୍ପର୍କ ତିକ୍ତ ହେବାରେ ଲାଗିଛି । ଉଭୟ ଦେଶ, ସୀମାନ୍ତରେ ଅଧିକ ସୈନ୍ୟ, ଯୁଦ୍ଧାସ୍ତ୍ର ଓ ଟ୍ୟାଙ୍କ୍ ମୁତୟନ କରୁଥିବା ଦେଖିବାକୁ ମିଳିଛି।
Kanak News is now on WhatsApp
Join and get latest news updates delivered to you via WhatsApp
ଗତକାଲି ରାତିରେ ଇସଲାମାବାଦ ଆକାଶରେ ଏଫ୍ ୧୬ ଯୁଦ୍ଧ ବିମାନ ପଇଁତରା ମାରିଥିଲା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୱାର ରୁମରେ ତିନି ସେନା ମୁଖ୍ୟ ଓ ଜାତୀୟ ନିରାପତା ପରାମର୍ଶଦାତା ଅଜିତ୍ ଡୋଭାଲଙ୍କ ସହ ପରିସ୍ଥିତିର ସମୀକ୍ଷା କରିଛନ୍ତି । ଦେଶର ସାମରିକ ସ୍ଥିତିର ମଧ୍ୟ ସମୀକ୍ଷା କରାଯାଇଛି।
ଅନ୍ୟପଟେ ଉରି ଆକ୍ରମଣ ଘଟଣାରେ ଭାରତକୁ କୂଟନୈତିକ ସଫଳତା ମିଳୁଥିବା ସୂଚନା ଦେଇଛି ବୈଦେଶିକ ବ୍ୟାପାର ମନ୍ତ୍ରାଳୟ । ଭାରତର ପଡୋଶୀ ସମେତ ଆମେରିକା, ଋଷ, ୟୁଏଇ ପରି ବହୁ ଦେଶ ଭାରତକୁ ସମର୍ଥନ କରିଛନ୍ତି । ପାକିସ୍ତାନ ମାଟିରେ ଆତଙ୍କବାଦକୁ ମିଳୁଥିବା ପ୍ରୋତ୍ସାହନକୁ ଏହି ଦେଶମାନେ ଗ୍ରହଣ କରିଥିବା ସୂଚନା ଦିଆଯାଇଛି ।
ଅନ୍ୟପଟେ ଦିଲ୍ଲୀ ସ୍ଥିତ ପାକିସ୍ତାନ ହାଇକମିଶନରଙ୍କୁ ଉରି ଆକ୍ରମଣ ନେଇ ପ୍ରମାଣ ଦେବା ସହ ପାକିସ୍ତାନ ଆତଙ୍କବାଦୀଙ୍କୁ ଦେଉଥିବା ସହଯୋଗ ବନ୍ଦ କରିବାକୁ କୁହାଯାଇଥିବା ବିଭାଗୀୟ ମୁଖପାତ୍ର କହିଛନ୍ତି । ଆରପଟେ ମିଳିତ ଜାତିସଂଘରେ ପାକ୍ ପ୍ରଧାନମନ୍ତ୍ରୀ ଦେଇଥିବା ଭାଷଣକୁ ବିରୋଧ କରି ଉତର ରଖିଛି ଭାରତ । ଏହାକୁ ବିଶ୍ୱ ସମୁଦାୟ ସମର୍ଥନ କରିଥିବା ସ୍ପଷ୍ଟ କରିଛନ୍ତି ବିକାଶ ସ୍ୱରୂପ । ସେପଟେ ୨୦୦୪ରେ ହୋଇଥିବା ରାଜିନାମାକୁ ପାକିସ୍ତାନ ଉଲ୍ଲଂଘନ କରୁଛି ଏବଂ ଏହାର ପରିଣାମ ଶୁଭଙ୍କର ହେବ ନାହିଁ ବୋଲି ସେ ଚେତେଇ ଦେଇଛନ୍ତି।