ଦିନକୁ ଦିନ ମଣିଷ ହିଂସ୍ର ହେବାରେ ଲାଗୁଛି । ପରିବାର ମଧ୍ୟରେ ସାମନ୍ୟ ଘଟଣାରେ ମଣିଷ ବେଳେବେଳେ ଏପରି କାଣ୍ଡ କରୁଛି ଯାହାକି ଏକ ଜଘନ୍ୟ ଅପରାଧରେ ପରିଣତ ହୋଇଛି । ତେବେ ମିଳିଥିବା ସୂଚନା ଅନୁସାରେ ଏକ ଅଭାବନୀୟ ଘଟଣାକ୍ରମରେ ଉତ୍ତର ପ୍ରଦେଶରେ ଜଣେ ମହିଳା ନିଜ ୪ ଶିଶୁଙ୍କ ସହ ନିଜକୁ ଜାଳି ଦେଇଛନ୍ତି। ୟୁପିର ହମିରପୁର ଜିଲ୍ଲା ଅନ୍ତର୍ଗତ ଅମବାଗ ଗ୍ରାମରେ ଏହି ଘଟଣା ଘଟିଛି। ସ୍ବାମୀଙ୍କ ସହ ଝଗଡ଼ା ପରେ ମହିଳ ଜଣକ ନିଜର ୪ ଜଣ ପିଲାଙ୍କ ଗୋଡ଼ ବାନ୍ଧି ସେମାନଙ୍କ ଉପରେ କିରାସିନି ଢାଳି ଜିଅଁନ୍ତା ଜାଳି ଦେବା ସହ ନିଜକୁ ମଧ୍ୟ ଜାଳି ଦେଇଥିଲେ।
Kanak News is now on WhatsApp
Join and get latest news updates delivered to you via WhatsApp
ଏଥିରେ ମହିଳାଙ୍କ ସମେତ ୩ ପିଲାଙ୍କର ମୃତ୍ୟୁ ଘଟିଛି ଏବଂ ଅନ୍ୟ ଜଣେ ଏବେ ଜୀବନ ସହ ସଂଘର୍ଷ କରୁଛି। ଏସପି ହେମରାଜ ମୀନାଙ୍କ କହିବାନୁଯାୟୀ ୨୮ ବର୍ଷୀୟା ପ୍ରେମବତୀଙ୍କର ତାଙ୍କ ସ୍ବାମୀଙ୍କ ସହ କୌଣସି କାରଣ ପାଇଁ ପାଟିତୁଣ୍ଡ ହୋଇଥିଲା। ଏହାପରେ ସେ ନିଜର ୪ ସନ୍ତାନ ସପ୍ନା, ପ୍ରଶାନ୍ତ, ସ୍ନେହା ଏବଂ ଦିବ୍ୟାଂଶଙ୍କ ହାତ ଗୋଡ଼ ବାନ୍ଧି ସେମାନଙ୍କ ଉପରେ କିରାସିନି ଢାଳି ନିଆଁ ଲଗାଇ ଦେଇଥିଲେ। ସମସ୍ତ ପିଲାଙ୍କ ବୟସ ୧ରୁ ୭ ବର୍ଷ ମଧ୍ୟରେ। ଘଟଣାସ୍ଥଳରେ ହିଁ ୩ ଜଣଙ୍କ ମୃତ୍ୟୁ ଘଟିଥିବା ବେଳେ ଏବେ ୫ ବର୍ଷର ପ୍ରଶାନ୍ତ ଜୀବନ ସହ ସଂଘର୍ଷ କରୁଛି।