ହାରିଲା ଭାରତ ! ଲର୍ଡସ ଟେଷ୍ଟରେ ନିରାଶ କଲା ଟିମ୍ ଇଣ୍ଡିଆ, ଭାରତକୁ ଇନିଂସ ଓ ୧୫୯ ରନରେ ହରାଇଲା ଇଂଲଣ୍ଡ ।
ପୁଣି ଥରେ ପଦାରେ ପଡିଲା ଭାରତର ବ୍ୟାଟିଂ ଦୁର୍ବଳତା । ଭାରତ-ଇଂଲଣ୍ଡ ମଧ୍ୟରେ ଲର୍ଡସରେ ଖେଳାଯାଉଥିବା ଦ୍ୱିତୀୟ ଟେଷ୍ଟରେ ପୁଣି ଥରେ ନିରାଶ କରିଛି ବିରାଟ ବାହିନୀ । ଇଂଲଣ୍ଡ ଠାରୁ ଆଉ ଏକ ଲଜ୍ଜାଜନକ ପରାଜୟ ବରଣ କରିଛି ଦଳ । ଭାରତକୁ ଇନିଂସ ଓ ୧୫୯ ରନରେ ହରାଇଛି ଇଂଲଣ୍ଡ । ଆଉ ଏହି ବିଜୟ ସହ ଇଂଲଣ୍ଡ ୫ ଟିକିଆ ସିରିଜରେ ୨-୦ରେ ଆଗୁଆ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଟସ ହାରି ପ୍ରଥମେ ବ୍ୟାଟିଂ ଆରମ୍ଭ କରିଥିବା ଭାରତୀୟ ଦଳ ପ୍ରଥମ ଇନିଂସରେ ମାତ୍ର ୧୦୭ ରନ କରି ସମସ୍ତ ୱିକେଟ ହରାଇଥିଲା । ଜବାବରେ ଇଂଲଣ୍ଡ ୪ର୍ଥ ଦିନରେ ରବିବାର ୭ ଓ୍ଵିକେଟ୍ରେ ୩୯୬ ରନ୍ ସଂଗ୍ରହ କରି ପାଳି ଘୋଷଣା କରିଥିଲା । ଏହି ଆଧାରରେ ଇଂଲଣ୍ଡ ୨୮୯ ରନ୍ ଅଗ୍ରଣୀ ରହିଥିଲା । ତେବେ ଦ୍ୱିତୀୟ ଇଂନିସ ଆରମ୍ଭରୁ ହିଁ ଦଳ ହୁର୍ବଳ ବ୍ୟାଟିଂ ପ୍ରଦର୍ଶନ କରିଥିଲା । ଦଳର ଖାତା ଖୋଲିବା ପୂର୍ବରୁ ୱିକେଟ ହରାଇଥିଲା ଟିମ୍ ଇଣ୍ଡିଆ । ଏହାପରେ ଧିରେ ଧିରେ ଦଳର ବିପର୍ଯ୍ୟୟ ଘଟିଥିଲା । ଏବଂ ଶେଷରେ ୧୩୦ ରନରେ ଦଳ ଅଲଆଉଟ୍ ହୋଇଯାଇଥିଲା । ଏହା ସହ ଦ୍ୱିତୀୟ ଟେଷ୍ଟ ମଧ୍ୟ ହାତଛଡା କରିଛି ଭାରତ । ସିରିଜ ଜିତିବାକୁ ହେଲେ ଅନ୍ୟ ୩ଟି ଟେଷ୍ଟକୁ ଭାରତକୁ ନିଜ କବଜାକୁ ନେବା ପାଇଁ ପଡିବ ।