ସାର୍କ ସମ୍ମିଳନୀକୁ ଯିବେନି ପ୍ରଧାନମନ୍ତ୍ରୀ । ପାକ୍ ନିମନ୍ତ୍ରଣଙ୍କୁ ପ୍ରତ୍ୟାଖ୍ୟାନ କଲା ଭାରତ
୨୦୧୬ରେ ପାକିସ୍ତାନରେ ଆୟୋଜନ ଯୋଗୁଁ ବାତିଲ ହୋଇଥିଲା ସମିଟ
କନକ ବ୍ୟୁରୋ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପାକିସ୍ତାନର ନିମନ୍ତ୍ରଣକୁ ପ୍ରତ୍ୟାକ୍ଷାନ କଲା ଭାରତ । ଇସାଲାମାବାଦରେ ହେବାକୁ ଥିବା ସାର୍କ ସମ୍ମିଳନୀ ପାଇଁ ପ୍ରଧାନମନ୍ତ୍ରୀଙ୍କୁ ପାକିସ୍ତାନ ନିମନ୍ତ୍ରଣ କରିବାକୁ ଇଚ୍ଚା ପ୍ରକାଶ କରିଥିଲା । ପାକିସ୍ତାନ ବୈଦେଶି ମନ୍ତ୍ରାଳୟ କହିବା ଆଧାରରେ ଡନ୍ ଖବରକାଗଜରରେ ଏହି ରିପୋର୍ଟ ପ୍ରକାଶ ପାଇଥିଲା । ତେବେ ଏହି ନିମନ୍ତ୍ରଣକୁ ଭାରତ ପକ୍ଷରୁ ପ୍ରତ୍ୟାକ୍ଷାନ କରାଯାଇଥିବା ସୂଚନା ମିଳିଛି । ପାକ୍ ବିଦେଶ ମନ୍ତ୍ରାଳୟର ମୁଖପାତ୍ର ମୋହମ୍ମଦ ଫୈଜଲଙ୍କ ବୟାନକୁ ଆଧାର କରି ଡନରେ ଖବର ପ୍ରକାଶ ପାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଯେଉଁଥିରେ ସାର୍କ ସମ୍ମିଳନୀରେ ଯୋଗ ଦେବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଇସଲାମାବାଦ ଆସିବାକୁ ନିମନ୍ତ୍ରଣ କରାଯିବ ବୋଲି ମୋହମ୍ମଦ ଫୈଜଲ କହିଥିଲେ । ୨୦୧୬ରେ ଜମ୍ମୁକଶ୍ମୀର ଉରି ସ୍ଥିତ ସେନା କାର୍ଯ୍ୟାଳୟ ଉପରେ ଆକ୍ରମଣ ପରେ ପାକିସ୍ତାନରେ ହେବାକୁ ଥିବା ସାର୍କ ସମ୍ମିଳନୀକୁ ଭାରତ ସମେତ ଅନ୍ୟାନ୍ୟ ରାଷ୍ଟ୍ର ବାସନ୍ଦ କରିଥିଲେ । ଫଳରେ ଏହା ବାତିଲ ହୋଇଥିଲା । ପୁଣିଥରେ ପାକିସ୍ତାନ ଏହି ସମ୍ମିଳନୀ ଅୟୋଜନ କରିବାକୁ ଯାଉଛି ।
ଏହି ଅବସରରେ ପାକିସ୍ତାନ ବୈଦେଶିକ ମନ୍ତ୍ରାଳୟ ମୁଖପାତ୍ର ମହମ୍ମଦ ଫୈଜଲ କହିଛନ୍ତି ଯେ, ଭାରତ ସହ ଦ୍ୱିପାକ୍ଷିକ ସମ୍ପର୍କରେ ଉନ୍ନତି ଆଣିବାକୁ ଇସଲାମାବାଦ ତତ୍ପର । କାରଣ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ୍ ତାଙ୍କର ପ୍ରଥମ ବାର୍ତାରେ କହିଛନ୍ତି ଦ୍ୱିପାକ୍ଷିକ ସମ୍ପର୍କରେ ଉନ୍ନତି ଲାଗି ଯଦି ଭାରତ ଗୋଟିଏ ପାଦ ଆଗକୁ ଆସେ ତେବେ ପାକିସ୍ତାନ ଦୁଇ ପାଦ ଆଗକୁ ଯିବ ।