ବଢିଲା ଅମିତାଭଙ୍କ ଅଡୁଆ! ପାନାମା ପେପର୍ସ ମାମଲାରେ ଆୟକର ବିଭାଗର ସ୍କାନରରେ ବିଗ୍ ବି
ବଢିଲା ଅମିତାଭଙ୍କ ଅଡୁଆ । ବିଗ୍ ବିଙ୍କ ପିଛା ଛାଡ଼ୁନି ପାନାମା ବିବାଦ । ଏବେ ଏହି ମାମଲା ନେଇ ଆକ୍ରମଣାତ୍ମକ ଅଭିଯାନ କରିଛି ଆୟକର ବିଭାଗ । ଏ ସଂକ୍ରାନ୍ତରେ ଅଧିକ ତଥ୍ୟ ଯୋଗାଡ଼ କରିବାକୁ ଆୟକର ବିଭାଗ ଜଣେ ଉଚ୍ଚସ୍ତରୀୟ ଅଧିକାରୀଙ୍କୁ ବ୍ରିଟିଶ୍ ଭର୍ଜିନ୍ ଆଇଲାଣ୍ଡସକୁ ପଠାଇଛି । କାରିବିୟାନସ୍ଥିତ ବ୍ରିଟିଶ୍ ଭର୍ଜିନ ଆଇଲାଣ୍ଡସକୁ ଆୟକର ଟିକସର ସ୍ୱର୍ଗ ବୋଲି ଗଣାଯାଏ ।
Kanak News is now on WhatsApp
Join and get latest news updates delivered to you via WhatsApp
ତେବେ ଅମିତାଭଙ୍କ ବିରୋଧରେରେ ଆସିଥିବା ଅଭିଯୋଗରେ ପଦକ୍ଷେପ ନିଆଯାଉଛି ବୋଲି ପଚାରିବାରୁ ଜଣେ ଅଧିକାରୀ କହିଛନ୍ତି, ଶ୍ରୀ ବଚ୍ଚନ କହୁଛନ୍ତି ଯେ କାଗଜପତ୍ରରେ ଉଲ୍ଲେଖ କରାଯାଇଥିବା ଫାର୍ମଗୁଡ଼ିକର ସେ ମାଲିକ ନୁହନ୍ତି । ତେଣୁ ଆମେ ଖାଲି ତଦନ୍ତ କରିବୁ । ଆମକୁ ସୂଚନା ଖୋଜିବାକୁ ପଡ଼ିବ । ସେପଟେ କୌଣସି ଭୁଲ୍ କରିଥିବା କଥାକୁ ବଚ୍ଚନ ଅସ୍ୱୀକାର କରି କହିଛନ୍ତି, ଭାରତୀୟ ନିୟମ ଅନୁଯାୟୀ ତାଙ୍କର ଦରିଆପାରି ଅର୍ଥନୈତିକ କାରବାର ହୋଇଛି।
ପାନାମା ପେପର୍ସରେ ଅନେକ ଅଭିନେତା, ରାଜନେତା ଏବଂ ବ୍ୟବସାୟୀଙ୍କ ନାଁ ଉଠିଛି । ତେବେ ପ୍ରକାଶିତ ୩୩ ଜଣଙ୍କ ନାଁରେ ଆୟକର ବିଭାଗ ମକଦ୍ଦମା ଆରମ୍ଭ କରି ବାକି ଅନ୍ୟମାନଙ୍କ ବିଷୟରେ ତଦନ୍ତ କରୁଛି ।