କନକ ବ୍ୟୁରୋ : ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନା ମାଧ୍ୟମରେ କଳା ଟଙ୍କାକୁ ଜନହିତ ପାଇଁ ଦାନ ଦେବାକୁ ଆହ୍ୱାନ ଦେଇଛି ଆୟକର ବିଭାଗ । ରାଜ୍ୟ ଆୟକର ବିଭାଗ ସାମ୍ବାଦିକ ସମ୍ମିଳନୀରେ ଆଜି ଏହି ଯୋଜନା ବିଷୟରେ ବିସ୍ତୃତ ବିବରଣୀ ଦେଇଛନ୍ତି ମୁଖ୍ୟ ଆୟକର ଆୟୁକ୍ତ ଶ୍ରୀ ବିଜୟ କୁମାର ମିଶ୍ର । ରାଜ୍ୟରେ ଯେଉଁ ମାନଙ୍କ ପାଖରେ କଳାଧନ ରହିଛି ସେମାନେ ଏହି ଯୋଜନା ମାଧ୍ୟମରେ କୌଣସି ବ୍ୟାଙ୍କରେ ଗରିବ କଲ୍ୟାଣ ଯୋଜନାରେ ଟଙ୍କା ଜମା ଦେଇପାରିବେ ।
Kanak News is now on WhatsApp
Join and get latest news updates delivered to you via WhatsApp
ଏହି ଯୋଜନାରେ ଟଙ୍କା ଜମା ଦେଲେ ୫୦ ପ୍ରତିଶତ ଟଙ୍କା ଟିକସ ଦେଇ ବାକି ୫୦ ପ୍ରତିଶତ ଟଙ୍କାକୁ ଧଳା କରିପାରିବେ । ଟିକସ ରାଶି ଛଡା ଆଉ ୨୫ ପ୍ରତିଶତ ଟଙ୍କା ବ୍ୟାଙ୍କରେ ଚାରି ବର୍ଷ ଯାଏଁ ଡିପୋଜିଟ ରହିବ । ଯାହାର ସୁଧ ଉକ୍ତ ଗ୍ରାହକକୁ ମିଳିବ ନାହିଁ । ଚାରି ବର୍ଷ ପରେ ଡିପୋଜିଟ ଥିବା ୨୫ ପ୍ରତିଶତ ରାଶି ଉଠେଇ ପାରିବେ ବୋଲି ଆଜିର ସାମ୍ବାଦିକ ସମ୍ମିଳନୀରେ ବିଭାଗ ପକ୍ଷରୁ କୁହାଯାଇଛି ।
ଏହା ସହ ଦେଖନ୍ତୁ ଏହି ଭିଡିଓ –