ବର୍ତ୍ତମାନ ସମୟରେ ବି ମୋଦିଙ୍କ ଲୋକପ୍ରିୟତା ଅପରିବର୍ତ୍ତୀତ । ମୋଦିଙ୍କୁ ୪୮ ଓ ରାହୁଲଙ୍କୁ ୧୧ ପ୍ରତିଶତ ଲୋକ କରନ୍ତି ପସନ୍ଦ : ସର୍ଭେ ରିପୋର୍ଟ
କନକ ବ୍ୟୁରୋ : ମୋଦି ସରକାର ନିଜର ୪ବର୍ଷ ପୂରଣ କରିବା ପାଇଁ ଯାଉଛନ୍ତି । ତେବେ ଅନେକ ସମୟରେ ବିରୋଧମାନେ ମୋଦି ସରକାରଙ୍କୁ ବିଭିନ୍ନ ପ୍ରସଙ୍ଗରେ ଘେରିବାକୁ ଚେଷ୍ଟା କରୁଛନ୍ତି । ତେବେ ବର୍ତ୍ତମାନ ସମୟରେ ମୋଦିଙ୍କ ଲୋକ ପ୍ରିୟତା କମିଛି ନା ଅପରିବର୍ତ୍ତିତ ରହିଛି ତାହା ଜାଣିବା ପାଇଁ ଏକ ସର୍ଭେ ପୋଲ ଖୋଲାଯାଇଥିବା ସୂଚନା ମିଳିଛି । ମିଳିଥିବା ସୂଚନା ଅନୁସାରେ ବର୍ତ୍ତମାନ ସମୟରେ ବି ମୋଦି ଲୋକମାନଙ୍କର ପସନ୍ଦ ଅଛନ୍ତି । ଏହି ସର୍ଭେ ଏକ ଅନଲାଇନ ମାଧ୍ୟମରେ କରାଯାଇଥିଲା । ଦେଶର ମୋଟ ୭୧୨ ଜିଲ୍ଲାରେ ହୋଇଥିବା ଏହି ସର୍ଭେରେ ପାଖାପାଖି ୫୭ ଲକ୍ଷ ଲୋକ ମୋଦିଙ୍କୁ ପସନ୍ଦ କରିଛନ୍ତି । ତେବେ ଏହାକୁ ରାଜନୈତିକ ପ୍ରସ୍ଥାନ କିଶୋର ସହ ଜଡିତ ଏକ ସଂସ୍ଥା କରିଥିଲେ । ଏହି ସର୍ଭେପେ ପାଖାପାଖି ୯୨୩ ନେତାଙ୍କ ନାମ ସାମିଲ କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ମୋଦିଙ୍କୁ ଏହି ସର୍ଭେରେ ଅଧିକ ପ୍ରତିଶତ ଭୋଟ ମିଳିଥିବା ବେଳେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ୧୧ ପ୍ରତିଶତ ଭୋଟ ପାଇ ୨ୟ ସ୍ଥାନରେ ରହିଛନ୍ତି । ଏହାପରେ ୩ୟ ସ୍ଥାନରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ, ୫ମରେ ଅଖିଳେଶ ଯାଦବ, ଷଷ୍ଠରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଓ ୭ମ ସ୍ଥାନରେ ରାଜ୍ୟସଭା ସାଂସଦ ମାୟାବତୀ ରହିଥିବା ସୂଚନା ମିଳିଛି । ତେବେ ଏହି ସର୍ଭେରେ ଓଡିଶା, ବିହାର ମୁଖ୍ୟମନ୍ତ୍ରୀଙ୍କ ସମେତ ସିପିଆଇର ମହାସଚିବ ସୀତାରାମ ଚୈାଧୁରୀ, ଏମସିପିର ପ୍ରମୁଖ ଶରଦ ପାୱାରଙ୍କ ସହ ଦେଶର ଅନେକ ନେତାଙ୍କ ନାମ ଏଠାରେ ସାମିଲ କରାଯାଇଥିଲା । ଏହି ସର୍ଭେରେ ସାମିଲ ହୋଇଥିବା ଲୋକମାନେ ମହିଳା ସଶକ୍ତି କରଣ, କୃଷକଙ୍କ ସମସ୍ୟା, ଆର୍ଥିକ ଅସମାନତା, ଛାତ୍ରମାନଙ୍କ ପାଠପଢାର ଦେଖାଯାଉଥିବା ସମସ୍ୟ. ସ୍ୱାସ୍ଥ୍ୟ ସେବାରେ ଦେଖାଯାଉଥିବା ଅସୁବିଧା ଆଦି କେତେକ ଅସିବିଧା ପୋଲ ମାଧ୍ୟମରେ କହିଥିଲେ ।
କେବଳ ଏତିକି ନୁହେଁ ଅଭିନେତା ଅକ୍ଷୟ କୁମାର ଓ ପୂର୍ବତନ ରିଜର୍ଭ ବ୍ୟାଙ୍କର ଗଭର୍ଣ୍ଣର ରଘୁନାଥ ରାଜନଙ୍କ ସମେତ ପତ୍ରକାର ରବିଶ କୁମାର ରାଜନୈତିକ ବ୍ୟକ୍ତିଙ୍କ ଭଳି ଜଣାଶୁଣା ବୋଲି କେତେକ ଲୋକ କହିଥିଲେ । ତେବେ ଏହି ସର୍ଭେ ସୋମବାରଠାରୁ ଆରମ୍ଭ ହୋଇଛି । ମିଳିଥିବା ସୂଚନା ଅନୁସାରେ ୨୦୧୩ ମସିହାରେ ମଧ୍ୟ ଏହିଭଳି ଭାବରେ ଏକ ସର୍ଭେ କରାଯାଇଥିଲା । ସେହି ସମୟରେ ସାରାଦେଶରେ ମୋଦିଙ୍କୁ ଅଧିକା ଲୋକପ୍ରିୟ କୁହାଯାଉଥିଲା । ତେବେ ଏହାପରେ ମୋଦି ୨୦୧୪ ସାଧାରଣ ନିର୍ବାଚନରେ ଜିତିବା ପରେ ପ୍ରଧାନମନ୍ତ୍ରୀ ପଦ ଅଳଙ୍କୃତ କଲେ ।