ଇମ୍ରାନଙ୍କ କାଶ୍ମୀର ପ୍ରେମ ! କହିଲେ ମୁଁ ନୋବେଲ ପାଇଁ ଯୋଗ୍ୟ ନୁହେଁ, ଯିଏ ସମସ୍ୟା ସମାଧାନ କରିବ ତାଙ୍କୁ ମିଳୁ ପୁରସ୍କାର
କନକ ବ୍ୟୁରୋ : ଅଭିନନ୍ଦନଙ୍କୁ ଫେରାଇବା ନେଇ ଗୋଟିଏ ପରେ ଗୋଟିଏ ଚାଲ କରୁଛି ପାକିସ୍ତାନ । ଶତ୍ରୁଦେଶ କେତେବେଳେ ଶାନ୍ତି ପ୍ରସ୍ତାବ ଦେଉଛି ତ, ଆଉ କେତେବେଳେ ଅସ୍ତ୍ରବିରତି ଉଲ୍ଲଂଘନ କରୁଛି । ଅଭିନନ୍ଦଙ୍କୁ ଫେରାଇବା ପରେ ଇମ୍ରାନ୍ ଖାନଙ୍କୁ ନୋବେଲ ଶାନ୍ତି ପୁରସ୍କାର ମିଳୁ ବୋଲି ପାକିସ୍ତାନ ଦାବି କରିଥିଲା । ତେବେ ଏନେଇ କୌଣସି ପ୍ରତିକ୍ରିୟା ପ୍ରକାଶ କରିନଥିଲେ ପାକ୍ ପ୍ରଧାନମନ୍ତ୍ରୀ ଇମ୍ରାନ ଖାନ୍ । ଏବେ ଇମ୍ରାନ୍ ଖାନ୍ ନୋବେଲ ପୁରସ୍କାରକୁ ନେଇ ପ୍ରତିକ୍ରିୟା ରଖିବା ସହ କାଶ୍ମୀର ପ୍ରେମ ଦେଖାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆଜି ଟ୍ୱିଟ୍ କରି ଇମ୍ରାନ୍ ଖାନ୍ କହିଛନ୍ତି ମୋତେ ନୋବେଲ ଶାନ୍ତି ପୁରସ୍କାର ଦରକାର ନାହିଁ । ମୁଁ ଏହି ପୁରସ୍କାର ପାଇଁ ଯୋଗ୍ୟ ନୁହେଁ । ଯିଏ କାଶ୍ମୀର ତଥା କାଶ୍ମୀର ଲୋକଙ୍କ ଇଚ୍ଛା ଅନୁସାରେ କାମ କରିବ ତାଙ୍କୁ ଦିଆଯାଉ ନୋବେଲ ଶାନ୍ତି ପୁରସ୍କାର । କାଶ୍ମୀର ସମସ୍ୟାର ସମାଧାନ ହେଲେ ସେହି ଅଂଚଳରେ ଶାନ୍ତି ଓ ବିକାଶ ଫେରିବ ।
I am not worthy of the Nobel Peace prize. The person worthy of this would be the one who solves the Kashmir dispute according to the wishes of the Kashmiri people and paves the way for peace & human development in the subcontinent.
— Imran Khan (@ImranKhanPTI) March 4, 2019
ସୂଚନାଯୋଗ୍ୟ ପୁଲୱାମା ଆତଙ୍କବାଦୀ ଆକ୍ରମଣରେ ୪୦ ଜଣ ଯବାନ ସହିଦ ହୋଇଥିଲେ । ଆଉ ଯବାନଙ୍କ ମୃତ୍ୟୁର ପ୍ରତିଶୋଧ ନେବାପାଇଁ ପାକିସ୍ତାନ ମାଟିରେ ପଶି ଏୟାରଷ୍ଟ୍ରାଇକ କରିଥିଲା ଭାରତ । ଏହି ଏୟାରଷ୍ଟ୍ରାଇକରେ ଭାରତୀୟ ବାୟୁସେନା ଜେଶର ଆତଙ୍କୀ ଶିବିରକୁ ଟାର୍ଗେଟ କରିଥିଲା । ଏହି ଏୟାରଷ୍ଟ୍ରାଇକ ପରେ ଭାରତୀୟ ବାୟୁସୀମାକୁ ପଶିଆସିଥିଲା ପାକ୍ ଆସିଥିଲା । ଆଉ ତାହାର ମୁକାବିଲ କରୁ କରୁ ଭାରତୀୟ ବାୟୁସେନାର ଏକ ବିମାନ ପାକିସ୍ତାନ ସୀମାରେ ଖସିପଡ଼ିଥିଲା । ଭାରତୀୟ ୱିଙ୍ଗ୍ କମାଣ୍ଡର ପାକ୍ ସେନା ହାତରେ ପଡ଼ିଯାଇଥିଲେ । ଆଉ ତା’ପରେ ଅନ୍ତର୍ଜାତୀୟ ଚାପ ପରେ ପାକିସ୍ତାନ ୱିଙ୍ଗ୍ କମାଣ୍ଡରଙ୍କୁ ଫେରାଇଥିଲା ।