ଦେଶରେ ଖୋଲିଲା ପ୍ରଥମ ରୋବଟ୍ ରେଷ୍ଟୁରାଣ୍ଟ ! ରୋବଟ୍ ପରସିବ ଖାଦ୍ୟ
ଦେଶରେ ଖୋଲିଲା ପ୍ରଥମ ରୋବଟ୍ ରେଷ୍ଟୁରାଂଟ । ଚେନ୍ନାଇରେ ଖୋଲିଛି ଏହି ସ୍ୱତନ୍ତ୍ର ରେଷ୍ଟୁରାଂଟ । ଯେଉଁଠାରେ ୱେଟର ବଦଳରେ ରୋବଟ ପରସିବ ଖାଦ୍ୟ । ଚେନ୍ନାଇର ମହାବଳିପୁରମ ରୋଡ଼ରେ ଏହି ରେଷ୍ଟୁରାଂଟ ଅବସ୍ଥିତ । ଏହି ରେଷ୍ଟୁରାଣ୍ଟରେ କେବଳ ଥାଇ ଓ ଚାଇନିଜ୍ ଖାଦ୍ୟ ପରସାଯିବ । ସୂଚନା ଅନୁସାରେ ଏହା ଦେଶର ପ୍ରଥମ ରୋବଟ୍ ଥିମ୍ ରେଷ୍ଟୁରାଂଟ । ଏହି ରେଷ୍ଟୁରାଟକୁ ଭେଙ୍କଟେସ୍ ରାଜେନ୍ଦ୍ରନ୍ ଓ କାର୍ତ୍ତିକ କାନନ ନାମକ ଦୁଇଜଣ ବ୍ୟକ୍ତି ମିଳିତ ଭାବେ ଆରମ୍ଭ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ରେଷ୍ଟୁରାଂଟର ସମସ୍ତ ଟେବଲରେ ରହିଛି ଗୋଟିଏ ଗୋଟିଏ ଟାବ୍, ଯାହା ସାହାଯ୍ୟରେ ଗ୍ରାହକ ଖାଦ୍ୟ ଅର୍ଡ଼ର କରିପାରିବେ । ଆପଣ ଦେଇଥିବା ଖାଦ୍ୟର ଅର୍ଡ଼ର ସିଧା ସିଧା କିଚେନ ପର୍ଯ୍ୟନ୍ତ ପହଞ୍ଚିଯିବ, ଯେଉଁଠି ଭୋଜନ ପ୍ରସ୍ତୁତ ହୁଏ । ଖାଦ୍ୟ ପ୍ରସ୍ତୁତ ହୋଇଗଲେ ରୋବଟ୍ ଆପେ ଆପେ ଆସି ଖାଦ୍ୟ ପରସି ଦେଇଯିବ । ଏଠାରେ ଥିବା ସମସ୍ତ ରୋବଟ୍ ବ୍ୟାଟେରୀ ଚାଳିତ । ରୋବରରେ ଲାଗିଛି ସେନସର । ଯଦି ଏମାନଙ୍କ ରାସ୍ତାରେ କିମ୍ବା ସାମ୍ନାକୁ କେହି ଆସିଗଲେ ରୋବଟ ଛିଡ଼ା ହୋଇଯିବା । ତେବେ ଦେଶରେ ଏହି ରେଷ୍ଟୁୁରାଂଟ ଖୋଲିବା ପରେ ଚର୍ଚ୍ଚା ଜୋର ଧରିଛି । ଦେଶରେ ଆଉ କିଛି ଶାଖା ଖୋଲିବା ପାଇଁ ଏବେ ଯୋଜନା ଚାଲିଛି ।