ନିରାଶ କଲା ଭାରତୀୟ ପୁରୁଷ ହକି ଦଳ । ରୋମାଞ୍ଚକର ସେମିଫାଇନାଲରେ ଭାରତକୁ ହରାଇଲା ମାଲେସିଆ ।
ଇଣ୍ଡୋନେସିଆର ଜାକର୍ତ୍ତାଠାରେ ଚାଲିଥିବା ଏସୀୟ କ୍ରୀଡା ପୁରୁଷ ହକିର ପ୍ରଥମ ସେମିଫାଇନାଲ ମ୍ୟାଚରେ ମାଲେସିଆ ଭାରତକୁ ହରାଇ ଫାଇନାଲରେ ପ୍ରବେଶ କରିଛି । ଏହା ସହିତ ଗତ ଥରର ଚାମ୍ପିୟନ ଭାରତ ପାଇଁ ଫାଇନାଲ ଖେଳିବାର ଆଶା ସମାପ୍ତ ହୋଇଯାଇଛି । ଏହି ମ୍ୟାଚଟି ବେଶ ରୋମାଞ୍ଚ ଭରା ହୋଇଥିଲା ଓ ସ୍ୱାଭାବିକ ସମୟ ଶେଷ ହେବା ପର୍ୟ୍ୟନ୍ତ ଉଭୟ ଦେଶ ୨-୨ ରେ ରହିଥିଲେ । ଏହା ପରେ ସୁଟ୍ ଆଉଟରେ ମାଲେସିଆ ଭାରତକୁ ୭-୬ରେ ପରାସ୍ତ କରି ଫାଇନାଲରେ ପ୍ରବେଶ କରିଛି । ଫାଇନାଲରେ ମାଲେସିଆ ପାକିସ୍ତାନ ଓ ଦକ୍ଷିଣ କୋରିଆ ମଧ୍ୟରେ ହେବାକୁ ଥିବା ୨ୟ ସେମିଫାଇନାଲ ମ୍ୟାଚର ବିଜେତାକୁ ଭେଟିବ ।
Kanak News is now on WhatsApp
Join and get latest news updates delivered to you via WhatsApp
ଗ୍ରୁପ ପର୍ଯ୍ୟାୟରେ ଗତ ଥରର ବିଜେତା ଭାରତ ଉଲ୍ଲେଖନୀୟ ଖେଳ ପ୍ରଦର୍ଶନ କରି ଅପରାଜିତ ଦଳଭାବେ ସେମିରେ ପ୍ରବେଶ କରିଥିଲା । ପ୍ରଥମ ଲିଗ ମ୍ୟାଚରେ ଭାରତ ଇଣ୍ଡୋନେସିଆକୁ ୧୭-୦ ଗୋଲରେ ଜିତିଥିଲା । ୨ୟ ଲିଗମ୍ୟାଚରେ ଭାରତ ହଂକଂକୁ ୨୬-୦ ଗୋଲରେ ପରାସ୍ତ କରି ବିଶ୍ୱ ରେକର୍ଡ କରିଥିଲା । ସେହିପରି ୩ୟ ମ୍ୟାଚରେ ଭାରତ ଜାପାନକୁ ୮-୦ ଗୋଲରେ ପରାସ୍ତ କରିଥିଲା । ୪ର୍ଥ ମ୍ୟାଚରେ ଭାରତ ଦକ୍ଷିଣ କୋରିଆକୁ ୫-୩ ଗୋଲ ବ୍ୟବଧାନରେ ପରାସ୍ତ କରିଥିଲା । କିନ୍ତୁ ଲଢୁଆ ପ୍ରଦର୍ଶନ ସତ୍ତ୍ୱେ ଭାରତ ନିରାଶ ହୋଇଛି ।