ବ୍ୟାଟସମ୍ୟାନଙ୍କ ମୁଣ୍ଡରେ ପୁଣି ବାଜିଲା ବାଉନ୍ସର ! ପଡିଆ ମଝିରେ ଚିତ୍ ହୋଇ ପଡିଗଲେ ଏହି ଖେଳାଳୀ, ଷ୍ଟ୍ରେଚରରେ ଗଲେ ଡାକ୍ତରଖାନା

ବଲ ବାଜିବା କ୍ଷଣି ତଳେ ପଡି ଯାଇଥିଲେ ଇମାମ । ବଲଟି ଏତେ ଜୋରରେ ବାଜିଥିଲା ଯେ, ଇମାମ ଠିକରେ ଛିଡା ମଧ୍ୟ ହୋଇପାରୁନଥିଲେ । ତେଣୁ ତାଙ୍କୁ ଷ୍ଟ୍ରେଚରରେ ପଡିଆ ବାହାରକୁ ନିଆଯାଇଥିଲା

ଦେଶ ବିଦେଶ
By Sunil Bhuyan
345

କ୍ରିକେଟ ଖେଳରେ ବାଉନ୍ସର ବଲକୁ ନେଇ ପୁଣି ଚର୍ଚ୍ଚା ।ପୂର୍ବରୁ ବାଉନ୍ସର ବଲ ମୁଣ୍ଡରେ ବାଜିବା ଫଳରେ ଅଷ୍ଟ୍ରେଲିଆ ବ୍ୟାଟସମ୍ୟାନ ଫିଲିଫ୍ ହ୍ୟୁଗସଙ୍କର ମୃତ୍ୟୁ ହୋଇଥିଲା । ଏହି କଥା କ୍ରିକେଟ ପ୍ରେମୀଙ୍କ ମନରୁ ନ ଲିଭୁଣୁ ପୁଣିଥରେ ସେହିଭଳି ଏକ ଘଟଣା ଦେଖିବାକୁ ମିଳିଛି । ପାକିସ୍ତାନ ଓ ନ୍ୟୁଜିଲାଣ୍ଡ ମଧ୍ୟରେ ଖେଳାଯାଉଥିବା ଦ୍ୱିତୀୟ ଦିନିକିଆ ମ୍ୟାଚରେ ଏଭଳି ଅଘଟଣ ଦେଖିବାକୁ ମିଳିଛି । ଯେଉଁଥିପାଇଁ ପାକିସ୍ତାନ ବ୍ୟାଟସମ୍ୟାନଙ୍କୁ ଅଧାରୁ ପଡିଆ ଛାଡିବାକୁ ପଡିଥିଲା ।

ପାକିସ୍ତାନ ପାଳିର  ୧୩ ତମ ଓଭରରେ ଏଭଳି ଅଘଟଣ ଦେଖିବାକୁ ମିଳିଥିଲା ।  ୨୧୦ ରନର ଟାର୍ଗେଟକୁ ପିଛା କରୁଥିବା ପାକିସ୍ତାନ ୧୨ ତମ ଓଭର ଶେଷ ସୁଦ୍ଧା ୫୪ ରନ ସଂଗ୍ରହ କରି ନେଇଥିଲା । ତେବେ ୧୩ ତମ ଓଭର ନେଇ ଆସିଥିବା ନ୍ୟୁଜିଲାଣ୍ଡ ବୋଲର ଲୋସକେଇ ଫରଗ୍ୟୁସନ ବୋଲିଂ କରୁଥିବା ବେଳେ ଷ୍ଟ୍ରାଇକରେ ଥିଲେ ଇମାମ ଉଲ ହକ୍ । କିନ୍ତୁ ଲୋସକେଇଙ୍କ ବାଉନ୍ସର ବଲକୁ ବୁଝି ପାରିନଥିଲେ ଇମାମ । ବଲ ସିଧା ଯାଇ ଇମାମଙ୍କ ହେଲମେଟରେ ବାଜିଥିଲା ।


ବଲ ବାଜିବା କ୍ଷଣି ତଳେ ପଡି ଯାଇଥିଲେ ଇମାମ । ବଲଟି ଏତେ ଜୋରରେ ବାଜିଥିଲା ଯେ, ଇମାମ ଠିକରେ ଛିଡା ମଧ୍ୟ ହୋଇପାରୁନଥିଲେ । ତେଣୁ ତାଙ୍କୁ ଷ୍ଟ୍ରେଚରରେ ପଡିଆ ବାହାରକୁ ନିଆଯାଇଥିଲା । ସେଠାରୁ ତାଙ୍କୁ ହସ୍ପିଟାଲ ନିଆଯାଇ ଚିକିତ୍ସା କରାଯାଇଛି । ପାକିସ୍ତାନ ବୋର୍ଡ ପକ୍ଷରୁ କୁହାଯାଇଛି ଯେ, ସ୍କାନ ପରେ ଇମାମଙ୍କୁ ସେଭଳି ଜୋରରେ ଆଘାତ ଲାଗିନଥିବା ସ୍ପଷ୍ଟ ହୋଇଛି ।

ମାତ୍ର ୪୦.୩ ବଲରେ ୪ ୱିକେଟ ହରାଇ ଏହି ମ୍ୟାଚକୁ ଜିତି ନେଇଥିଲା ପାକିସ୍ତାନ । ପାକିସ୍ତାନ ପକ୍ଷରୁ ଜମାନ ସର୍ବାଧିକ ୮୮ ରନର ଇନିଂସ ଖେଳିଥିଲେ ।  ଏହି ବିଜୟ ସହ ପାକିସ୍ତାନ ୧-୧ରେ ସିରିଜ ବରାବର କରିଛି  । ମ୍ୟାଚ ପରେ ସୋଏବ ମାଲିକ ଛାଡିଥିବା ଫଟୋରେ ଇମାମ ଉଲ ହକଙ୍କୁ ଦେଖିବାକୁ ମିଳିଛି । ଯେଉଁଥିରେ ସୋଏବ କହିଛନ୍ତି, ଇମାମ ଏବେ ସମ୍ପୂର୍ଣ୍ଣ ସୁରକ୍ଷିତ ।

ସମ୍ବନ୍ଧିତ ଖବର More from author