ଦେଶରେ ବଢୁଛି ଆୟକରଦାତାଙ୍କ ସଂଖ୍ୟା : ୪ ବର୍ଷରେ ବଢ଼ିଲାଣି ୮୦ ପ୍ରତିଶତ, ତାଲିକାରେ ଅଧିକ ବେତନଭୋଗୀ
କନକ ବ୍ୟୁରୋ : ଆୟକର ବିଭାଗ ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ ଆୟକର ରିଟର୍ଣ୍ଣ ଦାଖଲକାରୀଙ୍କ ସଂଖ୍ୟା ବୃଦ୍ଧି ପାଉଛି । ଟ୍ୟାକ୍ସ ବେସ୍ ବୃଦ୍ଧି କରିବା ପରେ ଶେଷ ଚାରି ବର୍ଷରେ ଏହି ଆୟକର ରିଟର୍ଣ୍ଣ ଦାଖଲ କରୁଥିବା ଲୋକଙ୍କ ସଂଖ୍ୟା ୮୦ ପ୍ରତିଶତ ବୃଦ୍ଧି ପାଇଁ ୬ଦଶମିକ୍ ୯କୋଟିରେ ପହଁଚିଛି । ଏବଂ ଆୟକର ବିଭାଗର ସୂଚନା ଅନୁଯାୟୀ ଦେଶରେ ୬୮ ପ୍ରତିଶତ କୋଟିପତିଙ୍କ ସଂଖ୍ୟା ବୃଦ୍ଧି ପାଇଛି । ସେହିପରି ଆୟକରଦାତାଙ୍କ ତାଲିକାରେ ଦରମା ପାଉଥିବା ଲୋକଙ୍କ ସଂଖ୍ୟା ବଢ଼ିବାରେ ଲାଗିଛି । କିନ୍ତୁ ନିଜ ସୂତ୍ରରୁ ଆୟ କରୁଥିବା ଲୋକଙ୍କ ସଂଖ୍ୟା ବେତନଭୋଗୀଙ୍କ ତୁଳନାରେ ଟ୍ୟାକ୍ସ ପେୟର ତାଲିକାରେ ବୃଦ୍ଧି ପାଉନାହିଁ । ଯେତେବେଳେ କି ଆୟକରଦାତାଙ୍କ ତାଲିକାରେ ଡାକ୍ତର, ଆଇନଜୀବି, ଫେସନ ଡିଜାଇନରଙ୍କ ସଂଖ୍ୟା ସେଭଳି ବୃଦ୍ଧି ପାଉ ନାହି ।
Kanak News is now on WhatsApp
Join and get latest news updates delivered to you via WhatsApp
ତେବେ ସେମାନଙ୍କ ଆୟ ଉପରେ ନଜର ରଖାଯାଇଛି ଏବଂ ଆବଶ୍ୟକ ସ୍ଥଳେ ନୋଟିସ ମଧ୍ୟ କରାଯାଉଛି ବୋଲି କହିଛନ୍ତି ସିବିଡିଟି ଅଧିକାରୀ । ଏହି ତଥ୍ୟରୁ ସ୍ପଷ୍ଟ ଜଣାପଡୁଛି ଆୟକରଦାତାଙ୍କ ସଂଖ୍ୟା ବଢ଼ୁଛି । କିନ୍ତୁ ଏହା ବେତନଭୋଗୀ ମଧ୍ୟବିତଙ୍କ ଉପରେ ବୋଝ ହୋଇଛି । ମଧ୍ୟବିତ ବେତନଭୋଗୀଙ୍କ ଉପରେ ଅଧିକରୁ ଅଧିକ ଚାପ ବୃଦ୍ଧି କରୁଛି । ଅନ୍ୟପଟେ ଅବୈତନିକ ଲୋକମାନେ ସେମାନଙ୍କର ଆୟ ଘୋଷଣା କରିବାରେ ଆଗରେ ରହିଛନ୍ତି । ଶେଷ ୪ବର୍ଷରେ ୨୭ ପ୍ରତିଶତ୍ ନନ୍-ସାଲାରିଡ୍ ଲୋକମାନେ ସେମାନଙ୍କ ଆୟକୁ ଘୋଷଣା କରିଛନ୍ତି । ଯେତେବେଳେ କି ୧୯ ପ୍ରତିଶତ ବେତନଭୋଗୀ ସେମାନଙ୍କର ଆୟର ଘୋଷଣା କରିଛନ୍ତି ।