ପିଏନବି ମହାଘୋଟାଲାରେ ଆଉ ୩ ବ୍ୟାଙ୍କ ଅଫିସର ଗିରଫ, ୪୬ ଫାଇଲ ଜବତ ! ମଡେଲଙ୍କ ସହ ଥିଲା ବ୍ୟବସାୟିକ ସମ୍ପର୍କ
କନକ ବ୍ୟୁରୋ : ପଂଜାବ ନ୍ୟାସନାଲ ବ୍ୟାଙ୍କର ମହାଦୁର୍ନୀତି ମାମଲାରେ ବ୍ୟାଙ୍କର ୩ ଜଣ ବଡ଼ ଅଧିକାରୀଙ୍କୁ ଗିରଫ କରିଛି ସିବିଆଇ । ଏହାସହ ବ୍ରେଡି ହାଉସ ବ୍ରାଂଚରୁ ୪୬ଟି ଫାଇଲ ସହ ୧୦ଟି କମ୍ପ୍ୟୁଟର ସିଜ ହୋଇଛି । ସିବିଆଇ ଏହି ଅଧିକାରୀଙ୍କୁ ଗିରଫ କରିବା ସହ ବହୁ ଗୁରୁତ୍ୱପୁର୍ଣ୍ଣ କାଗଜପତ୍ର ଯାଂଚ କରିଛି । ଫୋରେକ୍ସ ବିଭାଗର ଚିଫ ମ୍ୟାନେଜର ବେଚୁ ତିୱାରୀ, ଯଶୱନ୍ତ ଯୋଶୀ ଏବଂ ପ୍ରଫୁଲ୍ଲ ସାବଂତଙ୍କୁ ଗିରଫ କରିଛି ସିବିଆଇ । ଏହି ଘୋଟାଲାର ମାଷ୍ଟରମାଇଣ୍ଡ କୁହାଯାଉଥିବା ପୂର୍ବତନ ଡେପୁଟି ମ୍ୟାନେଜର ଗୋକୁଲ ସେଟ୍ଟିଙ୍କର ଖାସ୍ ଲୋକ ହେଉଛନ୍ତି ବେଚୁ ତିୱାରୀ । ଏହି ଗିରଫ ବ୍ୟକ୍ତି ମାନଙ୍କଠାରୁ ଏହି ମହା ଘୋଟାଲା ବିଷୟରେ ସବିଶେଷ ତଥ୍ୟ ମିଳିବ ବୋଲି ଆଶା କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ସେପେଟେ ପିଏନବି ଠକେଇ ମାମଲାରେ ସିବିଆଇ ତନାଘନା କରୁଥିବାବେଳେ ଏହି ମାମଲାକୁ ନେଇ ଚିଠି ଲେଖିଛନ୍ତି ନିରଭ ମୋଦି । ମାମଲାକୁ ସାର୍ବଜନୀନ କରି ପିଏନବି ଋଣ ଟଙ୍କା ଫେରି ପାଇବାର ସବୁ ବାଟ ବନ୍ଦ କରିଦେଇଛି ବୋଲି ଚିଠି ଜରିଆରେ ନିରଭ ମୋଦି ଜଣାଇଛନ୍ତି । ସେ ଲେଖିଛନ୍ତି ଯେ ଗଣମାଧ୍ୟମ ଏହି ଠକେଇକୁ ଯେତେ ବଡ଼ ବୋଲି ଦର୍ଶାଉଛି ବାସ୍ତବରେ ତାହା ସେତେ ବଡ଼ ନୁହେଁ । ବ୍ୟାଙ୍କ ପକ୍ଷରୁ ଯେଉଁ ପଦକ୍ଷେପ ଗ୍ରହଣ କରାଗଲା ତାହା ଆମ କମ୍ପାନୀ ଏବଂ ବ୍ରାଣ୍ଡର ଭାବମୁର୍ତ୍ତି ନଷ୍ଟ କରିଦେଇଛି । ଋଣ ଟଙ୍କା ଫେରାଇବା ପାଇଁ ପାଣ୍ଠି ଯୋଗାଡ଼ କରିବାର ଆମର ସବୁ କ୍ଷମତାକୁ ଏହା କମାଇଦେଇଛି ।
ତେବେ ଆପଣ ଜାଣି ଆଶ୍ଚର୍ଯ୍ୟ ହେବେ ପିଏନବି ମହାଦୁର୍ନୀତିର ଖଳନାୟକ ନିରବ ମୋଦିଙ୍କର ଅଛି ମଡେଲ କନେକ୍ସନ । ପ୍ରତିଷ୍ଠିତ ହୀରା ଗହଣା ବ୍ରାଣ୍ଡ ନିରବ ଡାଇମଣ୍ଡ ଜୁଏଲାରୀର ପ୍ରମୋସନ କରୁଥିଲେ ବଲିଉଡ ଓ ହଲିଉଡର ଅନେକ ହିରୋଇନ୍ । ମଡେଲମାନଙ୍କ ସହ ଏହି ଫ୍ରଡ ମାଷ୍ଟରର ଥିବା ବ୍ୟବସାୟୀକ ସଂପର୍କ । ମଡେଲଙ୍କ ବିଜ୍ଞାପନରେ ପ୍ରଭାବିତ କରି ଦେଶ ବିଦେଶରେ କାରବାର ବିସ୍ତାର କରିଥିଲା ନିରବ ମୋଦି ।