ପାକ୍ ବର୍ବରତାର ମୁହଁତୋଡ ଜବାବ ଦେଲା ଭାରତ ! ଭାରତୀୟ ଯବାନ ମିଶାଇଲ ମାଡକରି ଉଡାଇ ଦେଲେ ପାକିସ୍ତାନ ସେନାର ବହୁ ବଙ୍କର
କନକ ବ୍ୟୁରୋ : ପାକିସ୍ତାନକୁ ମୁହଁତୋଡ ଜବାବ ଦେଲା ଭାରତ । ଏଲଓସିରେ ପାକ୍ ବର୍ବରତାର ଦିଆ ଯାଇଛି କଡା ଜବାବ । ଭାରତୀୟ ଯବାନ ମିଶାଇଲ ମାଡ କରି ଉଡାଇ ଦେଲେ ପାକିସ୍ତାନ ସେନାର ବହୁ ବଙ୍କର । ଜମ୍ମୁକଶ୍ମୀରର ନୌସେରା ସେକ୍ଟରରେ ଆଜି ପାକିସ୍ତାନ ସିଜଫାୟାର ଉଲ୍ଲଂଘନ କରିଥିଲା । ପାଲଟା ଆକ୍ରମଣ କରି ଭାରତୀୟ ଯବାନ ପାକିସ୍ତାନୀ ସେନା ଶିବିର ଉପରେ କରିଥିଲା ଆଂଟି ଗାଇଡେଡ୍ ମିଜାଇଲ ମାଡ ।
Kanak News is now on WhatsApp
Join and get latest news updates delivered to you via WhatsApp
ପାକିସ୍ତାନର ବେଲାଣ୍ଡୁର ଘାଟିରେ ଥିବା ପାକ ସେନାର ବଙ୍କର ଉପରେ ୭ଟି ମିଜାଇଲ ମାଡ କରିଥିଲେ ଭାରତୀୟ ଯବାନ । ଆଉ ଏଥିରେ ପାକିସ୍ତାନ ସେନାର ୫ରୁ ଅଧିକ ବଙ୍କର ଧ୍ୱସ୍ତବିଧ୍ୱସ୍ତ ହୋଇଥିବା କୁହାଯାଉଛି । ଗତ ୧ ତାରିଖରେ ପୁନଛ ସେକ୍ଟରର କ୍ରିଷ୍ଣା ଘାଟି ଉପରେ ମୋର୍ଟାର ମାଡ କରିଥିଲା ପାକିସ୍ତାନ । ଏଥିରେ ସହିଦ ୨ ଭାରତୀୟ ଯବାନଙ୍କ ମୃତଦେହରୁ ମୁଣ୍ଡ କାଟି ନେଇଥିଲା ପାକିସ୍ତାନ ସେନା । ପାକିସ୍ତାନର ଏପରି ବର୍ବରତାକୁ ନେଇ ଭାରତ କଡା ଆପତି ଜାହିର କରିଛି । ଏପରି କୁତ୍ସିତ କାର୍ଯ୍ୟ ପାଇଁ ସାରା ବିଶ୍ୱରେ ପାକିସ୍ତାନ ନିନ୍ଦିତ ହେଉଛି ।