୨୯ଟି ଆମେରିକୀୟ ସାମଗ୍ରୀ ଉପର ଆମଦାନୀ ଶୁଳ୍କ ବଢାଇଲା ଭାରତ : ଅଗଷ୍ଟ ୪ତାରିଖରୁ ଲାଗୁ ହେବା ନେଇ ଅର୍ଥ ମନ୍ତ୍ରାଳୟର ସୂଚନା
କନକ ବ୍ୟୁରୋ : ୨୯ଟି ଆମେରିକୀୟ ସାମଗ୍ରୀ ଉପର ଆମଦାନୀ ଶୁଳ୍କ ବଢାଇଲା ଭାରତ । ଅଗଷ୍ଟ ୪ତାରିଖଠାରୁ ଏହା ଲାଗୁ ହେବ ବୋଲି ଅର୍ଥ ମନ୍ତ୍ରାଳୟ ସୂଚନା ଦେଇଛି । ଡାଲି ଜାତୀୟ ସାମଗ୍ରୀ ଉପରେ ଆମଦାନୀ ଶୁଳ୍କ ବଢିଥିବା ବେଳେ ମୋଟର ସାଇକେଲ ଆଦିରେ ଏହା ଅପରିବର୍ତିତ ରହିଛି । ଏକସ୍ୱତନ୍ତ୍ର ପ୍ରଜାତିର ଚିଙ୍ଗୁଡି ଆର୍ଟେମିୟାର ଆମଦାନୀ ଶୁଳ୍କକୁ ୧୫ପ୍ରତିଶତ ବଢାଇ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଲୁହା, ଇସ୍ପାତ, ଷ୍ଟେନଲେସ ଷ୍ଟିଲ ଏବଂ ବିଭିନ୍ନ ପ୍ରକାରର ଫଳ ତଥା ସେଓ, ନାଶପତିରେ ଶୁଳ୍କ ବଢାଯାଇଛି । ମସୁର ଡାଲିରେ ୩୦ପ୍ରତିଶତ ଆମଦାନୀ ଶୁଳ୍କ ବଢିଥିବା ବେଳେ ବେଙ୍ଗଲ ଚଣାରେ ଏହା ୬୦ପ୍ରତିଶତ ବଢିଛି । ତେବେ ଆମେରିକାରୁ ଆସୁଥିବା ମୋଟର ସାଇକେଲ ଉପରେ କୌଣସି ଶୁଳ୍କ ବଢାଯାଇନାହିଁ । ଭାରତର ଇସ୍ପାତ ଓ ଆଲୁମିନିୟମ ଉତ୍ପାଦରେ ଆମଦାନୀ ଶୁଳ୍କ ବଢାଇଥିଲା ଆମେରିକା । ଯାହା ଫଳରେ ଭାରତକୁ ଅତିରିକ୍ତ ୨୪ଦଶମିକ ୧ କୋଟି ଆମେରିକୀୟ ଡଲାରର ଅତିରିକ୍ତ ବୋଝ ପଡିଥିଲା ।