ବିଶ୍ୱ ହକି ଇଣ୍ଡିଆ ଲିଗରେ ଭାରତକୁ ବ୍ରୋଞ୍ଜ ପଦକ ! ୨-୧ ଗୋଲରେ ଜର୍ମାନୀକୁ ମାତ୍ ଦେଲା ଟିମ୍ ଇଣ୍ଡିଆ
କନକ ବ୍ୟୁରୋ : ବିଶ୍ୱ ହକି ଲିଗରେ ସମ୍ମାନ ରଖିଲା ଭାରତ । ତୃତୀୟ ସ୍ଥାନ ତଥା ବ୍ରୋଞ୍ଜ ପଦକ ପାଇଁ ଲଢେଇରେ ବାଜି ମାରି ନେଇଛି ଭାରତୀୟ ହକି ଟିମ୍ । ଶକ୍ତିଶାଳୀ ଜର୍ମାନୀକୁ ୨-୧ ଗୋଲରେ ପରାସ୍ତ କରିଛି ଭାରତ । ଗତକାଲି ଜର୍ମାନୀକୁ ହରାଇ ଫାଇନାଲରେ ପ୍ରବେଶ କରିଥିଲା ଅଷ୍ଟ୍ରେଲିଆ । ଫଳରେ ତୃତୀୟ ସ୍ଥାନ ପାଇଁ ଭାରତ ସହ ମୁକାବିଲା କରିବାକୁ ଦାବିଦାର ହୋଇଥିଲା ଜର୍ମାନୀ । ପୂର୍ବରୁ ଆର୍ଜେଣ୍ଟିନା ଦଳ ନିକଟରୁ ସେମି ଫାଇନାଲରେ ପରାସ୍ତ ହୋଇ ଭାରତ ଫାଇନାଲ ଦୌଡରୁ ବାଦ ପଡିଥିଲା । ତେବେ ଜର୍ମାନୀକୁ ମାତ ୍ ଦେଇ ଭାରତ ବ୍ରୋଞ୍ଜ ବିଜୟୀ ହେବା ପରେ ଭାରତୀୟ ହକି ପ୍ରଂଶସକଙ୍କ ମଧ୍ୟରେ ଖୁସିର ଲହରୀ ଖେଳି ଯାଇଛି ।
Kanak News is now on WhatsApp
Join and get latest news updates delivered to you via WhatsApp
ବ୍ରୋଞ୍ଜ ବିଜେତା ଭାରତୀୟ ହକି ଦଳର ପ୍ରତ୍ୟେକ ଖେଳାଳିଙ୍କ ପାଇଁ ୧୦ ଲକ୍ଷ ଟଙ୍କା ଲେଖାଏଁ ପୁରସ୍କାର ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ତେବେ ଖେଳାଳିଙ୍କୁ ସମ୍ବର୍ଦ୍ଧିତ କରିବା ସମୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ କେନ୍ଦ୍ରମନ୍ତୀ ଧର୍ମେନ୍ଦ୍ର ପ୍ରଧାନଙ୍କୁ ଏକାଠି ଗୋଟିଏ ଡାଏସରେ ଦେଖିବାକୁ ମିଳିଛି । ଦୁଇ ତୁଙ୍ଗ ନେତାଙ୍କ ମଧ୍ୟରେ ରାଜନୈତିକ ବିବାଦ ଜୋର୍ ଧରୁଥିବା ବେଳେ ଉଭୟ ଏକାଠି ହେବା ଘଟଣା ଚର୍ଚାକୁ ଆସିଥିଲା ।