ସୁଧୁରୁନି ଚୀନ ! ପୋଙ୍ଗାଙ୍ଗ ହ୍ରଦ ଅଞ୍ଚଳରେ ୬ କିଲୋମିଟର ପର୍ଯ୍ୟନ୍ତ ଭାରତୀୟ ସୀମା ଭିତରେ ପଶି ଆସିଲା ଡ୍ରାଗନବାହିନୀ

2

ସୁଧୁରୁନି ଚୀନ । ବାରମ୍ବାର ଚୀନ ଭାରତୀୟ ସୀମା ଭିତରକୁ ଅନୁପ୍ରବେଶ କରିବା ଦ୍ୱାରା ଉତ୍ତେଜନା ପରିସ୍ଥିତି ଦେଖାଦେଇଛି । କିଛି ଦିନ ପୂର୍ବେ ଅରୁଣାଚଳ ପ୍ରଦେଶର ଅସଫିଳା କ୍ଷେତ୍ରରେ ଡ଼୍ରାଗନ ବାହିନୀ ଅନୁପ୍ରବେଶ କରିଥିବା ବେଳେ ଚୀନର ଆଉ ଏକ ଚାଲ ସାମ୍ନାକୁ ଆସିଛି । ଏକ ରିପୋର୍ଟ ଅନୁଯାୟୀ, ଲଦାଖର ପୋଙ୍ଗଅଙ୍ଗ ହ୍ରଦ ପାଶ୍ୱବର୍ତ୍ତୀ ଅଞ୍ଚଳରେ ଭାରତୀୟ ସୀମାର ୬ କିଲୋମିଟର ଭିତରକୁ ପଶି ଆସିଥିଲା । ଆଇଟିବିପି ଗୃହ ମନ୍ତ୍ରାଳୟକୁ ଦେଇଥିବା ରିପୋର୍ଟରେ ଏଭଳି ଖୁଲାସା ହୋଇଛି । ଯେଉଁଥିରେ ଚୀନ ସେନାର ଅନୁପ୍ରବେଶର ପୂରା ତଥ୍ୟ ରହିଛି ।

ଆଇଟିବିପି ଦେଇଥିବା ରିପୋର୍ଟ ଅନୁଯାୟୀ, ଲଦାଖ ସେକ୍ଟରରେ ଚଳିତ ବର୍ଷ ମାର୍ଚ୍ଚ ମାସରେ ଚୀନ ସବୁଠାରୁ ଅଧିକ ଥର ଅନୁପ୍ରବେଶ କରିଛି । ଗତ ଏଳମାସ ମଧ୍ୟରେ ଚୀନ ୨୦ ଥର ଭାରତ ସୀମାରେ ଅନୁପ୍ରବେଶ କରିଛି । ଆଇଟିବିପି ଦେଇଥିବା ରିପୋର୍ଟ ଅନୁଯାୟୀ, ପୋଙ୍ଗଙ୍ଗ ହ୍ରଦର ପାଶ୍ୱବର୍ତ୍ତୀ ଅଞ୍ଚଳରେ ୨୮ ଫେବୃଆରୀ, ୭ ମାର୍ଚ୍ଚ ଓ ୧୨ ମାର୍ଚ୍ଚରେ ଚୀନ ସୈନିକ ମାନେ ବାରମ୍ବାର ଅନୁପ୍ରବେଶ କରିଛନ୍ତି । ଏପରିକି ଏହି ସମୟରେ ଡ୍ରାଗନ ବାହିନୀ ଭାରତୀୟ ସୀମାର ୬ କିଲୋମିଟର ପର୍ଯ୍ୟନ୍ତ ଭିତରକୁ ଆସିଥିଲେ ।

ପୂର୍ବରୁ ପୋଙ୍ଗଙ୍ଗ ଅଞ୍ଚଳକୁ ନେଇ ଚର୍ଚ୍ଚା ହୋଇଥିଲା ଯେତେବେଳେ ଗତ ଅଗଷ୍ଟ ମାସରେ ଚୀନ ସୈନିକ ଏହି ଅଞ୍ଚଳରେ ଭାରତୀୟ ସେନା ଉପରକୁ ପଥର ପକାଇଥିଲେ । ତେବେ ବାରମ୍ବାର ଚୀନ ଭାରତୀୟ ସୀମା ଭିତରକୁ ଅନୁପ୍ରବେଶ କରି ଉତ୍ତେଜନା ମୂଳକ ପରିସ୍ଥିତି ସୃଷ୍ଟି କରୁଛି । ବାରମ୍ବାର ଚୀନ ଅନୁପ୍ରବେଶ କରୁଥିବାରୁ ଅରୁଣାଚଳ ଅସଫିଳା କ୍ଷେତ୍ରରେ ଭାରତୀୟ ସେନା ପେଟ୍ରୋଲିଂ ବଢାଇ ଦେଇଛି । ଯାହାକୁ ନେଇ ଚୀନ ଆପତ୍ତି କରୁଛି । ଡୋକଲାମ ଭଳି ଏହି ଅଞ୍ଚଳକୁ ମଧ୍ୟ ଚୀନ ନିଜର ବୋଲି ଦାବି କରୁଛି ।

Comments are closed.