ଏଣିକି ଭାରତ ସହ ଲାଗିବା ପୂର୍ବରୁ ହଜାରେ ଥର ଭାବିବେ ଶତ୍ରୁପକ୍ଷ! ନ୍ୟୁକ୍ଲିୟର ଟ୍ରାୟାଡ ଥିବା ବିଶ୍ୱର ୬ଷ୍ଠ ଦେଶ ହେଲା ଭାରତ, ଜଳ, ସ୍ଥଳ ଓ ଆକାଶ ପଥରୁ କରିପାରିବ ପରମାଣୁ ଆକ୍ରମଣ
ଜଳ, ସ୍ଥଳ ଓ ଆକାଶ ପଥରୁ ଏକାଥରକେ ପରମାଣୁ ଆକ୍ରମଣ କରିପାରିବ ଭାରତ । ଏକ ଅପରେସନାଲ ନ୍ୟୁକ୍ଲିୟର ଟ୍ରାୟାଡ କାର୍ୟ୍ୟକ୍ଷମ କରିବାରେ ଭାରତ ବିଶ୍ୱର ୬ଷ୍ଠ ଦେଶରେ ପରିଣତ ହୋଇଛି । ଏହାର ଅର୍ଥ ହେଉଛି ଭାରତ ସମୁଦ୍ର ମଧ୍ୟରୁ, ସ୍ଥଳଭାଗରୁ ଓ ଆକାଶମାର୍ଗରୁ ଆଣବିକ ଆକ୍ରମଣ କରିପାରିବ । ପୂର୍ବରୁ ଆମେରିକା, ଋଷିଆ, ଫ୍ରାନ୍ସ, ବ୍ରିଟେନ ଓ ଚୀନ ପାଖରେ ଏହି କ୍ଷମତା ଥିଲା । ଭାରତର ଷ୍ଟ୍ରାଟର୍ଜିକ ନ୍ୟୁକ୍ଲିୟର କମାଣ୍ଡ (ଏସଏନସି)ର କମାଣ୍ଡରଙ୍କ ପାଖରେ ଏହି ନ୍ୟୁକ୍ଲିୟର ଟ୍ରାୟାଡର ବଟନ ରହିଛି ।
Kanak News is now on WhatsApp
Join and get latest news updates delivered to you via WhatsApp
ସ୍ଥଳଭାଗରୁ ଅଣୁ ଅସ୍ତ୍ର କ୍ଷମତା ସଂପନ୍ନ କ୍ଷେପଣାସ୍ତ୍ର ଅଗ୍ନୀ, ପୃଥ୍ଵୀ, ବ୍ରହ୍ମସ ଆଦି ମାଧ୍ୟମରେ ଭାରତ ଶତ୍ରୁପକ୍ଷ ଉପରେ ଆଣବିକ ଆକ୍ରମଣ କରିପାରିବ । ସେହିପରି ଗଭୀର ସମୁଦ୍ର ମଧ୍ୟରୁ ପୃଥ୍ଵୀ କ୍ଷେପଣାସ୍ତ୍ରର ନାଭାଲ ଭର୍ସନ ଧନୁଷ ମାଧ୍ୟମରେ ଆଣବିକ ବୋମା ପକାଇ ହେବ । ଏହି କ୍ଷେପଣାସ୍ତ୍ରକୁ ଯୁଦ୍ଧ ଜାହଜ, ବିମାନବାହୀ ପୋତ, ଦେଶର ପ୍ରଥମ ଅଣୁଶକ୍ତି ପରିଚାଳିତ ବୁଡାଜାହଜ ଆଇଏନଏସ ଅରହନ୍ତରୁ ଶତ୍ରୁପକ୍ଷର ଟାର୍ଗେଟ ଉପରେ ନିକ୍ଷେପ କରିହେବ । ସେହିପରି ଆକାଶ ମାର୍ଗରୁ ଭାରତୀୟ ବାୟୁସେନାର ଲଢୁଆ ବିମାନ ମିରାଜ, ସୁଖୋଇ ଓ ଆଗକୁ ଆସିବାକୁ ଥିବା ରାଫେଲରୁ ପରମାଣୁ ଅସ୍ତ୍ର ପକାଇ ଶତ୍ରପକ୍ଷର ଟାର୍ଗେଟକୁ ଧ୍ୱଂସ କରିପାରିବ ଭାରତ ।