ଚିଲିକା ଉପରେ ବିବାଦୀୟ ଉଡ଼ାଣ ପ୍ରସଙ୍ଗ : ଥାନାରେ ହାଜର ହେଲେ ଇମ୍ଫା ଅଧିକାରୀ, ଆସିବେ ନାହିଁ କି ବୈଜୟନ୍ତ ?
କନକ ବ୍ୟୁରୋ : ଚିଲିକା ଉପରେ ବେଆଇନ ଭାବେ ହେଲିକପ୍ଟର ଉଡାଇବା ମାମଲାରେ ପୁରୀ ସଦର ଥାନାରେ ହାଜର ହେଲେ ଇମ୍ଫା ଅଧିକାରୀ । ଇମ୍ପାର ଅଧିକାରୀଙ୍କୁ ପୁଲିସ ହେଲିକପ୍ଟର ଉଡାଣ ଓ ଏନେଇ ପୂର୍ବ ଅନୁମତି ସଂପର୍କରେ ପଚରାଉଚରା କରିବ । ତେବେ ପୂର୍ବତନ ସାଂସଦ ବୈଜୟନ୍ତ ପଣ୍ଡାଙ୍କ ହାଜିରା ନେଇ ଏବେ ବି ଅନିଶ୍ଚିତତା ଲାଗି ରହିଛି । ଏହା ସହିତ ବୈଜୟନ୍ତଙ୍କ ୨ଜଣ ବନ୍ଧୁଙ୍କୁ ମଧ୍ୟ ନୋଟିସ କରିଛି ପୋଲିସ । ସିଡିଏ ଅଭିଯୋଗ ଆଧାରରେ ପୋଲିସ ଡିଜିସିଏ ଠାରୁ ତଥ୍ୟ ମାଗିଥିଲା ଏବଂ ୧୫ତାରିଖ ସକାଳ ସାଢେ ୮ଟାରୁ ସାଢେ ଗୋଟାଏ ମଧ୍ୟରେ କେବଳ ବୈଜୟନ୍ତଙ୍କ ହେଲିକପ୍ଟରକୁ ଅନୁମତି ମିଳିଥିବା ଜଣାପଡିଥିଲା । ସେହି ଆଧାରରେ ଇମ୍ଫାର ହେଙ୍ଗର ବା ବିମାନ ପାର୍କିଂ ଏରିଆକୁ ସିଲ୍ କରାଯାଇଛି । ଚିଲିକାର କେତେ ଉଚ୍ଚରେ ହେଲିକପ୍ଟରଟି ଉଡୁଥିଲା ତାହା ବିମାନର ବ୍ଲାକ୍ ବକ୍ସରୁ ଜଣାପଡିବ । ତେଣୁ ଏନେଇ ଡିଜିସିଏ ଠାରୁ ତଥ୍ୟ ମଗାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଉଡାଣକୁ ନେଇ ବଢୁଥିବା ବିବାଦ ଭିତରେ ବୈଜୟନ୍ତ ପଣ୍ଡା ଟ୍ୱିଟ କରି ନିଜର ମତ ରଖିଛନ୍ତି । ପୂର୍ବତନ ସାଂସଦ ଟ୍ୱିଟ କରିଛନ୍ତି ପ୍ରଥମେ ସିପ୍ଲେନ ଉଡାଣର ଅଭିଯୋଗ ହେଲା । ପରେ ଏହା ହେଲିକପ୍ଟର ହୋଇଗଲା । ଗୋଟାଏ ୩୦ରେ ଉଡାଣର ଅଭିଯୋଗ ହୋଇଥିବା ବେଳେ ତାଙ୍କ ବିମାନ ଭୁବନେଶ୍ୱର ବିମାନ ବନ୍ଦରର ପାର୍କିଂରେ ଥିବା ନେଇ ସଫେଇ ରଖିଛନ୍ତି ବୈଜୟନ୍ତ । ଏମିତିକି ନିଜ ପକ୍ଷ ରଖିବାକୁ ଯାଇ ସେ କହିଛନ୍ତି ଯେ ହ୍ରଦ ନୋ ଫ୍ଲାଇଂ ଜୋନ ନୁହେଁ ।
(2/n)
*So now it flew “over” temples
*But wait, it was 3km away from temples & at prescribed altitude🙊
*Ok, some1 else later visited temple ruins & was rude
*But wait, he was satirical, & was in fact fact praising our ancient culture, & SC ruling on LGBTQ rights🙊
*So now…er🤔 https://t.co/klF89vptGL— Baijayant Jay Panda (@PandaJay) September 18, 2018
କେବଳ ଏତିକି ନୁହେଁ ଆଉ ଏକ ଟ୍ୱିଟ କରି ସେ କୋଣାର୍କ ଓ ଅଭିଜିତ ଆୟାରଙ୍କୁ ନେଇ ଉଠିଥିବା ବିବାଦ ଉପରେ ବି ମତ ରଖିଛନ୍ତି । ସେ ଟ୍ୱିଟ କରି କହିଛନ୍ତି ମନ୍ଦିର ଠାରୁ ୩ କିଲୋମିଟର ଦୂର ଉଡାଣ ଭରିଥିଲା ହେଲିକପ୍ଟର । ସେପଟେ ବିମାନ ଉଡିବା ଘଟଣାର ଡିଜିସିଏ ତଦନ୍ତ କରିବ ବୋଲି କହିଛନ୍ତି ଭୁବନେଶ୍ୱର ବିମାନ ବନ୍ଦର କତୃପକ୍ଷ । ଚିଲିକାରେ ବୈଜୟନ୍ତ ହେଲିକପ୍ଟର ଉଡିଥିଲା କି ନାହିଁ ବ୍ଲାକବକ୍ସ ତଦନ୍ତରୁ ଜଣାପଡିବ ।