ଚୀନ ପରେ ଭାରତକୁ ମିଳିପାରେ ଏସ-୪୦୦ ଆଂଟି ଡିଫେନ୍ସ ମିସାଇଲ : ଶତ୍ରୁପକ୍ଷର କ୍ଷେପଣାସ୍ତ୍ରକୁ ୪୦୦ କିଲୋମିଟର ଦୂରରୁ ଅକାମି କରିବାର ରହିଛି କ୍ଷମତା
କନକ ବ୍ୟୁରୋ : ଚୀନ ପରେ ଭାରତୀୟ ସେନାକୁ ମିଳିବ ଏସ-୪୦୦ ମିଶାଇଲ । ଯାହା ଶତ୍ରୁ ଦେଶ କରିବ କଡା ମୁକାବିଲା । ଶତ୍ରୁ ଦେଶର ମିଶାଇଲକୁ ମାତ୍ ଦେବ ଏହି ଏସ ୪୦୦ ମିଶାଇଲ । ସୂଚନା ଅନୁଯାୟୀ ଆସନ୍ତା ୪ ଅକ୍ଟୋବରରେ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ ୨ ଦିବସୀୟ ଭାରତ ଗସ୍ତରେ ଆସୁଛନ୍ତି । ନୂଆଦିଲ୍ଲୀଠାରେ ହେବାକୁ ଥିବା ବାର୍ଷିକ ଭାରତ-ଋଷ ଶିଖର ସମ୍ମିଳନୀରେ ଯୋଗ ଦେବେ ପୁଟିନ । ତେବେ ଏହି ଅବସରରେ ଭାରତ ଋଷ ସହ ଏସ-୪୦୦ ମିଶାଇଲ ଉପରେ ଶେଷ ମୋହର ଲଗାଇପାରେ ।
Kanak News is now on WhatsApp
Join and get latest news updates delivered to you via WhatsApp
ଦୁଇ ଦେଶ ମଧ୍ୟରେ ୪୦ ହଜାର କୋଟି ଟଙ୍କାର ଚୁକ୍ତିକୁ ନେଇ ପାଖାପାଖି ଆଲୋଚନା ଶେଷ ପର୍ଯ୍ୟାୟରେ ପହଂଚିଛି । ସୁପରସୋନିକ୍ ଓ ହାଇପରସୋନିକ୍ ବେଗଯୁକ୍ତ ଏହି ସିଷ୍ଟମ୍ ଭୂପୃଷ୍ଠରୁ ଆକାଶକୁ ନିକ୍ଷେପ କରିପାରୁଥିବା ସବୁଠୁ ଆଧୁନିକ ମିସାଇଲ ବ୍ୟବସ୍ଥା ବୋଲି କୁହାଯାଏ । ଦୁଇ ପଡ଼ୋଶୀ ପାକିସ୍ତାନ ଓ ଚୀନର ମୁକାବିଲା ଓ ଆତଙ୍କବାଦ ବିରୋଧୀ ଅଭିଯାନ ପରି ବିଭିନ୍ନ କାରଣରୁ ଏହା ଭାରତ ପାଇଁ ଉପଯୋଗୀ ହେବ । ରୁଷ୍ ନିର୍ମିତ ଏସ୍-୪୦୦ ଆଂଟି ମିସାଇଲ୍ ସିଷ୍ଟମର ଅନେକ ବୈଶିଷ୍ଟ୍ୟ ରହିଛି । ଯୁଦ୍ଧ ବେଳେ ଏହାକୁ ଯେକୌଣସି ଜନବହୁଳ ସହରରେ ମୁତୟନ କରାଯାଇ ଶତ୍ରୁ ପକ୍ଷର ମିସାଇଲକୁ ଅକାମୀ କରିହେବ । ପାକିସ୍ତାନ ଗର୍ବ କରୁଥିବା ପରମାଣୁଯୁକ୍ତ ହାଫ୍ ୯ କ୍ଷେପଣାସ୍ତ୍ରକୁ ଜବାବ୍ ଦେବାରେ ଏସ୍-୪୦୦ ସିଷ୍ଟମ୍ ସକ୍ଷମ । ଶତ୍ରୁପକ୍ଷର ମିସାଇଲ, ଲଢ଼ୁଆ ବିମାନ୍ ଓ ଡ୍ରୋନକୁ ଏହା ଠାବ କରିବା ସହ ଧ୍ୱଂସ ମଧ୍ୟ କରିପାରିବ । ୧୦୦ରୁ ୩୦୦ଟି ରାଡାରକୁ ଚିହ୍ନଟ କରିବାରେ ଏହା ସକ୍ଷମ । ୪୦୦ କିଲୋମିଟର୍ ଦୂରତାଯାଏଁ ରୁଷର ଏହି ଏସ୍-୪୦୦ ସିଷ୍ଟମ୍ ଯେକୌଣସି କ୍ଷେପଣାସ୍ତ୍ରକୁ ଅକାମୀ କରିପାରିବ ।