କନକ ବ୍ୟୁରୋ : ବାଂଲାଦେଶକୁ ମାତ୍ ଦେଇ ବିଶ୍ୱକପ ସେମିଫାଇନାଲ ଟିକେଟ ହାତେଇଛି ବିରାଟ ବାହିନୀ । ବାଂଲାଦେଶକୁ ୨୮ ରନରେ ମାତ୍ ଦେଇ ଅଷ୍ଟ୍ରେଲିଆ ପରେ ଦ୍ୱିତୀୟ ଦଳ ଭାବେ ସେମିଫାଇନାଲରେ ପ୍ରବେଶ କରିଛି ଟିମ୍ ଇଣ୍ଡିଆ । ଆଉ ଏହାସହ ବିଶ୍ୱକପ ଟ୍ରଫି ଠାରୁ ୨ ପାଦ ଦୂରରେ ରହିଛି କୋହଲି ଆଣ୍ଡ କୋ । ବାଂଲାଦେଶ ବିପକ୍ଷରେ ବିଜୟ ହାସଲ ସହ ପଏଣ୍ଟ ଟେବୁଲର ଦ୍ୱିତୀୟ ସ୍ଥାନ ବଜାୟ ରଖିଛି ଭାରତ । ଆଉ ଏହାସହ ବାଂଲାଦେଶର ସେମିଫାଇନାଲ ଖେଳିବା ଆଶା ମଧ୍ୟ ମଉଳିଛି ।
Kanak News is now on WhatsApp
Join and get latest news updates delivered to you via WhatsApp
ଏହାପୂର୍ବରୁ ଟସ୍ ଜିତି ପ୍ରଥମେ ବ୍ୟାଟିଂ କରିଥିବା ବିରାଟ ବାହିନୀ ଦମଦାର ବ୍ୟାଟିଂ ବଳରେ ୩୧୪ ରନ୍ କରିବାକୁ ସକ୍ଷମ ହୋଇଥିଲା । ଦୁଇ ପ୍ରାରମ୍ଭିକ ବ୍ୟାଟସମ୍ୟାନ୍ କେଏଲ ରାହୁଲ ଓ ରୋହିତ ଶର୍ମାଙ୍କ ଧୂଆଁଧାର ବ୍ୟାଟିଂ ବଳରେ ଭାରତ ଜବରଦସ୍ତ ଆରମ୍ଭ କରିଥିଲା । ଆଉ ଏହା ଭିତରେ ରୋହିତ ବିଶ୍ୱକପରେ ଚତୁର୍ଥ ଶତକ ହାସଲ କରିଥିବା ବେଳେ ରାହୁଲ ମଧ୍ୟ ଅର୍ଦ୍ଧଶତକ ହାସଲ କରିଥିଲେ । ତେବେ ମଧ୍ୟକ୍ରମ ବ୍ୟାଟସମ୍ୟାନଙ୍କ ବିଫଳତା ଯୋଗୁଁ ବଡ ସ୍କୋର କରିବାରେ ବିଫଳ ହୋଇଥିଲା ଟିମ୍ ଇଣ୍ଡିଆ । ବାଂଲାଦେଶ ପକ୍ଷରୁ ମୁସ୍ତାଫିଜୁର ରେହମାନ୍ ୫ଟି ୱିକେଟ ନେଇ ଭାରତର ବଡ ସ୍କୋରରେ ବ୍ରେକ ଲଗାଇଥିଲେ ।
୩୧୫ ରନର ବିଜୟ ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇଥିବା ବାଂଲାଦେଶ ଟିମ୍ ମାତ୍ର ୨୮୬ ରନରେ ଅଲଆଉଟ ହୋଇଥିଲା ପୂରା ଟିମ୍ । ୪ଟି ୱିକେଟ୍ ନେବା ସହ ବାଂଲାଦେଶ ଶିବିରରେ ଛନକା ସୃଷ୍ଟି କରିଥିଲେ ଯଶପ୍ରୀତ ବୁମରାହ । ଶେଷ ଆଡକୁ ବାଂଲାଦେଶର ମହମ୍ମଦ ସେଫଉଦ୍ଦିନ ବିଜୟ ପାଇଁ ଜୋରଦାର ପ୍ରୟାସ କରିଥିଲେ ମଧ୍ୟ ଏଥିରେ ବିଫଳ ହୋଇଥିଲେ । ଆଉ ଶେଷରେ ୨୮ ରନର ରୋମାଞ୍ଚକର ବିଜୟ ହାସଲ କରି ସେମିଫାଇନାଲ ଟିକେଟ ହାତେଇଛି ମେନ୍ ଇନ୍ ବ୍ଲୁ ।