ପାକିସ୍ତାନକୁ କଡା ଚେତାବନୀ ଦେଲା ଭାରତ ! ଜବରଦସ୍ତ କବଜା କରିଥିବା ଅଞ୍ଚଳକୁ ତୁରନ୍ତ ଖାଲି କରିବାକୁ ନିର୍ଦ୍ଦେଶ ।
ଜାମ୍ମୁ କାଶ୍ମୀରରେ ଜବରଦସ୍ତ ଏବଂ ବେଆଇନ ଭାବରେ କବଜା କରିଥିବା ଅଞ୍ଚଳ ଗୁଡିକୁ ଖାଲି କରିବା ପାଇଁ ଭାରତ ପାକିସ୍ତାନକୁ କଡା ଚେତାବନୀ ଦେଇଛି । ଏହି ଅଞ୍ଚଳ ଗୁଡିକର ସ୍ଥିତିରେ ପରିବର୍ତ୍ତନରେ କାର୍ୟ୍ୟାନୁଷ୍ଠାନ ଉପରେ ଭାରତ କଡା ବିରୋଧ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ଭାରତୀୟ ବିଦେଶ ମନ୍ତ୍ରାଳୟର ଏହି ପ୍ରତିକ୍ରିୟା, ପାକିସ୍ତାନର ସେହି କାର୍ୟ୍ୟାନୁଷ୍ଠାନ ଉପରେ ଆସିଛି, ଯେଉଁଥିରେ ପାକିସ୍ତାନ ଆଜାଦ ଜାମ୍ମୁକାଶ୍ମୀର ୧୩ତମ ସଂଶୋଧନର ଅଧିନିୟମ-୨୦୧୮ରେ ପରିବର୍ତ୍ତନ କରି ଆଜାଦ ଜାମ୍ମୁକାଶ୍ମୀର କାଉନସିଲ ଆଡମିନିଷ୍ଟ୍ରେଟିଭ୍ ଆଣ୍ଡ ଫାଇନାନ୍ସସିଆଲ ପାୱାରକୁ ଶେଷ କରିଦେଇଛି । ତେବେ ଏବେ ଏହା ଏକ ଉପଦେଶକାରୀ ଅଧିନିୟମ ହୋଇ ରହିଯାଇଛି ।
ବିଦେଶ ମନ୍ତ୍ରାଳୟର ବୟାନ ଅନୁଯାୟୀ, ପାକ୍ତିସାନକୁ ଏହା ସିଧାସଳଖ କୁହାଯାଇଛି ଯେ, ୧୯୪୭ର ବିଲୟ ପତ୍ର ଅନୁଯାୟୀ, ସମ୍ପୂର୍ଣ୍ଣ ଜାମ୍ମୁ କାଶ୍ମୀର ରାଜ୍ୟ ଭାରତର ଆଭ୍ୟନ୍ତରୀଣ ଅଂଶ ଅଟେ । ଏବଂ ଏଥିରେ ପାକିସ୍ତାନ ନିଡ କବଜାକୁ ନେଇଥିବା କାଶ୍ମୀରର ଅଂଶ ମଧ୍ୟ ସାମିଲ ରହିଛି । ଏଭଳି ସ୍ଥିତିରେ ପାକିସ୍ତାନ ପାଖରେ ପରିବର୍ତ୍ତନର କୌଣସି ଆଇନ ସମ୍ମତ ପ୍ରମାଣ ନାହିଁ ଯାହାକି ସମ୍ପୂର୍ଣ୍ଣ ଭାବେ ଅସ୍ୱୀକାର୍ୟ୍ୟ ଅଟେ ।