ଦେଶ ପାଇଁ ସହିଦ ହେଲା ପୁଅ : କୋହକୁ ଚାପି ଧରି ଭାରତୀୟ ସେନା ପାଇଁ ପାଣ୍ଠି ଯୋଗାଡ଼ କରିବାରେ ଜୀବନ ବିତାଉଛନ୍ତି ବୀରପୁତ୍ରର ସାହସୀ ମା’
ଦେଶ ପାଇଁ ଜୀବନ ଦେବା କେତେ ଜଣଙ୍କର ଭାଗ୍ୟରେ ଜୁଟେ । ଦେଶ ପାଇଁ ପ୍ରାଣବଳୀ ଦେବା ସମସ୍ତଙ୍କ ଭାଗ୍ୟରେ ଜୁଟେନି । ଯିଏ ଦେଶ ପାଇଁ ଜାତି ପାଇଁ ତଥା ଦେଶର ସୁରକ୍ଷା ପାଇଁ ଜୀବନ ଦେଉଛି ତାକୁ ସଲାମ୍ । ଦେଶବାସୀଙ୍କୁ ସୁରକ୍ଷା ଦେବା ପାଇଁ ଭାରତୀୟ ଯବାନମାନେ ପ୍ରାଣବଳୀ ଦେଉଛନ୍ତି । ଆଉ ତାଙ୍କ ପାଇଁ ହିଁ ଆମେ ଶାନ୍ତିରେ ଶୋଇପାରୁଛୁ । ବହୁ ସମୟରେ ଭାରତୀୟ ଯବାନମାନେ ଏମିତି କାମ କରି ଦେଖାଇଛନ୍ତି ଯେଉଁଥିପାଇଁ ମା ମାଟି ତାଙ୍କ ପାଇଁ ଗର୍ବ କରେ । ତେବେ କେବଳ ବୀର ଯବାନମାନେ ନୁହେଁ ତାଙ୍କ ମା’ ମାନେ ମଧ୍ୟ ଏକ୍ଷେତ୍ରରେ କମ ନୁହେଁନ୍ତି । ଯେଉଁ ମା’ ମାନେ ଦେଶର ସୁରକ୍ଷା ପାଇଁ ହସି ହସି ପୁଅଙ୍କୁ ଯୁଦ୍ଧ ପାଇଁ ପଠାନ୍ତି ତାଙ୍କୁ କୋଟି କୋଟି ପ୍ରଣାମ । ଏପରି ଜଣେ ବୀରପୁତ୍ରର ସାହସୀ ମା’ ହେଲେ ଭୋପାଲ ଶାହାପୁରାର ନିର୍ମଳା ଶର୍ମା ।
Kanak News is now on WhatsApp
Join and get latest news updates delivered to you via WhatsApp
ଆଜି ଠାରୁ ୨୪ ବର୍ଷ ପୂର୍ବରୁ ୧୦ ଡିସେମ୍ବର ୧୯୯୪ରେ ଆତଙ୍କବାସୀଙ୍କ ସହ ଲଢ଼ି ପ୍ରାଣବଳୀ ଦେଇଥିଲେ ନିର୍ମଳା ଶର୍ମାଙ୍କ ପୁଅ । ଦେଶ ପାଇଁ ଜୀବନ ଦେଇ ସହିଦ ହେବାପରେ କୋହକୁ ଚାପି ଧରିଥିଲେ ସତ ହାର ମାନିନଥିଲେ ନିର୍ମଳା । ବରଂ ଭାରତୀୟ ସେନା ପାଇଁ ଏବେ ସେ ରାଶି ଜମା କରୁଛନ୍ତି । ନିର୍ମଳାଙ୍କ ପୁଅ ଦେବାଶୀଷ ଭାରତୀୟ ସେନାରେ କ୍ୟାପଟେନ୍ ଥିିଲେ । ୧୦ ଡିସେମ୍ବର ୧୯୯୪ରେ ଏକ ଅପରେସନ ସମୟରେ ସେ ବୀରଗତିକୁ ପ୍ରାପ୍ତ ହୋଇଥିଲେ । ପୁଅ ଶହୀଦ ହେବା ପରେ ନିର୍ମଳା ନିଷ୍ପତ୍ତି ନେଇଥିଲେ ତାଙ୍କ ପୁଅ ଦୁନିଆରେ ନରହିଲେ ମଧ୍ୟ ତାଙ୍କ ସ୍ମୁତିରେ ଭାରତୀୟ ସେନା ସହ ଯୋଡ଼ି ହୋଇ ରହିବେ । ଆଉ ଏଥିପାଇଁ ସେ ମାଟିର କଳାକୃତ୍ତି ଓ ମାଟିର ବାସନ ତିଆରି କରିବାର କଳା ଶିଖିଥିଲେ ।
ନିର୍ମଳା ୨୦୦୭ରୁ ସହିଦ ପୁଅ ସ୍ମୃତିରେ ମାଟିର ବାସନ ଓ କଳାକୃତି ତିଆରି କରି ପ୍ରଦର୍ଶନୀ ଲଗାଉଥିଲେ । ଆଉ ସେଥିରୁ ରୋଜଗାର ହେଉଥିବା ସମସ୍ତ ଟଙ୍କାକୁ ସେନା ପାଣ୍ଟଣ୍ଠିରେ ଜମା କରୁଥିଲେ । ୨୦୦୬ରେ ତାଙ୍କ ସ୍ୱାମୀଙ୍କର ମୃତ୍ୟୁ ହୋଇଥିଲା । ଆଉ ତା’ ପରଠାରୁ ସେ ଏହି କାମ ଆରମ୍ଭ କରିଥିଲେ । ସେ ଭାରତୀୟ ସେନା କରିଥିବା ସର୍ଜିକାଲ ଷ୍ଟାଇକକୁ ପ୍ରଶଂସା କରିବା ସହ ଆଉ ଏକ ସର୍ଜିକାଲ ଷ୍ଟାଇକ୍ ହେଉ ବୋଲି ଇଚ୍ଛା ଜାରିର କରିଛନ୍ତି । ଯଦ୍ୱାରା ଶତ୍ରୁ ଦେଶ ମୁଣ୍ଡ ଟେକି ଭାରତକୁ ଚାହି ପାରିବ ନାହିଁ । ନିର୍ମଳା ଏବେ ପର୍ଯ୍ୟନ୍ତ ଭାରତ ସମେତ ଅନେକ ସହରର ପ୍ରଦର୍ଶନୀ ଲଗାଇ ସାରିଛନ୍ତି । ଆଉ ସେଥିରୁ ମିଳୁଥିବା ଟଙ୍କାକୁ ସେନା ପାଣ୍ଠି ପାଇଁ ଦାନ କରୁଛନ୍ତି ।