ଶ୍ରମିକ ପରିବାରଙ୍କ ଅବସ୍ଥା ପାଇଁ କେନ୍ଦ୍ରକୁ ଦାୟୀ କଲା କଂଗ୍ରେସ । ଟ୍ୱିଟରରେ ରାହୁଲଙ୍କ ସମାଲୋଚନା, ଦାଦନ ଶ୍ରମିକଙ୍କୁ ସହାୟତା ପାଇଁ ମୋଦିଙ୍କୁ ଚିଠି ଲେଖିଲେ ସୋନିଆ । ସେପଟେ ଜରୁରୀ ସହାୟତା ଯୋଗାଇବାକୁ ରାଜ୍ୟକୁ କେନ୍ଦ୍ରର ନିର୍ଦ୍ଦେଶ ।
କନକ ବ୍ୟୁରୋ: ଲକଡାଉନ ଭିତରେ ଶ୍ରମିକଙ୍କ ପଳାୟନକୁ ପାଇଁ କେନ୍ଦ୍ରକୁ ଦାୟୀ କରିଛି କଂଗ୍ରେସ । ବରିଷ୍ଠ କଂଗ୍ରେସ ନେତା ତଥା ସାଂସଦ ରାହୁଲ ଗାନ୍ଧୀ ଶୀଘ୍ର କେନ୍ଦ୍ର ସରକାର ଉଚିତ ପଦକ୍ଷେପ ନେବାକୁ ଦାବି କରିଛନ୍ତି । ତିନିଟି ଟ୍ୱିଟ୍ କରି ରାହୁଲ ଲେଖିଛନ୍ତି ଶହ ଶହ ଭାଇ ଭଉଣୀ ଭୋକ ଶୋଷରେ ପରିବାର ସହ ଚାଲି ଚାଲି ଘରକୁ ବାହାରିଛନ୍ତି । ରାସ୍ତାରେ ସେମାନଙ୍କୁ ଯଥା ସମ୍ଭବ ସହାୟତା ଦେବାକୁ ଟ୍ୱିଟ୍ କରି କରି ଅପିଲ କରିଛନ୍ତି ରାହୁଲ ଗାନ୍ଧୀ ।
Kanak News is now on WhatsApp
Join and get latest news updates delivered to you via WhatsApp
सरकार इस भयावह हालत की ज़िम्मेदार है। नागरिकों की ये दशा करना एक बहुत बड़ा अपराध है। आज संकट की घड़ी में हमारे भाइयों और बहनों को कम से कम सम्मान और सहारा तो मिलना ही चाहिए। सरकार जल्द से जल्द ठोस क़दम उठाए ताकि ये एक बड़ी त्रासदी ना बन जाए। pic.twitter.com/mM6ktVyQSS
— Rahul Gandhi (@RahulGandhi) March 28, 2020
ସେପଟେ ଦାଦନ ଶ୍ରମିକଙ୍କ ସମସ୍ୟା ପ୍ରସଙ୍ଗରେ ପ୍ରଧାନମନ୍ତ୍ରୀ ମୋଦିଙ୍କୁ ଚିଠି ଲେଖିଛନ୍ତି କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ । କଡା ଚିଠି ଲେଖି ସୋନିଆ କହିଛନ୍ତି ଗରିବଙ୍କୁ ମୂଲ୍ୟ ବହନ କରିବାକୁ କହି ଦେଶରେ ତାଲାବନ୍ଦ ସଫଳ ହୋଇପାରିବ ନାହିଁ । ବିଭିନ୍ନ ରାଜ୍ୟରେ ଫସିରହିଥିବା ହଜାର ହଜାର ଦାଦନ ଶ୍ରମିକଙ୍କ ରହିବା ଖାଇବା, ପାଇଁ ସ୍ଥାନୀୟ ପ୍ରଶାସନ ଓ କେନ୍ଦ୍ର ସରକାର ତୁରନ୍ତ ପଦକ୍ଷେପ ନିଅନ୍ତୁ ।
ବିରୋଧୀଙ୍କ ସମାଲୋଚନା ଓ ରାଜପଥରେ ଶ୍ରମିକଙ୍କ ଭିଡ ପରେ ରାଜ୍ୟଗୁଡିକୁ ଜରୁରୀ ନିର୍ଦ୍ଦେଶନାମା ଜାରି କରିଛନ୍ତି କେନ୍ଦ୍ର ସରକାର । ଅଣସଂଗଠିକ କ୍ଷେତ୍ରରେ କାମ କରୁଥିବା ଏହି ଶ୍ରମିକମାନଙ୍କୁ ତୁରନ୍ତ ଖାଦ୍ୟ ଓ ଆଶ୍ରୟ ଯୋଗାଇ ଦେବାକୁ ନିର୍ଦ୍ଦେଶ ଦିଆଯାଇଛି । ୨୧ ଦିନିଆ ତାଲାବନ୍ଦ ଭିତରେ ଯିଏ ଯେଉଁଠି ଅଛନ୍ତି ସେହିଠାରେ ରହିବାକୁ ନିର୍ଦ୍ଦେଶ ଦେଇଛନ୍ତି କେନ୍ଦ୍ର ସରକାର । କେନ୍ଦ୍ର ଗୃହ ମନ୍ତ୍ରାଳୟ ଜାରି କରିଥିବା ନିର୍ଦ୍ଦେଶାବଳୀରେ କୁହାଯାଇଛି ଯେ, ଶ୍ରମିକଙ୍କ ଭିଡ ଏଭଳି ରାଜରାସ୍ତାକୁ ଚାଲିଆସିବା ତାଲାବନ୍ଦର ଉଦ୍ଦେଶ୍ୟକୁ ବିଫଳ କରିଦେବ । ମାରାତ୍ମକ କରୋନା ଭୂତାଣୁର ସମୁହ ସଂକ୍ରମଣ ରୋକିବାକୁ ସରକାର ପଦକ୍ଷେପ ନେଉଥିବାବେଳେ ରାସ୍ତା ଉପରେ ଦାଦନ ଶ୍ରମିକଙ୍କ ଏଭଳି ଭିଡ ସବୁ ପ୍ରତିଶେଧକ ପ୍ରକ୍ରିୟାକୁ ଭଣ୍ଡୁର କରିଦେବ ।