ସ୍ମାର୍ଟଫୋନ୍ ଯୋଗୁଁ କିଶୋର ଜୀବନରେ ବଢ଼ୁଛି ଆତ୍ମହତ୍ୟା ପ୍ରବଣତା : ଅଧ୍ୟୟନ
ଦୈନନ୍ଦିନ ଜୀବନରେ ଖାଦ୍ୟ, ବସ୍ତ୍ର ଓ ବାସଗୃହ ନିହାତି ଜରୁରୀ । ତେବେ ବର୍ତ୍ତମାନ ସମୟରେ ଏହି ମୌଳିକ ଅବାଶ୍ୟକତା ସହ ଆଉ କିଛି ଯୋଗ ହୋଇଯାଇଛି । ଆମ ଜୀବନରେ ବର୍ତ୍ତମାନ ଇଂଟରନେଟ୍ ଓ ଡିଜିଟାଲ ଡିଭାଇସ ମଧ୍ୟ ଗୁରୁତ୍ୱ ବହନ କରୁଛି । ବିଜ୍ଞାନ ଓ ପ୍ରଯୁକ୍ତି ବିଦ୍ୟାର ଚାହିଦା ବଢିବା ଦ୍ୱାରା ସବୁ ସମ୍ଭବ ହୋଇପାରୁଛି । କିନ୍ତୁ ଏହା ଅପ୍ରାପ୍ତବୟସ୍କ ତଥା କିଶୋର ଜୀବନ ଉପରେ ଅନେକ ପ୍ରଭାବ ପକାଉଛି ।
Kanak News is now on WhatsApp
Join and get latest news updates delivered to you via WhatsApp
ୟୁଏସର ‘ସୋନ ଡିଏଗୋ ଷ୍ଟୋଟ ୟୁନିଭର୍ସିଟି’ର ଏକ ଅନୁଧ୍ୟାନରୁ ମିଳିଥିବା ତଥ୍ୟ ଅନୁସାରେ ବର୍ତ୍ତମାନର ଅପ୍ରାପ୍ତ ବୟସ୍କମାନେ ସ୍ମାର୍ଟଫୋନ ପାଇଁ ଜୀବନକୁ ବାଜି ଲଗାଉଛନ୍ତି । ଏହି ତଥ୍ୟକୁ ଆଧାରରେ ରଖି ଚେତାବନୀ ଦିଆଯାଇଛି ଯେ ସ୍ମାର୍ଟଫୋନ ଓ କମ୍ପ୍ୟୁଟର ଅତ୍ୟଧିକ ବ୍ୟବହାର ଯୋଗୁଁ ଅପ୍ରାପ୍ତ ବୟସ୍କମାନେ ବିଷାଦର ଶିକାର ହେଉଛନ୍ତି । ଯାହା ଫଳରେ ସେମାନେ ଆତ୍ମହତ୍ୟା କରିବା ପାଇଁ ଆଗେଇ ଆସୁଛନ୍ତି ।
ତେବେ ଏନେଇ ଗବେଷଣାକାରୀମାନେ ୫ ଲକ୍ଷ ଅପ୍ରାପ୍ତ ବୟସ୍କଙ୍କ ମତ ନେଇ ଅଧ୍ୟୟନ କରିଛନ୍ତି । ଏହି ଅଦ୍ୟୟନ ଅନୁସାରେ ସ୍ମାର୍ଟଫୋନ୍ ପାଇଁ କିଶୋର ଅପେକ୍ଷା କିଶୋରୀମାନେ ଅଧିକା ବିଷାଦଗ୍ରସ୍ତ ହେଉଛନ୍ତି । କେବଳ ଏତିକି ନୁହେଁ , ୨୦୧୦ରୁ ୨୦୧୫ବର୍ଷ ଭିତରେ କିଶୋରୀମାନଙ୍କ ମଦ୍ୟରେ ୬୫ ପ୍ରତିଶତ ଆତ୍ମହତ୍ୟା ପ୍ରବଣତା ବଢ଼ିଛି । ଆତ୍ମହତ୍ୟା ପାଇଁ ଯୋଜନା କରୁଥିବା ଅପ୍ରାପ୍ତ ବୟସ୍କଙ୍କ ମଧ୍ୟରେ କିଶୋରୀଙ୍କ ସଂଖ୍ୟା କିଛି ବର୍ଷ ଭିତରେ ୧୨ ପ୍ରତିଶତ ଅଧିକ ବଢିଛିି ।
ଏହାସହ ବିଶେଷଜ୍ଞମାନେ କହିଛନ୍ତି, ଗତ ୫ ବର୍ଷ ଭିତରେ କିଶୋରଜୀବନରେ ଅଧିକ ପରିବର୍ତ୍ତ ଆସିଛି । ଆଜିକାଲି କିଶୋରୀମାନେ ଅଧିକା ସମୟ ସ୍ମାର୍ଟ ଫୋନ ଏବଂ ଇଂଟରନେଟରେ ସମୟ ବିତାଉଛନ୍ତି । ଏହି ଡିଜିଟାଲ ଡିଭାଇସର ନକାରତ୍ମକ ପ୍ରଭାବ କାରଣରରୁ ହିଁ କିଶୋରୀମାନେ ମାନସିକ ବିସାଦ ରେ ଶିକାର ହେଉଛନ୍ତି । ଯାହାଫଳରେ କିଶୋରୀଜୀବନରେ ଆତ୍ମହତ୍ୟା ଅଧିକ କରୁଛନ୍ତି ।