ଭାରତକୁ ଚତୁର୍ଥ ସ୍ୱର୍ଣ୍ଣ ପଦକ ! ଇତିହାସ ରଚିଲେ ରାହି, ବନ୍ଧୁକ ଚାଳନାରେ ଏସୀୟକ୍ରୀଡାରେ ପ୍ରଥମ ମହିଳାଭାବେ ଜିତିଲେ ସ୍ୱର୍ଣ୍ଣ ।
ଏସୀୟ କ୍ରୀଡ଼ାରେ ଭାରତକୁ ବନ୍ଧୁକ ଚାଳନାରେ ମିଳିଛି ଆଉ ଗୋଟିଏ ସ୍ୱର୍ଣ୍ଣ ପଦକ । ମହିଳା ସୁଟର ରାହି ସରନୋବତ୍ ଏହି ପଦକ ହାସଲ କରିଛନ୍ତି । ବୁଧବାର ମହିଳା ୨୫ମିଟର ପିସ୍ତଲ ଚାଳନା ବର୍ଗରେ ପ୍ରଥମ ସ୍ଥାନ ଅଧିକାର କରି ସେ ଏହି ସଫଳତା ହାସଲ କରିଛନ୍ତି । ଏଥି ସହ ସରନୋବତ୍ ଆଉ ଏକ ଇତିହାସ ମଧ୍ୟ ରଚିଛନ୍ତି । ଏସୀୟ କ୍ରୀଡ଼ାରେ ବନ୍ଧୁକ ଚାଳନାରେ ସ୍ୱର୍ଣ୍ଣ ପଦକ ଜିଣିବାରେ ସେ ହେଉଛନ୍ତି ପ୍ରଥମ ଭାରତୀୟ ମହିଳା । ଆଜିର ପ୍ରତିଯୋଗିତାରେ ସରନୋବତ୍ ଥାଇଲାଣ୍ଡର ପ୍ରତିଯୋଗୀ ନାଫସ୍ୱାନ୍ ୟଙ୍ଗ୍ ପାଇବୁନଙ୍କୁ ପଛରେ ପକାଇ ସ୍ୱର୍ଣ୍ଣପଦକ ବିଜେତା ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
୨୭ ବର୍ଷୀୟା ରାହି ସରନୋବତ୍ ଏହା ପୂର୍ବରୁ ଦେଶ ଲାଗି ବହୁ ପଦକ ଜିଣି ସାରିଛନ୍ତି। ସେ ୨୦୧୪ ଏସୀୟ କ୍ରୀଡ଼ାରେ ବ୍ରୋଞ୍ଜ୍ ପଦକ ଲାଭ କରିଥିଲେ । ଏଯାବତ୍ ରାହି କମନୱେଲଥ ଗେମ୍ସରେ ୩ଟି ପଦକ ଜିତି ସାରିଛନ୍ତି। ୨୦୧୦ରେ ସେ ସ୍ୱର୍ଣ୍ଣ ଓ ରୌପ୍ୟ ପଦକ ଜିଣିଥିବା ବେଳେ ୨୦୧୪ କମନୱେଲଥ ଗେମ୍ସରେ ସ୍ୱର୍ଣ୍ଣ ପଦକ ଜିଣିଥିଲେ।